World Photography Day 2022: ଏହି ପାଞ୍ଚଟି ଟିପ୍ସ ଆପଣଙ୍କୁ କରିଦେବ ମୋବାଇଲ୍ ଫଟୋଗ୍ରାଫିରେ ଏକ୍ସପର୍ଟ

World Photography Day 2022: ଆଜି ଅର୍ଥାତ ୧୯ ଅଗଷ୍ଟରେ, ବିଶ୍ୱ ଫଟୋଗ୍ରାଫି ଦିବସ ଅବସରରେ, ଆମେ ଆପଣଙ୍କୁ ମୋବାଇଲ୍ ଫଟୋଗ୍ରାଫି ବିଷୟରେ ଏପରି କିଛି ଟିପ୍ସ ଓ ଟ୍ରିକ୍ସ କହିବୁ ଯାହା ଆପଣଙ୍କ ସ୍ମାର୍ଟଫୋନ୍ ଫଟୋଗ୍ରାଫି ଦକ୍ଷତାକୁ ଆହୁରି ବଢ଼ାଇଦେବ ।

World Photography Day 2022: ଲୋକଙ୍କ ପାଖରେ ସ୍ମାର୍ଟଫୋନ୍ ଥିବ ଓ ଫଟୋଗ୍ରାଫି କରୁ ନ ଥିବେ, ଏହା ପ୍ରାୟତଃ କୋଚିତ ଦେଖାଯାଏ । ଏକବିଂଶ ଶତାବ୍ଦୀରେ, ବିଶ୍ୱର ଲୋକମାନେ ଏତେ ସଂଖ୍ୟକ ଫଟୋଗ୍ରାଫି କରୁଛନ୍ତି ଯେ ପୂର୍ବ ଶତାବ୍ଦୀ ସହିତ କୌଣସି ତୁଳନା କରିବା ଅର୍ଥହୀନ । ଫଟୋଗ୍ରାଫିକ୍ ତଥ୍ୟ ଅନୁଯାୟୀ, ୨୦୨୧ ମସିହାରେ ୧.୨ ଟ୍ରିଲିୟନ୍ ଫଟୋଗ୍ରାଫ୍ ସାରା ବିଶ୍ୱରେ ନିଆଯାଇଥିଲା । ଆକଳନ କରାଯାଇଛି ଯେ ୨୦୨୨ ମସିହାରେ ଏହି ସଂଖ୍ୟା ୧.୭୨ ଟ୍ରିଲିୟନ ହୋଇପାରେ ଓ ୨୦୨୫ ସୁଦ୍ଧା ଏହି ସଂଖ୍ୟା ୨ ଟ୍ରିଲିୟନ ହେବ । କୌତୁହଳର ବିଷୟ, ଏହି ଫଟୋଗୁଡ଼ିକର ୯୨.୫ ପ୍ରତିଶତ କେବଳ ସ୍ମାର୍ଟଫୋନ୍ ସହିତ ଉଠାଯାଇଛି । ଆଧୁନିକ ଜ୍ଞାନକୌଶଳ ଆମର ଫଟୋଗ୍ରାଫି ଦକ୍ଷତା ବୃଦ୍ଧି କରିଛି ଓ ସ୍ମାର୍ଟଫୋନ୍ ସମସ୍ତଙ୍କୁ ଫଟୋଗ୍ରାଫର କରିପାରିଛି । ଆଜି ଅର୍ଥାତ ୧୯ ଅଗଷ୍ଟରେ, ବିଶ୍ୱ ଫଟୋଗ୍ରାଫି ଦିବସ ଅବସରରେ, ଆମେ ଆପଣଙ୍କୁ ମୋବାଇଲ୍ ଫଟୋଗ୍ରାଫି ବିଷୟରେ ଏପରି କିଛି ଟିପ୍ସ ଓ ଟ୍ରିକ୍ସ କହିବୁ ଯାହା ଆପଣଙ୍କ ସ୍ମାର୍ଟଫୋନ୍ ଫଟୋଗ୍ରାଫି ଦକ୍ଷତାକୁ ଆହୁରି ବଢ଼ାଇଦେବ ।

