Short Story In Odia: ପରିସ୍ଥିତିକୁ ସୁଧାରିବାକୁ ଆସିଥାଏ 'ବାଧା'

Short Story In Odia: କାହାଣୀ ଶୁଣିବାକୁ କାହାକୁ ବା ଭଲ ନଲାଗେ। ବ୍ୟସ୍ତବହୁଳ ଜୀବନରେ ସମସ୍ତେ ଏବେ ଫୋନର ବ୍ୟବହାର ଅଧିକ କରୁଛନ୍ତି। ଆଉ ସେ ଜେଜେ ମା କାହାଣୀ ଶୁଣିବାକୁ ମିଳୁନି। ଏବେ ସଭିଁଏ କାହାଣୀ ପଢିବାକୁ ହେଲେ ଗୋଟିଏ କ୍ଲିକରେ ଫୋନରୁ ବୁଢୀ ମା କାହାଣୀ ସଂଗ୍ରହ କରିନେଉଛନ୍ତି। ଆଉ ଏହି ଚାହିଦାକୁ ନେଇ ଜୀ ଓଡ଼ିଶା ପରିବାର ପକ୍ଷରୁ ଏହି ସ୍ୱତନ୍ତ୍ର ପ୍ରୟାସ କରାଯାଉଛି। ଏଣିତକି ପ୍ରତିଦିନ ଏକ କୁନି କାହାଣୀକୁ ଆମେ ସ୍ଥାନ ଦେବାକୁ ଯାଉଛୁ। ପଞ୍ଚତନ୍ତ୍ର କାହାଣୀ ଠାରୁ ଆରମ୍ଭ କରି ନୀତିଶିକ୍ଷା ପର୍ଯ୍ୟନ୍ତ ସବୁ କିଛି ପାଇପାରିବେ ଗୋଟିଏ କ୍ଲିକ୍ ରେ...

Short Story In Odia: ବହୁତ ପୂରୁଣା ସମୟର କଥାଟିଏ...ଜଣେ ରାଜା ଏକ ବଡ଼ ପଥରକୁ ରାସ୍ତା ମଝିରେ ଜାଣିଶୁଣି ରଖିଦେଲେ। ଏହାକରି ସେ ନିକଟରେ ଏକ ବୁଦା ପାଖରେ ଲୁଚିଗଲେ। ଆଉ ସେ ଦେଖିବାକୁ ଚାହୁଁଥିଲେ ଯେ, ସେ ପଥରକୁ ସର୍ବ ପ୍ରଥମେ କିଏ ଉଠାଉଛି।

ଅନେକ ଲୋକ ଆସିବା ଏବଂ ସେହି ପଥ ଦେଇ ଯାତାୟତ କଲେ କିନ୍ତୁ ସେହି ପଥରକୁ କାଢିବାକୁ ଠିକ୍ ମନେ କଲେ ନାହିଁ । ଏପରିକି ରାଜାଙ୍କ ଅଦାଲତର ଅନେକ ମନ୍ତ୍ରୀ ଏବଂ ଧନୀ ବ୍ୟବସାୟୀମାନେ ମଧ୍ୟ ସେହି ରାସ୍ତା ଦେଇ ଗଲେ, କିନ୍ତୁ ପଥରଟିକୁ ହଟାଇବାକୁ କେହି ଠିକ୍ ମନେ କଲେ ନାହିଁ । ଅପରପକ୍ଷେ, ସେମାନେ ଏହି ବାଧା ପାଇଁ ରାଜାଙ୍କୁ ଦାୟୀ କଲେ। 

ଅନେକ ଲୋକ ବିରକ୍ତ ହୋଇ ରାଜାଙ୍କୁ ରାସ୍ତା ସଫା ନକରିବାକୁ ନେଇ ଦାୟିତ୍ୱହୀନ ବୋଲି କହିଲେ, କିନ୍ତୁ ସେମାନଙ୍କ ମଧ୍ୟରୁ କେହି ପଥରଟିକୁ ରାସ୍ତାରୁ ହଟାଇବା ପାଇଁ କିଛି କରି ନ ଥିଲେ। ସେତିକି ବେଳେ ଜଣେ କୃଷକ ପନିପରିବା ଭାର ନେଇକି ଆସିଲେ।  ସେ ରାସ୍ତା ଉପରେ ଦେଖିଥିବା ପଥରକୁ ବହୁ କଷ୍ଟରେ ବାହାର କରି ଶେଷରେ ସଫଳତା ପାଇଲେ। 

ଯେତେବେଳେ କୃଷକ ନିଜର ପନିପରିବା ସଂଗ୍ରହ କରିବାକୁ ଫେରିଗଲେ, ସେଠାପେ ଏକ ପର୍ସ ପଡ଼ିଥିବାର ଦେଖିଲେ ଠିକ୍ ସେଇଠି ଯେଉଁଠି ପଥରଟି ପଡ଼ିଥିଲା।

କୃଷକ ସେହି ପର୍ସଟିକୁ ଖୋଲି ଦେଖିଲେ...ଦେଖିଲା ବେଳକୁ ପର୍ସରେ ଅନେକ ସୁନା ମୁଦ୍ରା ଏବଂ ରାଜାଙ୍କଠାରୁ ଏକ ନୋଟ୍ ରହିଥିଲା ​​ଯେ ରାସ୍ତାରୁ ପଥର କାଢିଥିବା ବ୍ୟକ୍ତିଙ୍କ ପାଇଁ ଏହି ସୁନା ଥିଲା।

କାହାଣୀରୁ ଶିକ୍ଷା-: ପରିସ୍ଥିତିକୁ ସୁଧାରିବାକୁ ଆସିଥାଏ 'ବାଧା' ଆଉ ସେହି ବାଧାକୁ ଟପିଗଲେ ମିଳିଥାଏ ସଫଳତା ହିଁ ସଫଳତା