ବାଇଡେନ ପୁତିନଙ୍କୁ କହିଲେ ଜଣେ 'ଦକ୍ଷ ପ୍ରତିଦ୍ୱନ୍ଦ୍ୱୀ', ଋଷକୁ ଦେଲେ ଏହି ଚେତାବନୀ

ଆମେରିକା ରାଷ୍ଟ୍ରପତି ଚେତାବନୀ ଦେଇଛନ୍ତି ଯେ ଯଦି ଋଷ ସାଇବର ସୁରକ୍ଷା ଭଳି ପ୍ରସଙ୍ଗରେ ସହଯୋଗ କରିବାକୁ ମନା କରିବ, ତେବେ ଆମେରିକା ଏହାର ଜବାବ ଦେବ । ବାଇଡେନ କହିଛନ୍ତି ଯେ ପୁତିନ ଜଣେ ପ୍ରଭାବଶାଳୀ ତଥା କଠୋର ସ୍ୱଭାବର ନେତା ।

ୱାଶିଂଟନ୍: ଆମେରିକାର ରାଷ୍ଟ୍ରପତି ଜୋ ବାଇଡେନ (Joe Biden) ନିଜ ଋଷ ପ୍ରତିପକ୍ଷ ଭ୍ଲାଦିମିର ପୁତିନଙ୍କ (Vladimir Putin) ବିଷୟରେ ଏକ ବିଶେଷ ବୟାନ ଦେଇଛନ୍ତି । ଏହି ବୟାନରେ ସେ ପୁତିନଙ୍କୁ ପ୍ରଶଂସା କରିବା ସହ ତାଙ୍କୁ ବିରୋଧୀ ବୋଲି କହିଛନ୍ତି । ସୋମବାର ନାଟୋ ଶିଖର ସମ୍ମିଳନୀରେ (NATO summit) ବାଇଡେନ ପୁତିନଙ୍କୁ ଜଣେ 'ଦକ୍ଷ ପ୍ରତିଦ୍ୱନ୍ଦ୍ୱୀ' ବୋଲି ବର୍ଣ୍ଣନା କରିଛନ୍ତି । ବୁଧବାର ଦିନ ଦୁଇ ନେତାଙ୍କ ମଧ୍ୟରେ ଆଲୋଚନା ହେବାର କାର୍ଯ୍ୟକ୍ରମ ରହିଛି ।

ବୈଠକକୁ ନେଇ କହିଲେ ଏହି କଥା
ଆମେରିକା-ଋଷ ନାଟୋ ଶିଖର ସମ୍ମିଳନୀର (NATO summit) ସଫଳତା ବିଷୟରେ ବାଇଡେନ କୌଣସି ପୂର୍ବାନୁମାନ କରିନାହାଁନ୍ତି । ଯେତେବେଳେ ଏହି ସମ୍ମିଳନୀ ବିଷୟରେ ବାଇଡେନଙ୍କୁ (Joe Biden) ପଚରାଗଲା, ପୁତିନଙ୍କ ସହ ସାକ୍ଷାତରୁ ସେ କ’ଣ ଲାଭ କରିବେ ବୋଲି ଆଶା କରୁଛନ୍ତି । ସେତେବେଳେ ସେ କେବଳ ଏହା କହିଛନ୍ତି ଯେ ସେମାନେ ଅନେକ ପ୍ରସଙ୍ଗରେ ଆଲୋଚନା କରିବେ, 'ଯେଉଁ କ୍ଷେତ୍ରରେ ଆମେ ସହଯୋଗ କରିପାରିବୁ ସେ ବିଷୟରେ ମଧ୍ୟ ଆଲୋଚନା କରାଯିବ ।'

ଆମେରିକା ରାଷ୍ଟ୍ରପତି (President of the United States) ଚେତାବନୀ ଦେଇଛନ୍ତି ଯେ ଯଦି ଋଷ ସାଇବର ସୁରକ୍ଷା ଭଳି ପ୍ରସଙ୍ଗରେ ସହଯୋଗ କରିବାକୁ ମନା କରିବ, ତେବେ ଆମେରିକା ଏହାର ଜବାବ ଦେବ । ବାଇଡେନ କହିଛନ୍ତି ଯେ ପୁତିନ ଜଣେ ପ୍ରଭାବଶାଳୀ ତଥା କଠୋର ସ୍ୱଭାବର ନେତା । ତେବେ ସେ ବିଶ୍ୱର ଦୃଷ୍ଟିକୋଣକୁ ବଦଳାଇବାକୁ ଆଗ୍ରହୀ ହେବେ ବୋଲି ସେ ଆଶା ପ୍ରକଟ କରିଛନ୍ତି ।

ଅଧିକ ପଢ଼ନ୍ତୁ: WTC Final: ଭାରତ ବିପକ୍ଷରେ ଟିମ୍ ଘୋଷଣା କଲା ନ୍ୟୁଜିଲାଣ୍ଡ, ଜାଣନ୍ତୁ କିଏ IN ଓ କିଏ OUT

ବ୍ରିଟେନ ମଧ୍ୟ ଋଷକୁ ନେଇ କଠୋର
ଆମେରିକାର ରାଷ୍ଟ୍ରପତିଙ୍କ ପରି ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନସନ (Boris Johnson) ମଧ୍ୟ ଋଷ ପ୍ରତି କଠୋର ଆଭିମୁଖ୍ୟ ଗ୍ରହଣ କରିଛନ୍ତି । ନାଟୋ ଶିଖର ସମ୍ମିଳନୀରେ ସେ କହିଛନ୍ତି ଯେ ମୁଁ ସବୁବେଳେ ଆଶା କରେ ଯେ ପରିସ୍ଥିତି ଭଲ ହେବ । ମୁଁ ରାଷ୍ଟ୍ରପତି ଭ୍ଲାଦିମିର ପୁତିନଙ୍କୁ ଯାହା କହିବାକୁ ଚାହେଁ ତାହା ହେଉଛି ଯେ ଆମେ ଏକ ଶକ୍ତିଶାଳୀ ସମ୍ପର୍କ ଗଢ଼ିବାକୁ ଚେଷ୍ଟା କରିବାକୁ ପ୍ରସ୍ତୁତ, କିନ୍ତୁ ଆପଣଙ୍କୁ ଆପଣଙ୍କର ଆଚରଣ ବଦଳାଇବାକୁ ପଡିବ । ସେ ଆହୁରି ମଧ୍ୟ କହିଛନ୍ତି ଯେ ଶାନ୍ତିପୂର୍ଣ୍ଣ ଆଦେଶ ପାଇଁ ମସ୍କୋ ପରିବର୍ତ୍ତନ ହେବା ଆବଶ୍ୟକ, ଏଠାରେ ନିରୀହ ଲୋକଙ୍କ ଉପରେ ହେଉଥିବା ଅତ୍ୟାଚାର ବନ୍ଦ କରିବା ଆବଶ୍ୟକ ।