Road Accident: ଭୟଙ୍କର ସଡ଼କ ଦୁର୍ଘଟଣା, ୮ ଶ୍ରଦ୍ଧାଳୁ ମୃତ, ୮ ଗୁରୁତର

Road Accident: ଏମିତି ବି ଆସେ ମୃତ୍ୟୁ। କେହି କିଛି ଭାବିବା ପର୍ବରୁ ଓଲଟପାଲଟ ହୋଇଗଲା ସବୁକିଛି। କ୍ଷଣିକ ମଧ୍ୟରେ ଚୁନା ହୋଇଗଲା ସବୁ କିଛି। ଏକ ଶ୍ରଦ୍ଧାଳୁ ଭର୍ତ୍ତୀ ଟାଟା ମ୍ୟାଜିକ୍ କୁ ଧକ୍କା ଦେଲା ଟ୍ରକ୍ । ଫଳରେ ଘଟଣାସ୍ଥଳରେ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ୮ ଗୁରୁତର ହୋଇଛନ୍ତି। ସମସ୍ତ ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି। ହରିୟାଣାର ଜିନ୍ଦ ଜିଲ୍ଲାର ନରଓ୍ବାନା ଅଞ୍ଚଳରେ ଘଟିଛି ଏହି ଛାତିଥରା ଦୁର୍ଘଟଣା। ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। କିଭଳି ସ୍ଥିତିରେ ଏହି ଦୁର୍ଘଟଣା ଘଟିଲା ସେନେଇ ଛାନଭିନ୍ ଆରମ୍ଭ କରିଛି। 

ସୂଚନା ଅନୁସାରେ, କୁରୁକ୍ଷେତ୍ର ମେଛଦୀ ଗାଁର ୧୬ ଜଣ ଲୋକେ ଏକ ଟାଟା ମ୍ୟାଜିକ୍ ରେ ରାଜସ୍ଥାନର ଗୋଗାମେଡି ଧାମ ପୂଜା କରିବାକୁ ଯାଇଥିଲେ। ରାତି ଗୋଟାଏରେ ଶ୍ରଦ୍ଧାଳୁଙ୍କୁ ନେଇ ଟାଟା ମ୍ୟାଜିକ୍ ନାରଓ୍ବାନର ବିରଧାନ ଗାଁ ନିକଟରେ ପହଞ୍ଚିଥିବା ବେଳେ ଦ୍ରୃତଗତିରେ ଏକ ଟ୍ରକ୍ ପଛରୁ ଆସି ଶ୍ରଦ୍ଧାଳୁଙ୍କ ଗାଡିକୁ ଧକ୍କା ଦେଇଥିଲେ। ଫଳରେ ଟାଟା ମ୍ୟାଜିକ୍ ଓଲଟି ପଡିଥିଲା। ଫଳରେ ଦୁର୍ଘଟଣା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ୍ ଘଟଣାସ୍ଥଳରେ ପହଞ୍ଚି ଟାଟା ମ୍ୟାଜିକ୍ ମଧ୍ୟରୁ ଆହତଙ୍କୁ ଉଦ୍ଧାର କରି ମେଡିକାଲ ପଠାଇଥିଲା। ଡାକ୍ତର ମେଡିକାଲରେ ୮ ଜଣଙ୍କୁ ମୃତ ଘଷଣା କରିଥିଲେ। ଆଉ ୮ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ମୃତକଙ୍କ ମଧ୍ୟରେ ୫ ଜଣ ପୁରୁଷ ଥିବା ବେଳେ ୩ ଜଣ ମହିଳା ରହିଛନ୍ତି। ସେପଟେ, ଦୁର୍ଘଟଣା ଘଟାଇଥିବା ଟ୍ରକକୁ ପୋଲିସ୍ ଜବତ କରିବା ସହ ଛାନଭିନ୍ ଚଳାଇଛି।

ସେପଟେ , ଆଜି ମୟୂରଭଂଜର  ଉଦଳା ପେଟ୍ରୋଲ ପମ୍ପ ନିକଟରେ ଦୁର୍ଘଟଣା ଘଟିଛି । ଥାନା ଗାଡ଼ିକୁ ଧକ୍କା ଦେଇଛି ୧୦୮ ଆମ୍ବୁଲାନ୍ସ । ଏହି ଦୁର୍ଘଟଣାରେ ଗାଡ଼ି ତଳେ ଚାପି ହୋଇ ହୋମଗାର୍ଡ଼ଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ଜଣଙ୍କ ହେଉଛନ୍ତି ଲକ୍ଷ୍ମୀଧର ମହାନ୍ତ । ଥାନା ଆଇଆଇସିଙ୍କ ସମେତ ୪ ଜଣ ଗୁରୁତର ଥିବା ଜଣାପଡ଼ିଛି । ଥାନା ଆଇଆଇସି ଓ ଡ୍ରାଇଭରଙ୍କୁ ବାରିପଦା ମେଡିକାଲ ସ୍ଥାନାନ୍ତରିତ କରାଯାଇଥିବା ବେଳେ ଆମ୍ବୁଲାନ୍ସରେ ଥିବା ଫାର୍ମାସିଷ୍ଟ ଓ ହେଲପରଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ଉଦଳା ମେଡିକାଲରେ ଭର୍ତ୍ତି କରାଯାଇଛି । ତେବେ ଏହି ଦୁର୍ଘଟଣାରେ ଥାନାର ଦୁଇ କର୍ମଚାରୀ ଅଳ୍ପକେ ବର୍ତ୍ତିଯାଇଛନ୍ତି ।