୧: ଆପଣଙ୍କର ସ୍ମାର୍ଟଫୋନ୍ କ୍ୟାମେରା ବିଷୟରେ ଜାଣନ୍ତୁ
ଭଲ ଫଟୋଗ୍ରାଫି ପାଇଁ ପ୍ରଥମ ଷ୍ଟେପ ହେଉଛି ଆପଣ ସ୍ମାର୍ଟଫୋନର କ୍ୟାମେରା ସହିତ ସଠିକ୍ ଭାବରେ ପରିଚିତ ହେବା ଉଚିତ୍ । ଏହାର ମାନୁଆଲ ସେଟିଂ ଅଛି କି? ଯଦି ଉତ୍ତରଟି ହଁ, ତେବେ ସେଗୁଡ଼ିକୁ ମଧ୍ୟ ଏକ୍ସପ୍ଲୋର କରନ୍ତୁ । ଫୋକସ୍ ଓ ଏକ୍ସପୋଜର୍ ପରି ଥିବା ଫିଚରଗୁଡିକ ପ୍ରତି ଧ୍ୟାନ ଦିଅନ୍ତୁ । ବିଭିନ୍ନ ସେଟିଂ ବ୍ୟବହାର କରି ଏକ ଫଟୋ କ୍ଲିକ୍ କରନ୍ତୁ ଓ ସେମାନଙ୍କ ମଧ୍ୟରେ ପାର୍ଥକ୍ୟ ଦେଖନ୍ତୁ । ଆଜିକାଲି ଅନେକ ଫୋନ୍ ଅଛି ଯାହାକି ୮କେ ଭିଡିଓ ସୁଟିଂ କରିବାରେ ସକ୍ଷମ ହୋଇଥିବାବେଳେ ୪କେ କିମ୍ବା UHD ଅତି ସାଧାରଣ ହୋଇଗଲାଣି । ଉଚ୍ଚ ରେଜୋଲୁସନ ଅର୍ଥ ହେଉଛି ଆପଣଙ୍କର ଭିଡିଓରେ ଅଧିକ ପିକ୍ସେଲ, ତେଣୁ ଏହା ବିସ୍ତୃତ ଓ ତୀକ୍ଷ୍ଣତାକୁ ମଧ୍ୟ ଉନ୍ନତ କରିଥାଏ । ଆପଣଙ୍କ ଫୋନ୍ କ୍ୟାମେରା ବିଷୟରେ ଜାଣିବାର ସର୍ବୋତ୍ତମ ଉପାୟ ହେଉଛି ଅନେକ ଫଟୋ ଉଠାଇବା ଓ ସବୁ ଫଟୋକୁ ତୁଳନା କରିବା । ବିଭିନ୍ନ ସେଟିଂ ବ୍ୟବହାର କରି ଆପଣ ଯେତେ ଅଧିକ ଫଟୋ ନେବେ, ଆପଣ କ୍ୟାମେରାକୁ ବିଭିନ୍ନ ଆଲୋକ ଓ କୋଣରେ ବ୍ୟବହାର କରିବାକୁ ଶିଖିବେ । ନିଜକୁ ଗୋଟିଏ ସେଟିଂରେ ସୀମିତ ରଖନ୍ତୁ ନାହିଁ, ଏହାକୁ ଏକ୍ସପ୍ଲୋର୍ କରନ୍ତୁ ।

୨: ପ୍ରାକୃତିକ ଆଲୋକ ଏକ୍ସପ୍ଲୋର୍ କରନ୍ତୁ 
ବାହାରେ ଖୋଲା ପ୍ରାକୃତିକ ଆଲୋକରେ ଫଟୋ କ୍ଲିକ୍ କରନ୍ତୁ । ଆପଣ ଲକ୍ଷ୍ୟ କରିବେ ଯେ ବାହାରେ ନିଆଯାଇଥିବା ଫଟୋଗୁଡ଼ିକର ଅନେକ ପ୍ରକାରର ଅଛି ଓ ଭିତରୁ ନିଆଯାଇଥିବା ଫଟୋ ଅପେକ୍ଷା ଭଲ ଦେଖାଯାଏ । ଧ୍ୟାନ ଦେବା ପାଇଁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଆଲୋକ କେବଳ ଫଟୋର ଉଜ୍ଜ୍ୱଳତା ଓ ଏକ୍ସପୋଜର ସ୍ଥିର କରେ ନାହିଁ ବରଂ ଫଟୋର ଟୋନ ଓ ମୋଡକୁ ମଧ୍ୟ ସୃଷ୍ଟି କରେ । 

