ଗଣମାଧ୍ୟମ ସାକ୍ଷାତକାର ସମୟରେ ଯେତେବେଳେ ପ୍ରଶାନ୍ତ କିଶୋରଙ୍କୁ (Prashant Kishore) ପଚରାଗଲା ସେ କେଉଁ ନେତାଙ୍କ ସହ କାମ କରିବାକୁ ପସନ୍ଦ କରିବେ ନାହିଁ? ସେ ଏହି ପ୍ରଶ୍ନର ଉତ୍ତରରେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ନାମ ନେଇଥିଲେ । ଏହା ସହ ଉତ୍ତରପ୍ରଦେଶରେ ହେବାକୁ ଥିବା ନିର୍ବାଚନକୁ ନେଇ ମଧ୍ୟ ନିଜର ପ୍ରତିକ୍ରିୟା ରଖିଛନ୍ତି ।
Trending Photos
6
12
10
6 "UP ନିର୍ବାଚନରେ କିଏ ଜିତିବ? ପ୍ରଶାନ୍ତ କିଶୋର ଦେଲେ ବଡ଼ ବୟାନ")
UP elections 2022: ବିହାରର ରାଜଧାନୀରେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର (Electoral strategist Prashant Kishor) ପୁଣିଥରେ ଏକ ଗଣମାଧ୍ୟମ ସାକ୍ଷାତକାରରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ (Nitish Kumar) ସହ କାମ କରିବାକୁ ଇଚ୍ଛା ପ୍ରକାଶ କରିଛନ୍ତି । ଏହି ସମୟରେ ସେ କହିଥିଲେ ଯେ ଯଦି ସୁଯୋଗ ଆସେ ଓ ପରିସ୍ଥିତି ଉପୁଜେ ତେବେ ସେ ନରେନ୍ଦ୍ର ମୋଦି, ରାହୁଲ ଗାନ୍ଧୀ ଏବଂ କ୍ୟାପଟେନ ଅମରିନ୍ଦର ସିଂଙ୍କ ବଦଳରେ ନୀତୀଶ କୁମାରଙ୍କ ସହ ପୁଣି ଥରେ କାମ କରିବାକୁ ଚାହିଁବେ। ତେବେ ଏକ ଘରୋଇ ଚ୍ୟାନେଲକୁ ଦିଆଯାଇଥିବା ଏକ ସାକ୍ଷାତକାରରେ ସେ ଏହି କଥା କହିଛନ୍ତି । ଏହି ସମୟରେ ସେ ନୀତୀଶ କୁମାରଙ୍କୁ ଦିଲ୍ଲୀର ସିଏମ ଅରବିନ୍ଦ କେଜ୍ରିୱାଲଙ୍କ (Arvind Kejriwal) ଅପେକ୍ଷା ବହୁତ ଭଲ ସିଏମ ବୋଲି ବର୍ଣ୍ଣନା କରିଥିଲେ ।
ବାସ୍ତବରେ, ମିଡିଆ ସାକ୍ଷାତକାର ସମୟରେ, ଯେତେବେଳେ ତାଙ୍କୁ ପଚରାଗଲା ସେ କେଉଁ ନେତାଙ୍କ ସହ କାମ କରିବାକୁ ପସନ୍ଦ କରିବେ ନାହିଁ? ସେତବେଳେ ଏହି ପ୍ରଶ୍ନର ଉତ୍ତରରେ ସେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ନାମ ନେଇଥିଲେ । ସେ ସ୍ପଷ୍ଟ ଭାବରେ କହିଛନ୍ତି ଯେ କୌଣସି ପରିସ୍ଥିତିରେ ସେ କ୍ୟାପଟେନ ଅମରିନ୍ଦର ସିଂଙ୍କ ସହ କାମ କରିବାକୁ ପସନ୍ଦ କରିବେ ନାହିଁ । ଏଥି ସହିତ ଆଉ ଏକ ପ୍ରଶ୍ନ ପଚାର ଯାଇଥିଲା