ଥାନାକୁ କଲା ମସାଜ ପାର୍ଲର! ରସିକିଆ ପୋଲିସ ବାବୁଙ୍କ ଭିଡିଓ ଭାଇରାଲ

ପାଟନା: ବିଭିନ୍ନ କାରଣରୁ ବିହାର ପୋଲିସ (Bihar Police) ଅନେକ ସମୟରେ ଚର୍ଚ୍ଚାରେ ରହିଥାଏ । ପୁଣି ଥରେ ଏକ ଏପରି ମାମଲା ସାମ୍ନାକୁ ଆସିଛି, ଯେଉଁଥିପାଇଁ ବିହାର ପୋଲିସର କାର୍ଯ୍ୟଶୈଳୀକୁ ନେଇ ପୁଣି ଥରେ ଚର୍ଚ୍ଚା ଆରମ୍ଭ ହୋଇଛି । ଜଣେ ବରିଷ୍ଠ ପୋଲିସ ଅଧିକାରୀ ଏପରି କାର୍ଯ୍ୟ କରିଛନ୍ତି, ଯେଉଁଥିପାଇଁ ବିହାର ପୋଲିସ ଗର୍ବ କରିବା ପରିବର୍ତ୍ତେ ଲଜ୍ଜିତ ହେଉଛି । ଥାନା ପ୍ରଭାରୀ ଦ୍ୱାରା ଜଣେ ଅଭିଯୋଗକାରୀ ମହିଳାଙ୍କ ଅସହାୟତାର ଫାଇଦା ଉଠାଇବାର ମାମଲା ସାମ୍ନାକୁ ଆସିଛି । ପୋଲିସ ଷ୍ଟେସନର ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ଜଣେ ମହିଳାଙ୍କୁ ଥାନା ପ୍ରଭାରୀଙ୍କ ଉଲଗ୍ନ ଶରୀରରେ ମସାଜ କରୁଥିବା ଦେଖିବାକୁ ମିଳିଛି ।

ଆଶ୍ଚର୍ଯ୍ୟର କଥା ହେଉଛି, ଥାନା ପ୍ରଭାରୀ ଏସମସ୍ତ କାର୍ଯ୍ୟ ଥାନା ଭିତରେ ଭିତରେ କରାଇଛନ୍ତି । ଭିଡିଓ ଭାଇରାଲ ହେବା ପରେ ଅଭିଯୁକ୍ତ ଥାନା ପ୍ରଭାରୀଙ୍କୁ ନିଲମ୍ବିତ କରାଯାଇଛି । ଏଥିସହିତ ପୋଲିସ ଅଧିକାରୀଙ୍କ ଏହି କାର୍ଯ୍ୟ ଦ୍ୱାରା ବିହାର ପୋଲିସର ଭାବମୂର୍ତ୍ତିକୁ ମଧ୍ୟ କ୍ଷୁଣ୍ଣ ହୋଇଛି ।

ବାସ୍ତବରେ, ବିହାର ପୋଲିସ ନିଜର କାରନାମା ପାଇଁ ସର୍ବଦା ଚର୍ଚ୍ଚା ରହିଥାଏ । ପୋଲିସର ଅନେକ କାର୍ଯ୍ୟ ଭଲ ହୋଇଥିବାବେଳେ ଏହିପରି ଅନେକ ମାମଲା ସାମ୍ନାକୁ ଆସିଛି, ଯେଉଁଥିପାଇଁ ପୋଲିସ ବିଭାଗକୁ ଜବାବ ଦେବା କଷ୍ଟକର ହୋଇପଡ଼େ । ଏପରି ଏକ ମାମଲା ସରସାରୁ ସାମ୍ନାକୁ ଆସିଛି । ଏକ ଭାଇରାଲ ଭିଡିଓରେ ଅଭିଯୋଗ କରିବା ପାଇଁ ଯାଇଥିବା ଜଣେ ମହିଳା ଥାନା ପ୍ରଭାରୀଙ୍କୁ ମାଲିସ (Body Massage) କରୁଥିବାର ଦେଖିବାକୁ ମିଳିଛି ।

ଥାନା ପ୍ରଭାରୀ ଶଶିଭୂଷଣ ସିହ୍ନା (Shashibhushan Sinha) ନିଜେ ଜଣେ ମହିଳାଙ୍କଠାରୁ ଥାନା ଭିତରେ ମସାଜ୍ ନେଉଥିବାର ନଜର ଆସିଛନ୍ତି । ଅନ୍ୟ ଜଣେ ଅଭିଯୋଗକାରୀ ମହିଳା ତାଙ୍କ ସାମ୍ନାରେ ଚେୟାରରେ ବସିଛନ୍ତି । ପୋଲିସ ଷ୍ଟେସନରେ ମସାଜ କରିବାର ଏହି ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି । କୁହାଯାଉଛି ଯେ ଏହି ଭିଡିଓଟି ୨ ମାସ ପୁରୁଣା । ଭିଡିଓ ସାମ୍ନାକୁ ଆସିବା ପରେ ଏସପି ଲିପି ସିଂ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି SHO କୁ ନିଲମ୍ୱିତ କରିଛନ୍ତି ।

ଏହା ବି ପଢ଼ନ୍ତୁ:-ଏହି ବ୍ୟକ୍ତିଙ୍କ ପାଇଁ କଂଗ୍ରେସ ଉପରେ ଅସନ୍ତୁଷ୍ଟ ଥିଲେ ହାର୍ଦ୍ଦିକ! ବର୍ତ୍ତମାନ ନିର୍ବାଚନରେ ମିଳିବ ଗୁରୁତ୍ୱପୂର୍ଣ୍ଣ ଦାୟିତ୍ୱ

ଏହା ବି ପଢ଼ନ୍ତୁ:-ପୁଣି ଆମେରିକା ସମେତ ସାରା ଦୁନିଆର ଟେନସନ୍ ବଢ଼ାଇଲେ କିମ୍ ଜଙ୍ଗ

ଏହା ବି ପଢ଼ନ୍ତୁ:-ପୁଟିନଙ୍କୁ ବି ହୋଇଛି ହିଟଲଙ୍କ ପରି ଭୟଙ୍କର ରୋଗ! ସାମ୍ନାକୁ ଆସିଲା ଭିଡିଓ

କୁହାଯାଉଛି ଯେ, ଯେଉଁ ମହିଳାଙ୍କଠାରୁ ଇନ୍ସପେକ୍ଟର ତେଲ ମାଲିସ କରୁଥିଲେ, ସେ କୌଣସି ମାମଲାର ଅଭିଯୋଗ ପାଇଁ ଥାନାକୁ ଆସିଥିଲେ । ଏହି ସମୟରେ ଇନ୍ସପେକ୍ଟର ଶଶିଭୂଷଣ ସିହ୍ନା ଅସହାୟତାର ସୁଯୋଗ ନେଇ ମହିଳାଙ୍କ ଠାରୁ ମସାଜ୍ ନେଇଥିଲେ । ଏକ ଖବର ମଧ୍ୟ ଅଛି ଯେ ଉକ୍ତ ମହିଳା ଜଣକ ତାଙ୍କ ଭାଇଙ୍କ ବିରୋଧରେ ରୁଜୁ ହୋଇଥିବା ମାମଲାରେ ଲବି କରିବା ପାଇଁ ପୋଲିସ ଷ୍ଟେସନକୁ ଆସୁଥିଲେ ଓ ଇନ୍ସପେକ୍ଟର ତାଙ୍କ ଅସହାୟତାର ସୁଯୋଗ ନେଇଥିଲେ ।