୨୦୦୪ ଲୋକସଭା ନିର୍ବାଚନରେ ଜିତିନ ପ୍ରସାଦ (Jitin Prasada) ଶାହାଜାହାନପୁରରୁ ନିଜ ଘରୋଇ ଆସନରେ ଜିତି ଲୋକସଭାରେ ପହଞ୍ଚିଥିଲେ । ଏହା ପରେ ସେ ୨୦୦୯ ନିର୍ବାଚନରେ ୟୁପିର ଧୌରହରା ଆସନରୁ ଜିତି ଲୋକସଭାରେ ପହଞ୍ଚିଥିଲେ । କିନ୍ତୁ ୨୦୧୪ ଓ ୨୦୧୯ ଲୋକସଭା ନିର୍ବାଚନରେ ତାଙ୍କୁ ପରାଜୟର ସମ୍ମୁଖୀନ ହେବାକୁ ପଡିଥିଲା ।
Trending Photos
12
6
8
12 "ଫଟୋ : ANI")
ଲକ୍ଷ୍ନୌ: ଉତ୍ତରପ୍ରଦେଶରେ (Uttar Pradesh) ୨୦୨୨ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଦଳ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି । ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଜିତିନ ପ୍ରସାଦ (Jitin Prasada) ବୁଧୁବାର ବିଜେପିରେ ଯୋଗ ଦେଇଛନ୍ତି । ବିଜେପି ନେତା ତଥା କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ (Piyush Goyal) ତାଙ୍କୁ ଦଳର ସଦସ୍ୟତା ପ୍ରଦାନ କରିଛନ୍ତି ।
ଜିତିନ ପ୍ରସାଦଙ୍କ ରାଜନୈତିକ ଯାତ୍ରା
ଉତ୍ତରପ୍ରଦେଶର ଶାହାଜାହାନପୁର ନିବାସୀ ଜିତିନ ପ୍ରସାଦଙ୍କ (Jitin Prasada) ପିତା ସ୍ୱର୍ଗତ ଜିତେନ୍ଦ୍ର ପ୍ରସାଦ ଜଣେ ଭେଟେରାନ କଂଗ୍ରେସ (Congress) ନେତା ଥିଲେ । ଦିଲ୍ଲୀ ବିଶ୍ୱବିଦ୍ୟାଳୟରୁ ବି.କମ୍ କରିଥିବା ଜିତିନ ପ୍ରସାଦଙ୍କୁ ୨୦୦୧ ମସିହାରେ କଂଗ୍ରେସରେ ଯୁବ କଂଗ୍ରେସରେ ସଚିବ ପଦର ଦାୟିତ୍ୱ ଦିଆଯାଇଥିଲା । ଏହା ପରେ ଜିତିନ ପ୍ରସାଦ ୨୦୦୪ ଲୋକସଭା ନିର୍ବାଚନରେ ନିଜ ଘରୋଇ ଆସନ ଶାହାଜାହାନପୁର ଜିତି ଲୋକସଭାରେ ପହଞ୍ଚିଥିଲେ । ୨୦୦୮ ରେ ଜିତିନ ପ୍ରସାଦଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରୁଥିବାବେଳେ ତାଙ୍କୁ ମନମୋହନ ସିଂ (Manmohan Singh) ସରକାରରେ କେନ୍ଦ୍ର ରାଜ୍ୟ ଇସ୍ପାତ ମନ୍ତ୍ରୀ ବିଭାଗର ଦାୟିତ୍ୱ ଦିଆଯାଇଥିଲା ।
ଏହା ପରେ ଜିତିନ ପ୍ରସାଦ ୨୦୦୯ ନିର୍ବାଚନରେ ୟୁପିର ଧୌରହରା ଆସନରୁ ଜିତି ଲୋକସଭାରେ ପହଞ୍ଚିଥିଲେ । କିନ୍ତୁ ଏହା ପରେ ତାଙ୍କୁ ୨୦୧୪ ଓ ୨୦୧୯ ଲୋକସଭା ନିର୍ବାଚନରେ ପରାଜୟର ସମ୍ମୁଖୀନ ହେବାକୁ ପଡିଥିଲା । ଜିତିନ ପ୍ରସାଦ ଉତ୍ତରପ୍ରଦେଶର ଧୌରହରା ଆସନରେ ତୃତୀୟ ସ୍ଥାନରେ ରହିଥିଲେ ।
ଅଧିକ ପଢ଼ନ୍ତୁ: World Record! ମହିଳା ଏକାସାଙ୍ଗରେ ଜନ୍ମ ଦେଲେ ୧୦ ଟି ସନ୍ତାନ
ଦୀର୍ଘ ଦିନ ଧରି କଂଗ୍ରେସ ଦଳ ଉପରେ କ୍ରୋଧିତ ଥିଲେ ଜିତିନ ପ୍ରସାଦ
ଜିତିନ ପ୍ରସାଦ ଦୀର୍ଘ ଦିନ ଧରି କଂଗ୍ରେସ ଦଳ ଉପରେ କ୍ରୋଧିତ ଥିଲେ । ସେ ସୋନିଆ ଗାନ୍ଧୀଙ୍କୁ ଚିଠି ଲେଖିଥିବା ୨୩ ନେତାଙ୍କ ମଧ୍ୟରେ ମଧ୍ୟ ଜଣେ ଥିଲେ । ପ୍ରସାଦ ୟୁପି କଂଗ୍ରେସରେ ଏକ ବଡ ଦାୟିତ୍ବ ଚାହୁଁଥିଲେ କିନ୍ତୁ ତାଙ୍କୁ ଦଳରେ ଅଣଦେଖା କରାଯାଉଥିଲା ।
ଅଧିକ ପଢ଼ନ୍ତୁ: Edible Oil Prices: ସୋରିଷ ତେଲ ମହଙ୍ଗା ହେବାକୁ ନେଇ ଜବାବ ରଖିଲେ କୃଷି ମନ୍ତ୍ରୀ
କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଜିତିନ ପ୍ରସାଦଙ୍କୁ ଅତି ଘନିଷ୍ଠ ବିବେଚନା କରାଯାଉଥିଲା । କିନ୍ତୁ, କିଛି ସମୟ ପାଇଁ ସେ କଂଗ୍ରେସ ଦଳରେ ଦଳିତ ହୋଇଥିଲେ । ଯଦିଓ ସେ ଏ ବିଷୟରେ ଖୋଲାଖୋଲି ଭାବେ ବିରୋଧ କରିନାହାଁନ୍ତି, କିନ୍ତୁ ସେ ଦଳକୁ ନେଇ ଖୁସି ନଥିବା ଦର୍ଶାଇଥିଲେ ।
