ଫ୍ରାନ୍ସରେ ଜବତ ହେବାକୁ ଯାଉଛି ଭାରତର ୨୦ ଟି ସମ୍ପତ୍ତି, ଅର୍ଥ ମନ୍ତ୍ରଣାଳୟ ଦେଲା ଏହି ଜବାବ

ଅର୍ଥ ମନ୍ତ୍ରଣାଳୟ (Finance Ministry) ଅନୁଯାୟୀ ପ୍ୟାରିସରେ ଭାରତ ସରକାରଙ୍କ ସମ୍ପତ୍ତି ଜବତ କରିବା ପାଇଁ କେୟର୍ନ ଏନର୍ଜି (Cairn Energy) ନିର୍ଦ୍ଦେଶ ଜାରି କରିଥିବା ଖବର ଆସିଛି, କିନ୍ତୁ ଏପର୍ଯ୍ୟନ୍ତ ଏ ସମ୍ପର୍କରେ ଭାରତ ସରକାରଙ୍କୁ କୌଣସି ସୂଚନା କିମ୍ବା ନୋଟିସ ଦିଆଯାଇ ନାହିଁ ।

ନୂଆଦିଲ୍ଲୀ: ବ୍ରିଟେନର (Britain) କେୟର୍ନ ଏନର୍ଜି (Cairn Energy) ୧.୭ ବିଲିୟନ ଡ଼ଲାରର କ୍ଷତିପୂରଣ ପାଇବା ପାଇଁ ଫ୍ରାନ୍ସରେ (France) ଅବସ୍ଥିତ ୨୦ ଟି ଭାରତର ସରକାରୀ ସମ୍ପତ୍ତି ଜବତ କରିବା ପାଇଁ ଫ୍ରାନ୍ସ କୋର୍ଟରେ କରିଥିବା ଏକ ପିଟିସନରେ ନିର୍ଦ୍ଦେଶ ପାଇଛି । ୧୧ ଜୁନରେ ଫ୍ରାନ୍ସର ଏକ କୋର୍ଟ କେୟର୍ନ ଏନର୍ଜିକୁ (Cairn Energy) ଭାରତୀୟ ସରକାରୀ ସମ୍ପତ୍ତି, ଅଧିକାଂଶ ଫ୍ଲାଟ ଜବତ କରିବାକୁ ନିର୍ଦ୍ଦେଶ ଦେଇଥିଲେ । ବର୍ତ୍ତମାନ ଏହାର ଜବାବ ଭାରତ ସରକାରଙ୍କଠାରୁ ଆସିଛି । ଅର୍ଥ ମନ୍ତ୍ରଣାଳୟ (Finance Ministry) ପକ୍ଷରୁ କୁହାଯାଇଛି ଯେ ଭାରତ ସରକାର ଏପର୍ଯ୍ୟନ୍ତ ଫ୍ରାନ୍ସ କୋର୍ଟରୁ (France court) କୌଣସି ପ୍ରକାରର ନୋଟିସ ପାଇନାହାଁନ୍ତି ।

ଅର୍ଥ ମନ୍ତ୍ରଣାଳୟ ଅନୁଯାୟୀ, ପ୍ୟାରିସରେ ଭାରତ ସରକାରଙ୍କ ସମ୍ପତ୍ତି ଜବତ କରିବା ପାଇଁ କେୟର୍ନ ଏନର୍ଜି ନିର୍ଦ୍ଦେଶ ଜାରି କରିଥିବା ଖବର ଆସିଛି, କିନ୍ତୁ ଏପର୍ଯ୍ୟନ୍ତ ଏ ସମ୍ପର୍କରେ ଭାରତ ସରକାରଙ୍କୁ କୌଣସି ସୂଚନା କିମ୍ବା ନୋଟିସ ଦିଆଯାଇ ନାହିଁ । ଅର୍ଥ ମନ୍ତ୍ରଣାଳୟ ପକ୍ଷରୁ ଏହା ମଧ୍ୟ କୁହାଯାଇଛି ଯେ ଯଦି ଏହା ଘଟେ, ତେବେ ଭାରତ ସରକାର ହେଗରେ ଥିବା ଅନ୍ତର୍ଜାତୀୟ ନ୍ୟାୟାଳୟରେ ନିଜର ପକ୍ଷ ଉପସ୍ଥାପନ କରିବେ । ଅର୍ଥ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ସିଇଓ ଓ କେୟର୍ନ ଏନର୍ଜିର ଅନ୍ୟ ପ୍ରତିନିଧୀମାନେ ଏହି ସମସ୍ୟାର ସମାଧାନ ପାଇଁ ଭାରତ ସରକାରଙ୍କ ସହ ଯୋଗାଯୋଗ କରିଛନ୍ତି । ଏହି ପ୍ରସଙ୍ଗରେ ଏକ ଆଲୋଚନା ମଧ୍ୟ ହୋଇଥିଲା । ଆଲୋଚନା ସମୟରେ କୁହାଯାଇଥିଲା ଯେ ଦେଶର ଆଇନଗତ ସୀମା ମଧ୍ୟରେ ରହି ସରକାର ଶାନ୍ତିପୂର୍ଣ୍ଣ ଭାବରେ ଏହି ସମସ୍ୟାର ସମାଧାନ କରିବାକୁ ପ୍ରସ୍ତୁତ ଅଛନ୍ତି ।

ଅଧିକ ପଢ଼ନ୍ତୁ: ଚଣ୍ଡିଗଡ଼ରେ ସଲମାନ ଓ ତାଙ୍କ ଭଉଣୀଙ୍କ ବିରୋଧରେ FIR, ସମନ ପଠାଇଲା ପୋଲିସ

କେୟର୍ନ କମ୍ପାନୀ ଦ୍ୱାରା ଏହି ସମ୍ପତ୍ତିରେ ରହୁଥିବା ଭାରତୀୟ ଅଧିକାରୀଙ୍କୁ ବହିଷ୍କାର କରିବାର ସମ୍ଭାବନା ନାହିଁ, କିନ୍ତୁ କୋର୍ଟଙ୍କ ନିର୍ଦ୍ଦେଶ ପରେ ସରକାର ସେମାନଙ୍କୁ ବିକ୍ରୟ କରିପାରିବେ ନାହିଁ । ଡିସେମ୍ବରରେ ଏକ ଆର୍ବିଟ୍ରେସନ୍ କୋର୍ଟ ଭାରତ ସରକାରଙ୍କୁ କେୟାର ଏନର୍ଜିକୁ ୧.୨ ବିଲିୟନ ଡଲାରରୁ ଅଧିକ ସୁଧ ଓ ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି । ଭାରତ ସରକାର ଏହି ଆଦେଶ ଗ୍ରହଣ କରିନାହାଁନ୍ତି, ଏହା ପରେ କେୟାର ଏନର୍ଜି ଭାରତ ସରକାରଙ୍କ ସମ୍ପତ୍ତି ଜବତ କରି ଦେୟ ଫେରସ୍ତ ପାଇଁ ବିଦେଶର ଅନେକ କୋର୍ଟରେ ଆବେଦନ କରିଥିଲା ।