Stretch Mark:ଷ୍ଟ୍ରେଚ ମାର୍କ ପାଇଁ ଚିନ୍ତିତ କି ? ଆପଣାନ୍ତୁ ଘରୋଇ ଉପଚାର

Stretch Mark:

ଶରୀରରେ ଏପରି କିଛି ଚିହ୍ନ ସୃଷ୍ଟି ହୋଇଥାଏ ଯାହାକୁ ଆମେ ଚାହିଁଲେ ମଧ୍ୟ ହଟାଇ ପାରୁନା। ଶରିରରେ ଏହି ଚିହ୍ନ ଦେଖିବାକୁ ବହୁତ ଖରାପ ଲାଗେ କିନ୍ତୁ ଏହା ସହିତ ସାଲିସ କରିବାକୁ ପଡେ। ଷ୍ଟ୍ରେଚ ମାର୍କ ଏହି ମାର୍କ ମଧ୍ୟ ଏଭଳି ଚିହ୍ନ ମଧ୍ୟରୁ ଗୋଟିଏ।  । ଯେତେବେଳେ କିଛି ଲୋକଙ୍କର ଓଜନ ବଢ଼ିଥାଏ ଏବଂ ତା'ପରେ ଓଜନ କମିଯାଏ, ସେତେବେଳେ ଶରୀରର କିଛି ଅଂଶରେ ଷ୍ଟ୍ରେଚ୍ ମାର୍କ ସୃଷ୍ଟି ହୋଇଥାଏ। ଏଥିସହ ଗର୍ଭବତୀ ମହିଳାଙ୍କ ଠାରେ ମଧ୍ୟ ଏହି ସମସ୍ୟା ଦେଖିବାକୁ ମିଳିଥାଏ। ଷ୍ଟ୍ରେଚ୍ ମାର୍କ କାରଣରୁ ଅନେକ ସମୟରେ ମହିଳାମାନେ ନିଜ ମନପସନ୍ଦର ଡ୍ରେସ୍ ପିନ୍ଧି ପାରନ୍ତି ନାହିଁ। ଶାଢୀ ପିନ୍ଧିଲେ ମଧ୍ୟ ତାଙ୍କ ଷ୍ଟ୍ରେଚ୍ ମାର୍କ ସ୍ପଷ୍ଟ ଭାବେ ଦେଖିବାକୁ ମିଳେ।

ଷ୍ଟ୍ରେଚ ମାର୍କ ହଟାଇବା ପାଇଁ ବଜାରରେ ଅନେକ ପ୍ରଡକ୍ଟ ଉପଲବ୍ଧ । କିନ୍ତୁ ସେଗୁଡ଼ିକ ସମ୍ପୂର୍ଣ୍ଣ ଫଳପ୍ରଦ ସାବ୍ୟସ୍ତ ହେଉନାହିଁ। କିଛି ଲୋକଙ୍କ ଚର୍ମରେ ଥିବା ଷ୍ଟ୍ରେଚ୍ ଚିହ୍ନ କୁ ହଟାଇବା ପାଇଁ କ୍ରିମ୍ ଅନୁକୂଳ ହୋଇନଥାଏ, ଯେଉଁକାରଣରୁ ବେଳେବେଳେ ସେମାନଙ୍କୁ ଆଲର୍ଜି ହୋଇଥାଏ । ଘରେ ଥିବା କିଛି ଜିନିଷକୁ ବ୍ୟବହାର କରି ଷ୍ଟ୍ରେଚ୍ ମାର୍କରୁ ମୁକ୍ତି ପାଇପାରିବେ। ଆସନ୍ତୁ ଜାଣିବା ଘରେ ରଖାଯାଇଥିବା କେଉଁ ଜିନିଷ ଆପଣଙ୍କୁ ଷ୍ଟ୍ରେଚ ମାର୍କରୁ ମୁକ୍ତି ଦେଇଥାଏ ।

ବାଦାମରୁ ପ୍ରସ୍ତୁତ କରନ୍ତୁ ପ୍ରାକୃତିକ ସ୍କ୍ରବ୍

ଷ୍ଟ୍ରେଚ ମାର୍କ କମାଇବା ପାଇଁ ଆପଣ ପ୍ରାକୃତିକ ଉପାୟରେ ଘରେ ସ୍କ୍ରବ ପ୍ରସ୍ତୁତ କରିପାରିବେ । ଏଥିପାଇଁ ଏକ ପାତ୍ରରେ ବାଦାମ ଗୁଣ୍ଡ, ଚିନି, କଫି, ନଡ଼ିଆ ତେଲ ମିଶାନ୍ତୁ। ଏହାପରେ ଏହାକୁ ମିଶାଇ ଏକ ଭଲ ପେଷ୍ଟ ପ୍ରସ୍ତୁତ କରନ୍ତୁ। ପ୍ରତିଦିନ ଗାଧୋଇବା ପୂର୍ବରୁ ଏହି ସ୍କ୍ରବ୍ କୁ ଷ୍ଟ୍ରେଚ୍ ମାର୍କରେ ଲଗାନ୍ତୁ। କିଛି ଦିନ ପରେ ଆପଣଙ୍କୁ ଫରକ ଦେଖିବାକୁ ମିଳିବ ।

