Ollywood News: ଆଶ୍ଟର୍ଯ୍ୟ ଲାଗିଲେ ବି ସତ.. ପୁଣି ଫେରିବେ ପିଣ୍ଟୁ ନନ୍ଦ !

Ollywood News: ପୁଣିଥରେ ରୁପେଲି ପରଦାକୁ ଫେରିବେ ଆପଣଙ୍କ ପ୍ରିୟ ଓଲିଉଡ ଅଭିନେତା ପିଣ୍ଟୁ ନନ୍ଦ (Actor Pintu Nanda) । ଆପଣଙ୍କୁ ଏକଥା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟି ସତ । ପିଣ୍ଟୁଙ୍କ ସିନେ ପରଦାକୁ ଫେରିବା ନେଇ ସୂଚନା ଦେଇଛନ୍ତି ଓଲିଉଡର ଯୁବ ନିର୍ଦ୍ଦେଶକ ଅଶ୍ୱିନ ତ୍ରିପାଠୀ (Director ashwin tripathy) । ସେ କହିଛନ୍ତି ଅଭିନେତା ପିଣ୍ଟୁ ନନ୍ଦ ଜଣେ ସୁନାମଧନ୍ୟ କଳାକାର ଭାବରେ ଲୋକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି । ପିଣ୍ଟୁଙ୍କ ସେହି ଦମଦାର ଅଭିନୟକୁ ପୁଣିଥରେ ପରଦାରେ ଦେଖିବାକୁ ପାଇବେ ଫ୍ୟାନମାନେ । କାରଣ ଆସୁଛି ପିଣ୍ଟୁ ନନ୍ଦଙ୍କ ଅଭିନିତ ସିନେମା ଉଦଣ୍ଡୀ ସୀତା । ଯାହା ଚଳିତ ବର୍ଷ ଡିସେମ୍ୱର ମାସରେ ରିଲିଜ୍ ହେବ ବୋଲି ସୂଚନା ମିଳିଛି । ତେବେ ଆସନ୍ତୁ ଜାଣିବା ସିନେମା ବିଷୟରେ କିଛି ଅଧିକ ତଥ୍ୟ ।

ସିନେମା ଉଦଣ୍ଡୀ ସୀତାରେ ପିଣ୍ଟୁ ନନ୍ଦଙ୍କ ସମେତ ଅଭିନେତା ସମରେଶ ରାଉତରାୟ, ଅଭିନେତ୍ରା ଦେବଜାନୀ ମଧ୍ୟ ନଜର ଆସିବେ । ଡ଼ ରଜନୀ ରଞ୍ଜନ (Dr. Rajani Ranjan) ଏହି ସିନେମା ପାଇଁ ଡାଇଲଗ ଲେଖିଥିବାବେଳେ ସଙ୍ଗୀତ ନିର୍ଦ୍ଦେଶକ (Music director) ଦାୟୀତ୍ୱ ତୁଳାଇଛନ୍ତି ଜାପାନୀ ଭାଈ (Japani bhai) । ଓଲିଉଡର ଆଗ ଧାଡ଼ିର ଗୀତିକାର ତପୁ ନାୟକ (Tapu nayak) ଗୀତ ଗୁଡିକୁ ସୁନ୍ଦର ଭାବରେ ତିଆରି କରିଛନ୍ତି । ନିକଟରେ ପୋଷ୍ଟର (Poster) ଓ ଟିଜର ରିଲିଜ୍ ହେବା ପରେ ସିନେମାକୁ ନେଇ ଅନେକ ଆଶା ରଖିଛନ୍ତି ଯୁବ ନିର୍ଦ୍ଦେଶକ ଅଶ୍ୱିନ ତ୍ରିପାଠୀ । ସେ କହିଛନ୍ତି ଯେ, ସିନେମାଟି ଖୁବ୍ ସୁନ୍ଦର ଭାବରେ ତିଆରି କରାଯାଇଛି ଯାହା ଦର୍ଶକଙ୍କ ହୃଦୟକୁ ଛୁଇଁବ । ଏହା ଛଡା ସିନେମାରେ ଲୋକପ୍ରିୟ ଅଭିନେତା ସ୍ୱର୍ଗତଃ ପିଣ୍ଟୁ ନନ୍ଦଙ୍କର ଦମଦାର ଅଭିନୟ (Acting) ରହିଛି । ପିଣ୍ଟୁଙ୍କ ଶେଷ ଅଭିନୟକୁ ଦର୍ଶକେ ଦେଖିବାକୁ କେବେବି ଭୁଲିବେନି । କାରଣ ଅତୀତରେ ପିଣ୍ଟୁ ନନ୍ଦ ଯେତିକି ସିନେମା କରିଛନ୍ତି ତାହା ଖୁବ୍ ଉଚ୍ଚକୋଟିର ବୋଲି ଦର୍ଶକେ ଅନୁଭବ କରିଛନ୍ତି ।

