ଆସାମରେ ବନ୍ୟା ବିତ୍ପାତ, ଅଢେଇ ଲକ୍ଷ ଲୋକ ପ୍ରଭାବିତ

ଆସାମରେ ବନ୍ୟା ପରିସ୍ଥିତି ଅସମ୍ଭାଳ

ଗୌହାଟି: ଆସାମରେ ବନ୍ୟା ବିତ୍ପାତ। ଭୟଙ୍କର ରୂପ ନେବାରେ ଲାଗିଛି ବନ୍ୟା ସ୍ଥିତି। ଶୁକ୍ରବାର ପର୍ଯ୍ୟନ୍ତ ରାଜ୍ୟରେ ପ୍ରାୟ ୧।୭୦ ଲକ୍ଷ ଲୋକ ପ୍ରଭାବିତ ହୋଇଥିବା ଜଣାପଡ଼ିଛି। ଆସାମ ରାଜ୍ୟ ବିପର୍ଯ୍ୟୟ ପ୍ରଶମନ ଏକ ରିପୋର୍ଟରେ ଏଭଳି ତଥ୍ୟ ପ୍ରଦାନ କରିଛନ୍ତି। ରିପୋର୍ଟରେ ଆହୁରି ମଧ୍ୟ କୁହାଯାଇଛି ବର୍ତ୍ତମାନ ସୁଦ୍ଧା ରାଜ୍ୟରେ ୧୪ଟି ଜିଲ୍ଲା ଗୁରୁତର ଭାବେ ପ୍ରଭାବିତ ହୋଇଛି। 

ଏହି ଜିଲ୍ଲା ଗୁଡ଼ିକର ପ୍ରାୟ ୩୨୩ଟି ରାଜସ୍ୱ କ୍ଷେତ୍ରରେ ୩,୪୧,୮୩୭ ଲୋକ ପ୍ରଭାବିତ ହୋଇ ସାରିଛନ୍ତି। ଶୁକ୍ରବାର ଉଦଲଗିରି ଓ ଦିବ୍ରୁଗଡ଼ ଦୁଇଟି ଜିଲ୍ଲା ମଧ୍ୟ ବନ୍ୟା ପ୍ରଭାବିତ ହୋଇଛି। ଏହା ସହିତ ଏହି ଦୁଇଟି ଜିଲ୍ଲାରେ ବନ୍ୟା ଓ ଭୁସ୍ଖଳନ ପାଇଁ ୬୪ ଜଣ ଲୋକଙ୍କର ମୃତ୍ୟୁ ମଧ୍ୟ ହୋଇ ସାରିଛି। 

ଏହାରି ମଧ୍ୟରେ ଆସାମ ଓ ପଡ଼ୋଶୀ ରାଜ୍ୟ ମେଘାଳୟରେ ପ୍ରବଳ ବର୍ଷା ମଧ୍ୟ ହେବାର ଆଞ୍ଚଳିକ ପାଣିପାଗ ବିଭାଗ ଅନୁମାନ କରିଛି। ପାଣିପାଗ ବିଭାଗର ଉପନିର୍ଦ୍ଦେଶକ ସଞ୍ଜୟ ଓ ନୀଲ ଶାହା କହିଛନ୍ତି କି, ଶନିବାର କିଛି ସ୍ଥାନରେ ବର୍ଷା ହେବ ବୋଲି ଅନୁମାନ କରିଛନ୍ତି। ଆଞ୍ଚଳିକ ପାଣିପାଗ ବିଭାଗ କହିଛି ଯେ, ଧେମାଜୀ ସବୁଠାରୁ ଅଧିକ ପ୍ରଭାବିତ ଅଞ୍ଚଳ। ପାଖାପାଖି ୧।୩ ଲକ୍ଷ ଲୋକ ବନ୍ୟାରେ ପ୍ରଭାବିତ ହୋଇଛି। ଏହା ବ୍ୟତୀତ ଲକ୍ଷ୍ମୀପୁର ଜିଲ୍ଲାରେ ୭୫ ହଜାର ଲୋକ, ବାରପେଟାରେ ୬୩ ହଜାର ଲୋକ ବନ୍ୟା ପାଣି ପାଇଁ ପ୍ରଭାବିତ ହୋଇଛନ୍ତି। ୧୪ ଟି ଜିଲ୍ଲାରେ ୭୨୪ ଗ୍ରାମ ପ୍ରଭାବିତ ହେବା ସହିତ ବାହ୍ୟ ଜଗତରୁ ବିଚ୍ଛିନ୍ନ ହୋଇଛନ୍ତି। ଏହା ସହିତ ୪୬୭୯୭ ହେକ୍ଟର ଚାଷ ଜମିରେ ମଧ୍ୟ ବନ୍ୟା ପାଣି ମାଡ଼ିଯିବାରୁ ଫସଲ ନଷ୍ଟ ହୋଇଥିବା ସୂଚନା ରହିଛି।