ଯେ 'ଆପଣ କ’ଣ ହେବାକୁ ଚାହାଁନ୍ତି- ସିଏମ୍, କ୍ୟାବିନେଟ୍ ମନ୍ତ୍ରୀ, ସରକାରୀ ଥିଙ୍କ ଟ୍ୟାଙ୍କ୍ କିମ୍ବା ଆପଣ ବିଦେଶରେ ଥିବା ଏକ ଦ୍ୱୀପରେ ଆରାମଦାୟକ ଜୀବନ ଚାହାଁନ୍ତି କି?' ଏହାର ଉତ୍ତରରେ ପ୍ରଶାନ୍ତ କିଶୋର କହିଛନ୍ତି ଯେ ମୁଁ ଏଗୁଡ଼ିକ କିଛି ନୁହେଁ ।
ଗାନ୍ଧୀ ପରିବାର ବିନା କଂଗ୍ରେସ ଚାଲିପାରିବ- PK
କହି ରଖୁଛୁ ଯେ ଏହା ବ୍ୟତୀତ ଯେତେବେଳେ ତାଙ୍କୁ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ହେବା ବିଷୟରେ ପଚରାଗଲା ସେତେବେଳେ ସେ କହିଥିଲେ ଯେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ହୋଇପାରିବେ । ଏହା ସହିତ ସେ କହିଛନ୍ତି ଯେ ଗାନ୍ଧୀ ପରିବାର ବିନା କଂଗ୍ରେସ ଚାଲିପାରିବ । କିନ୍ତୁ, ଯଦି ଅନ୍ୟ କଂଗ୍ରେସ ନେତାମାନେ ମଧ୍ୟ ତାହା କରିବାକୁ ଚାହାଁନ୍ତି ତେବେ ଏହା ସମ୍ଭବ ହେବ । କୌଣସି ଦଳରେ ଯୋଗଦେବା ପ୍ରସଙ୍ଗରେ ସେ କହିଛନ୍ତି ଯେ କେବଳ ବିଦ୍ୟମାନ ଦଳରେ ଯୋଗଦେବା ଜରୁରୀ ନୁହେଁ । ନିଜର ପାର୍ଟୀ ମଧ୍ୟ ଲଞ୍ଚ କରାଯାଇହେବ ।
ବିପୁଳ ବହୁମତରେ ୟୁପି ନିର୍ବାଚନରେ ଜିତିବ BJP
ସୂଚନାଯୋଗ୍ୟ ଯେ ଏହାପୂର୍ବରୁ ପ୍ରଶାନ୍ତ କିଶୋର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରିଥିଲେ । ଯେଉଁଥିରେ ସେ କହିଥିଲେ ଯେ ବର୍ତ୍ତମାନ ତାଙ୍କ ତୁଳନାରେ ଦେଶରେ କୌଣସି ନେତା ନାହାଁନ୍ତି । ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ କଂଗ୍ରେସ ବିନା ଦେଶରେ ଏକ ଶକ୍ତିଶାଳୀ ବିରୋଧି ସୃଷ୍ଟି ହୋଇପାରିବ । ଏଥି ସହିତ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର କହିଛନ୍ତି ଯେ ଉତ୍ତରପ୍ରଦେଶର 2022 ବିଧାନସଭା ନିର୍ବାଚନରେ ବିଜେପି ଏକାକୀ ବହୁମତ ହାସଲ କରିବ ।
ଏହା ବି ପଢ଼ନ୍ତୁ: ମହିଳାମାନଙ୍କୁ କେନ୍ଦ୍ରର ବଡ଼ ଉପହାର, ସରକାର ମାଗଣାରେ ଦେବେ ୫୦୦୦ ଟଙ୍କାର ଏହି ସୁବିଧା
ଏହା ବି ପଢ଼ନ୍ତୁ: LIC ର ଏହି ସ୍କିମରେ ମାତ୍ର ୨୯ ଟଙ୍କା ନିବେଶ କରି ପାଇପାରିବେ ୪ ଲକ୍ଷ ଟଙ୍କା! ଜାଣନ୍ତୁ ଡିଟେଲ୍ସ