ସୂଚନାଯୋଗ୍ୟ, ଚଳିତବର୍ଷ ମାର୍ଚ୍ଚ ୧ ତାରିଖ ରାତି ୧୧ଟା୨୫ ସମୟରେ ଓଲିଉଡ ଅଭିନେତା ପିଣ୍ଟୁ ନନ୍ଦଙ୍କର ଦେହାନ୍ତ ହୋଇଥିଲା । ଲିଭର ସିରୋସିସ ରୋଗରେ ପିଡିତ ହୋଇ ପ୍ରଥମେ ଭୁବନେଶ୍ୱର ପରେ ଦିଲ୍ଲୀ ଓ ହାଇଦ୍ରାବାଦରେ ଚିକିତ୍ସିତ ହେଉଥିଲେ ପିଣ୍ଟୁ । ଚିକିତ୍ସା ପାଇଁ ସହାୟତାର ହାତ ବଢାଇଥିଲେ ଓଲିଉଡର ଅନେକ କଳାକାର । ପିଣ୍ଟୁଙ୍କୁ ଆର୍ଥିକ ସହାୟତା ଆବଶ୍ୟକ ବୋଲି ତାଙ୍କ ଭାଇ ସୂଚନା ଦେବାପରେ ଓଲିଉଡର ଅନେକ କଳାକାର ଟଙ୍କା ସଂଗ୍ରହରେ ଲାଗିପଡିଥିଲେ । ଓଲିଉଡ ଅଭିନେତା ଅର୍ଦ୍ଧେନ୍ଦୁ ସୁନ୍ଦର ପିଣ୍ଟୁଙ୍କୁ ଆର୍ଥିକ ସହାୟତାର ହାତ ବଢାଇଥିଲେ ।  ଅଭିନେତ୍ରୀ ରାଣୀ ପ୍ରିୟଦର୍ଶିନୀ ମଧ୍ୟ ଲୋକଙ୍କ ସାମ୍ନାରେ ହାତ ପତାଇ ପିଣ୍ଟୁଙ୍କ ପାଇଁ ସାହାଯ୍ୟ କରିବାକୁ ଆଗେଇ ଆସିଥିଲେ । ପିଣ୍ଟୁଙ୍କର ପ୍ରଶଂସକମାନେ ମଧ୍ୟ ଆର୍ଥିକ ସହଯୋଗର ହାତ ବଢାଇଥିଲେ । କିନ୍ତୁ ସବୁ ଚେଷ୍ଟା ସତ୍ୱେ ପିଣ୍ଟୁ ନନ୍ଦଙ୍କର ଅକାଳ ମୃତ୍ୟୁ ଓଲିଉଡ ସମେତ ଦର୍ଶକଙ୍କ ମହଲରେ ଶୋକର ଛାୟା ଖେଳାଇଦେଇଥିଲା । ଶେଷରେ ପିଣ୍ଟୁଙ୍କ ମୃତଦେହ ହାଇଦ୍ରାବାଦରୁ ଭୁବନେଶ୍ୱର ଅଣାଯାଇଥିଲା । ପ୍ରଥମେ ପଟିଆ ସ୍ଥିତ ବାସଭବନ ଓ ପରେ ଆଚାର୍ଯ୍ୟବିହାର କ୍ଲବ ପରିସରକୁ ନିଆଯାଇ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ରାଜ୍ୟର ଅନେକ ନେତା ଓ ସିନେ କଳାକାର ଏପରି ଦୁଃଖଦ ଘଟଣା ପାଇଁ ଶୋକ ପ୍ରକାଶ କରିଥିଲେ । ଶେଷରେ ପିଣ୍ଟୁଙ୍କ ମର ଶରୀରକୁ ପୁରୀ ସ୍ୱର୍ଗଦ୍ୱାର ନିଆଯିବା ସହ ସେଠାରେ ଅନ୍ତିମ ସଂସ୍କାର କାର୍ଯ୍ୟକ୍ରମ କରାଯାଇଥିଲା ।