ଭ୍ୟାକ୍ସିନେସନ୍ ସାର୍ଟିଫିକେଟରେ ତ୍ରୁଟି ଥିଲେ ନିଜ ତରଫରୁ କରିପାରିବେ ସଂଶୋଧନ, ଜାଣନ୍ତୁ ପ୍ରୋସେସ୍

India Coronavirus Vaccination: ଦେଶବ୍ୟାପୀ ଟିକାକରଣ ଅଭିଯାନ ଅଧୀନରେ ଏପର୍ଯ୍ୟନ୍ତ କୋଭିଡ -19 ଟିକାର ମୋଟ ୨୩,୯୦,୫୮,୩୬୦ ଡୋଜ ଦିଆଯାଇଛି ।

ନୂଆଦିଲ୍ଲୀ: ଟିକା ନେଇଥିବା ଲୋକମାନେ ବର୍ତ୍ତମାନ କୋ-ୱିନ୍ ପୋର୍ଟାଲରେ (Co-win portal) ଥିବା ସେମାନଙ୍କର କୋଭିଡ୍ -19 ଭ୍ୟାକ୍ସିନେସନ୍ ସାର୍ଟିଫିକେଟରେ (Vaccination certificate) ହୋଇଥିବା ତ୍ରୁଟିଗୁଡ଼ିକୁ ସ୍ୱୟଂ-ସଂଶୋଧନ କରିପାରିବେ । ସରକାର ଏକ ନୂତନ ଅପଡେଟର ଘୋଷଣା କରିଛନ୍ତି ଯାହା ଆବେଦନକାରୀଙ୍କୁ ଭ୍ୟାକ୍ସିନେସନ୍ ସାର୍ଟିଫିକେଟରେ ଛାପାଯାଇଥିବା ନାମ, ଜନ୍ମ ତାରିଖ ଓ ଲିଙ୍ଗରେ ଥିବା ଅଜ୍ଞାତ ଭୁଲକୁ ସଂଶୋଧନ କରିବାକୁ ଅନୁମତି ଦେବ ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର (Ministry of Health) ଅତିରିକ୍ତ ସଚିବ ବିକାଶ ଶେଲ ବୁଧବାର କହିଛନ୍ତି ଯେ ଉପଭୋକ୍ତାମାନେ କୋ-ୱିନ୍ (CoWIN) ୱେବସାଇଟ ମାଧ୍ୟମରେ ଏହି ସଂଶୋଧନ କରିପାରିବେ । ଆରୋଗ୍ୟ ସେତୁ ଆପର ଅଫିସିଆଲ୍ ହ୍ୟାଣ୍ଡେଲରେ ଏକ ଟ୍ୱିଟ୍ କରି କୁହାଯାଇଛି, 'ଯଦି ଆପଣଙ୍କ ନାମ, ଜନ୍ମ ତାରିଖ ଓ ଲିଙ୍ଗରେ ଅଜାଣତରେ CoWIN ଭ୍ୟାକ୍ସିନେସନ୍ ସାର୍ଟିଫିକେଟରେ କିଛି ତ୍ରୁଟି ହୋଇଛି, ତେବେ ଆପଣ ସେଗୁଡ଼ିକୁ ସଂଶୋଧନ କରିପାରିବେ । କୋ-ୱିନର ୱେବସାଇଟକୁ (Co-win website) ଯାଅନ୍ତୁ ଓ ଏ ବିଷୟରେ ଆପଣଙ୍କ ସମସ୍ୟା କୁହନ୍ତୁ ।' କୋଭିଡ ଭ୍ୟାକ୍ସିନେସନ୍ ସାର୍ଟିଫିକେଟ (Vaccination certificate) ଭ୍ରମଣ ଓ ଅନ୍ୟାନ୍ୟ ପରିସରକୁ ଯିବା ସମୟରେ ସାହାଯ୍ୟ କରେ ।

ଅଧିକ ପଢ଼ନ୍ତୁ: UP ରେ କଂଗ୍ରେସ ପାଇଁ ବଡ ଝଟକା, BJP ରେ ଯୋଗ ଦେଲେ କଂଗ୍ରେସର ଏହି ଭେଟେରାନ ନେତା

ଏହାପୂର୍ବରୁ ସରକାର ଟିକାକରଣ କରିଥିବା ଲୋକଙ୍କୁ ସ୍ଵଚ୍ଛାକୃତ ମୂଲ୍ୟାଙ୍କନ ପ୍ରକ୍ରିୟା ମାଧ୍ୟମରେ ଆରୋଗ୍ୟ ସେତୁ ଆପରେ ସ୍ଵଚ୍ଛାକୃତ ଭାବରେ ସେମାନଙ୍କ ସ୍ଥିତିକୁ ଅପଡେଟ କରିବାକୁ ଅନୁମତି ଦେଇଥିଲେ । ଟିକାକରଣର ଏକ ମାତ୍ର ଡୋଜ ପାଇଥିବା ଲୋକମାନେ ଟିକାକରଣ ସ୍ଥିତି (Vaccination Status) ବିରୁଦ୍ଧରେ ନିଜ ହୋମ ସ୍କ୍ରିନରେ ଏକ ନୀଳ ଟିକ୍ ଦେଖିବେ ଓ ଯେଉଁମାନେ ଉଭୟ ଡୋଜ ନେଇଛନ୍ତି ସେମାନେ ୧୪ ଦିନ ପରେ ଆପରେ ଦୁଇଟି ନୀଳ ଟିକ୍ ଦେଖିବେ । CoWIN  ପୋର୍ଟାଲରୁ ଟିକାକରଣ ସ୍ଥିତି ଯାଞ୍ଚ ପରେ ଉଭୟ ଦୃଶ୍ୟମାନ ହେବ ।

ଅଧିକ ପଢ଼ନ୍ତୁ: World Record! ମହିଳା ଏକାସାଙ୍ଗରେ ଜନ୍ମ ଦେଲେ ୧୦ ଟି ସନ୍ତାନ

COVIN ରେ ପଞ୍ଜୀକରଣ ପାଇଁ ବ୍ୟବହୃତ ମୋବାଇଲ୍ ନମ୍ବର ମାଧ୍ୟମରେ ଟିକାକରଣ ସ୍ଥିତିକୁ ଅପଡେଟ କରାଯାଇପାରିବ । ଦେଶବ୍ୟାପୀ ଟୀକାକରଣ ଅଭିଯାନ ଅଧୀନରେ ଏପର୍ଯ୍ୟନ୍ତ କୋଭିଡ -୧୯ ର ମୋଟ ୨୩,୯୦,୫୮,୩୬୦ ଡୋଜ ଦିଆଯାଇଛି ।