୩: ଫୋନରେ ପର୍ଯ୍ୟାପ୍ତ ଷ୍ଟୋରେଜ୍ ରଖନ୍ତୁ
ନିଶ୍ଚିତ ଭାବରେ ଆପଣ ଏପରି ପରିସ୍ଥିତି ଚାହୁଁନାହାଁନ୍ତି, ଯେଉଁଠାରେ ଆପଣ ଏକ ଭଲ ଫଟୋ ନେଉଛନ୍ତି ଓ ଆପଣଙ୍କର ସ୍ମାର୍ଟଫୋନ୍ ଆପଣଙ୍କୁ ଏକ ନୋଟିଫିକେସନ ଦେବ ଯେ ଆପଣଙ୍କର ଫୋନ୍ ଷ୍ଟୋରେଜ୍ ଫୁଲ ହୋଇଯାଇଛି । ଏବଂ ନୂତନ ଫଟୋ ଉଠାଇବାକୁ, ଆପଣଙ୍କୁ ପୁରୁଣା ଫାଇଲ ଗୁଡିକ ଡିଲିଟ କରିବାକୁ ପଡିବ, ଏହା ହେବା ଉଚିତ୍ ନୁହେଁ ।ଆମର ଫଟୋଗୁଡ଼ିକ ଆମର ସ୍ମୃତି ଓ ଆମେ ସେଗୁଡ଼ିକୁ ସଞ୍ଚୟ କରିବାରେ ସମର୍ଥ ହେବା ଉଚିତ୍ । ଫୋନରେ ଅଧିକ ଷ୍ଟୋରେଜ୍ ପାଇଁ ଆପଣ ମାଇକ୍ରୋ SD କାର୍ଡର ସାହାଯ୍ୟ ମଧ୍ୟ ନେଇପାରିବେ । 

୪- ଷ୍ଟାଣ୍ଡି ସଟ୍
ସାମାନ୍ୟତମ ଗତିବିଧି ମଧ୍ୟ ଫଟୋକୁ ନଷ୍ଟ କରିପାରେ, ତେଣୁ ଆପଣଙ୍କର ସ୍ମାର୍ଟଫୋନ୍ ସ୍ଥିର ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆପଣ ଏହାକୁ କିଛି ଷ୍ଟାଣ୍ଡିଂ ଜିନିଷ ସହିତ ସପୋର୍ଟ ନେଇପାରିବେ, ଯେପରିକି ଏହାକୁ କାନ୍ଥ, ପଥର କିମ୍ବା ଶାଖା ଇତ୍ୟାଦିର ସପୋର୍ଟରେ ରଖନ୍ତୁ । ସ୍ମାର୍ଟଫୋନ୍ ପାଇଁ ସ୍ୱତନ୍ତ୍ର ଭାବେ ଡିଜାଇନ୍ ହୋଇଥିବା ଏକ ଛୋଟ ଟ୍ରିପୋଡ୍ କିଣିପାରିବେ, ଯାହା ଆଜିକାଲି କମ୍ ମୂଲ୍ୟରେ ଉପଲବ୍ଧ । କମ୍ ଆଲୋକରେ, ଆପଣଙ୍କ ସଟ ସ୍ଥିର ରହିବା ଅଧିକ ଗୁରୁତ୍ୱପୂର୍ଣ୍ଣ, କାରଣ ଏହି ସମୟରେ କ୍ୟାମେରାର ଏକ୍ସପୋଜର ସମୟ ଅଧିକ ଓ ଫୋନ ଥରିବା ଯୋଗୁଁ ଫଟୋ ସ୍ପଷ୍ଟ ଆସିବ ନାହିଁ ।

୫- ଏଡିଟିଂ କରିବାକୁ ମଧ୍ୟ ଚେଷ୍ଟା କରନ୍ତୁ
ଆଜିକଲି ଅନେକ ମାଗଣା ଏଡିଟିଂ ଆପ୍ ଉପଲବ୍ଧ । ଆପଣ ଏଠାରୁ ଫଟୋ ଏଡିଟ୍ କରିପାରିବେ, କିନ୍ତୁ ନିଜ ସ୍ମାର୍ଟଫୋନରେ କେବଳ ଏଡିଟ୍ ଅପ୍ସନରେ ନିଜକୁ ସୀମିତ ରଖନ୍ତୁ ନାହିଁ । ଆପଣଙ୍କର ଫଟୋରେ ଡେ଼ଫ୍ଥ, ଟୋନ ଓ ମୋଡ଼ ପରି ଅଧିକ ଏଲିମେଣ୍ଟ ଯୋଡିବା ପାଇଁ ଏଡିଟ୍ ଆପ୍ ବ୍ୟବହାର କରନ୍ତୁ । ଅନେକ ଆପ୍ 'ଏକ-ଟଚ୍' ଫିକ୍ସ ମଧ୍ୟ ପ୍ରଦାନ କରନ୍ତି, ଯାହା ସ୍ୱୟଂଚାଳିତ ଭାବରେ ଆପଣଙ୍କର ଫଟୋରେ ବଡ଼ ପରିବର୍ତ୍ତନ ଆଣିଥାଏ ।