ସଞ୍ଜୟ ରାଉତଙ୍କ ବଡ଼ ଖୁଲାସା: କହିଲେ- ମୋତେ ମଧ୍ୟ ମିଳିଥିଲା ଗୁଆହାଟି ଯିବାକୁ ଅଫର୍

Maharashtra politics: ଶିବସେନା ନେତା ସଞ୍ଜୟ ରାଉତ (Sanjay Raut) କହିଛନ୍ତି, 'ଜଣେ ସାଂସଦ ଭାବରେ ଓ ଏହି ଦେଶର ଦାଇତ୍ୱବାନ ନାଗରିକ ଭାବରେ ମୋର କର୍ତ୍ତବ୍ୟ ଯେ ଯେତେବେଳେ ଦେଶର କୌଣସି ଯାଞ୍ଚକାରୀ ସଂସ୍ଥା ମୋତେ ଡାକନ୍ତି, ମୁଁ ସେମାନଙ୍କ ଆଗରେ ଯାଇ ବୟାନ ଦେବା ଉଚିତ୍ ।'

Sanjay Raut on ED summons : ବରିଷ୍ଠ ଶିବସେନା ନେତା ସଞ୍ଜୟ ରାଉତ (Sanjay Raut) ଶନିବାର ଦିନ ଖୁଲାସା କରିଛନ୍ତି ଯେ ତାଙ୍କୁ ମଧ୍ୟ ଗୁଆହାଟୀ ଯିବାକୁ ଅଫର୍ ମିଳିଥିଲା । ରାଉତ କହିଛନ୍ତି, "ମୁଁ ମଧ୍ୟ ଗୁଆହାଟି ଯିବାକୁ ଏକ ଅଫର ପାଇଥିଲି, କିନ୍ତୁ ମୁଁ ବାଲାସାହେବ ଠାକରେଙ୍କୁ ଅନୁସରଣ କରେ ତେଣୁ ମୁଁ ସେଠାକୁ ଯାଇ ନଥିଲି । ଯେତେବେଳେ ସତ୍ୟ ଆପଣଙ୍କ ପକ୍ଷରେ ଅଛି, ଭୟ କାହିଁକି?"

ଏହା ସମସ୍ତଙ୍କୁ ଜଣା ଯେ ଶିବସେନାଙ୍କ (Shiv Sena) ସହ ବିଦ୍ରୋହ ପରେ ସିନ୍ଦେ ନିଜ ସମର୍ଥ ବିଧାୟକଙ୍କ ସହ ଗୁଆହାଟୀର ରେଡିସନ୍ ବ୍ଲୁ ହୋଟେଲରେ ଆଠ ଦିନ ରହିଥିଲେ । ଏହି ହୋଟେଲର ସମସ୍ତ ୭୦ ରୁମ୍ ଶିବସେନାର ବିଦ୍ରୋହୀମାନଙ୍କ ପାଇଁ ବୁକ୍ କରାଯାଇଥିଲା । ଏଥି ସହିତ, ୨୨ ରୁ ୨୯ ଜୁନ୍ ପର୍ଯ୍ୟନ୍ତ ହୋଟେଲକୁ ବାହାର ଲୋକଙ୍କ ପାଇଁ ନିଷେଧ କରାଯାଇଥିଲା ।

ସଞ୍ଜୟ ରାଉତ କହିଛନ୍ତି, "ଏହି ଦେଶର ଜଣେ ଦାଇତ୍ୱବାନ ନାଗରିକ ଭାବରେ, ସାଂସଦ ଭାବରେ, ମୋର କର୍ତ୍ତବ୍ୟ ଯେ ଯେତେବେଳେ ଦେଶର କୌଣସି ଯାଞ୍ଚକାରୀ ସଂସ୍ଥା ମୋତେ ଡାକନ୍ତି, ମୁଁ ସେମାନଙ୍କ ଆଗରେ ଯାଇ ଏକ ବୟାନ ଦେବା ଉଚିତ୍ । ମୋତେ ଡକାଯାଇଥିଲା, ଲୋକଙ୍କ ମନରେ ଆଶଙ୍କା ଥିଲା ଏହା ରାଜନୈତିକ ଚାପରେ ଘଟିଛି, ସେପରି କିଛି ନାହିଁ ।"

ମନି ଲଣ୍ଡରିଂ ମାମଲାରେ ବୟାନ ରେକର୍ଡ କରିବାକୁ ଶୁକ୍ରବାର ଦିନ ରାଉତ ଇଡି ନିକଟରେ ହାଜର ହୋଇଥିଲେ ଓ ୧୦ ଘଣ୍ଟାରୁ ଅଧିକ ସମୟ ପରେ ବାହାରକୁ ଆସିଥିଲେ । ସେ କହିଥିଲେ ଯେ ତାଙ୍କ ମନରେ ସନ୍ଦେହ ଥିଲା ଯେ, ଏପରି ଟାଇମିଂରେ କାହିଁକି ଡକାଗଲା? ମୁଁ ସେମାନଙ୍କ ସହିତ ୧୦ ଘଣ୍ଟା ରହିଲି, ଅଧିକାରୀମାନେ ମୋତେ ବହୁତ ଭଲ ବ୍ୟବହାର କଲେ । ମୁଁ ସମସ୍ତ ପ୍ରଶ୍ନର ଉତ୍ତର ଦେଲି । ମୁଁ ସେମାନଙ୍କୁ କହିଲି ଯଦି ଆପଣ ଭାବୁଛ ମୁଁ ପୁନର୍ବାର ଆସିବା ଉଚିତ୍ ତେବେ ମୁଁ ପୁଣି ଆସିବି ।"