ଆଳୁ ରସ ବ୍ୟବହାର କରନ୍ତୁ

ପ୍ରାକୃତିକ ଉପାୟରେ ଦାଗ ଦୂର କରିବା ପାଇଁ ଆଳୁ ରସ ବ୍ୟବହାର କରାଯାଏ । ବାସ୍ତବରେ ଆଳୁ ବ୍ଲିଚିଂ ଏଜେଣ୍ଟ ଭଳି କାମ କରିଥାଏ ଯାହା ଦାଗ କୁ ହାଲୁକା କରିବାରେ ପ୍ରଭାବଶାଳୀ ଅଟେ । ଏଥିପାଇଁ ଏକ ଚାମଚ ଆଳୁ ରସରେ ଆଲୋଭେରା ଜେଲ୍ ମିଶାଇ ଷ୍ଟ୍ରେଚ୍ ମାର୍କରେ ଲଗାନ୍ତୁ। ଏହାକୁ ପ୍ରତିଦିନ ଲଗାଇବା ଦ୍ୱାରା ଧୀରେ ଧୀରେ ମାର୍କ ହାଲୁକା ହୋଇଯିବ।

କାଷ୍ଟର ଅଏଲରେ ମାଲିସ କରନ୍ତୁ

ଷ୍ଟ୍ରେଚ ମାର୍କକୁ ହାଲୁକା କରିବା ପାଇଁ କାଷ୍ଟର ଅଏଲ ବ୍ୟବହାର କରାଯାଇପାରେ । ଏହା ତ୍ୱଚାର ରଙ୍ଗକୁ ଉନ୍ନତ କରିବା ପାଇଁ ମଧ୍ୟ କାମ କରିଥାଏ । ସିଧାସଳଖ କ୍ୟାଷ୍ଟର ତେଲ ଲଗାଇବା ପରିବର୍ତ୍ତେ ପ୍ରଥମେ ଏହାକୁ ଟିକିଏ ଗରମ କରନ୍ତୁ। ଏହାପରେ ଏହାକୁ ରାତିରେ ଶୋଇବା ପୂର୍ବରୁ ଷ୍ଟ୍ରେଚ ମାର୍କ ଦ୍ୱାରା ପ୍ରଭାବିତ ସ୍ଥାନରେ ଲଗାନ୍ତୁ ଏବଂ ହାଲକା ହାତରେ ମାଲିସ କରନ୍ତୁ । କ୍ୟାଷ୍ଟର ଅଲ୍ ବଦଳରେ ଆପଣ ଅଲିଭ୍ ଅଏଲ୍ ମଧ୍ୟ ବ୍ୟବହାର କରିପାରିବେ।

ରେଟିନୋଲ କ୍ରିମ ପ୍ରଭାବଶାଳୀ ଅଟେ

ଷ୍ଟ୍ରେଚ ମାର୍କ କମାଇବା ପାଇଁ ଆପଣ ରେଟିନୋଲ ମଧ୍ୟ ବ୍ୟବହାର କରିପାରିବେ । ପ୍ରକୃତରେ ରେଟିନୋଲରେ ଭିଟାମିନ୍ ସି ମିଳିଥାଏ, ଯାହା ଦାଗର ଦାଗକୁ ହାଲୁକା  କରିଥାଏ । ଏହା ବ୍ୟତୀତ କ୍ଷୀର, ମାଛ, ଅଣ୍ଡା, ଦହିରୁ ବି ରେଟିନୋଲର ଅଭାବ କୁ ଆପଣ ପୂରଣ କରିପାରିବେ ।

ଲେମ୍ବୁ ଚୋପା ବ୍ୟବହାର କରନ୍ତୁ

ଲେମ୍ବୁ ଚୋପା ଗୁଣ୍ଡକୁ ଅନେକ ସୌନ୍ଦର୍ଯ୍ୟ ସାମଗ୍ରୀରେ ବ୍ୟବହାର କରାଯାଏ । ଦାଗ କୁ ହାଲୁକା କରିବାରେ ଏହା ପ୍ରଭାବଶାଳୀ ବୋଲି ବିବେଚନା କରାଯାଏ । ଏଥିପାଇଁ ଆପଣ ଲେମ୍ବୁ ଚୋପା ପାଉଡର ବ୍ୟବହାର କରିପାରିବେ । ଲେମ୍ବୁ ଚୋପା ଗୁଣ୍ଡରେ ଏକ ଚାମଚ ମହୁ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହାପରେ ଷ୍ଟ୍ରେଚ୍ ମାର୍କ ଥିବା ସ୍ଥାନରେ ହାଲୁକା ହାତରେ ଏହାକୁ ସ୍କ୍ରବ୍ କରନ୍ତୁ।