IPL 2020: ଆଜି କୋଲକାତାର ସମୀକରଣ ବିଗାଡିବ କି ଚେନ୍ନାଇ?

ଆଇପିଏଲର୍ ପ୍ଲେଅଫ ଦୈଡରୁ ବାହାର ହୋଇଥିବା ଚେନ୍ନାଇ ବିଗାଡିପାରେ ଅନ୍ୟ ଟିମର ସମୀକରଣ।

ନୂଆଦିଲ୍ଲୀ: ଆଇପିଏଲର ୧୩ତମ ସିଜିନର ୧୩ତମ ମ୍ୟାଚ୍‌ରେ ଗୁରୁବାର ପ୍ଲେ-ଅଫ୍ ଦୌଡ଼ରୁ ବାଦ ପଡିଥିବା ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏବଂ କୋଲକାତା ନାଇଟ୍ ରାଇଡର୍ସ (କେକେଆର୍) ମୁହାଁମୁହିଁ ହେବେ। ଦୁବାଇରେ ଏହି ମ୍ୟାଚ୍ ଭାରତୀୟ ସମୟ ସନ୍ଧ୍ୟା ସାଢେ ୭ଟାରେ ଆରମ୍ଭ ହେବ।

ଚେନ୍ନାଇ ଦଳ ବର୍ତ୍ତମାନ ବାକି ଦଳର ସମୀକରଣକୁ ନଷ୍ଟ କରିବାକୁ ଚେଷ୍ଟା କରିବ। ଏଥିରେ ସେମାନଙ୍କର ପ୍ରଥମ ଟାର୍ଗେଟ ହେବ କୋଲକାତା ନାଇଟ୍ ରାଇଡର୍ସ। ବିଗତ ୧୨ଟି ମ୍ୟାଚରୁ କେକେଆର୍ ୧୨ପଏଣ୍ଟ ପାଇଛି ଏବଂ ପ୍ଲେ-ଅଫରେ ସ୍ଥାନ ସୁରକ୍ଷିତ କରିବାକୁ ତାକୁ ପରବର୍ତ୍ତୀ ଦୁଇଟି ମ୍ୟାଚ୍ ଜିତିବାକୁ ପଡ଼ିବ। ସେପଟେ ଚେନ୍ନାଇ ୮ଟି ଦଳର ଟେବୁଲରେ ଶେଷ ସ୍ଥାନରେ ଅଛି ଏବଂ ଦଳ ବର୍ତ୍ତମାନ କେବଳ ସମ୍ମାନ ପାଇଁ ଗ୍ରାଉଣ୍ଡକୁ ଓହ୍ଲାଇବ।

ଟୁର୍ଣ୍ଣାମେଣ୍ଟର ଏହି ରାଉଣ୍ଡରେ କିଛି ଦଳର ପରାଜୟ ଅନେକ ଦଳକୁ ୧୪ କିମ୍ବା ୧୬ ପଏଣ୍ଟକୁ ପହଞ୍ଚାଇପାରେ। ଏପରି ପରିସ୍ଥିତିରେ ପ୍ଲେ ଅଫ୍ ସ୍ଥିର ପାଇଁ ଟିମ ଗୁଡିକୁ ବଡ ସ୍କୋର ଆବଶ୍ୟକ। ଏହାକୁ ଧ୍ୟାନରେ ରଖି ଆଜି କଲିକତାକୁ ଏକ ବଡ଼ ବ୍ୟବଧାନରେ ମ୍ୟାଚ ଜିତିବା ଅତ୍ୟନ୍ତ ଜରୁରୀ।

ଚେନ୍ନାଇ ବିପକ୍ଷରେ କେକେଆର ବିଜୟ ସହଜ ହେବ ନାହିଁ। ଚେନ୍ନାଇ ଶେଷ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୮ ୱିକେଟରେ ପରାସ୍ତ କରିଛି। କେକେଆରର ବ୍ୟାଟିଂ ଲାଇନ୍ ଅପ୍  ଇଏନ୍ ମୋର୍ଗାନଙ୍କୁ ଚିନ୍ତାରେ ପକାଇଛି। ବର୍ତ୍ତମାନ ଦଳରେ ପୂର୍ବତନ ଅଧିନାୟକ ଦୀନେଶ କାର୍ତ୍ତିକଙ୍କ ଆବଶ୍ୟକତା ରହିଛି ଏବଂ ସେ ନିଜର ଶ୍ରେଷ୍ଠ ପ୍ରଦର୍ଶନ ଦେଖାଇବାକୁ ଆଶା କରୁଛନ୍ତି।

ସପଟେ ନିତିଶ ରାଣାଙ୍କ ପ୍ରଦର୍ଶନ ମଧ୍ୟ ଅସ୍ଥିର ହୋଇଛି। ତାଙ୍କର ବାକି ବ୍ୟାଟ୍ସମ୍ୟାନ୍ଙ୍କ ପ୍ରଦର୍ଶନରେ ମଧ୍ୟ ସ୍ଥିରତାର ଅଭାବ ରହିଛି। ବୋଲରମାନେ ଏପର୍ଯ୍ୟନ୍ତ କେକେଆର୍ ପାଇଁ ଭଲ ଭୂମିକା ଗ୍ରହଣ କରିଛନ୍ତି। ତାମିଲନାଡୁର  ସ୍ପିନର ବରୁଣ ଚକ୍ରବର୍ତ୍ତୀ ଚମତ୍କାର ପ୍ରଦର୍ଶନ କରିଛନ୍ତି। ତାଙ୍କର ଭଲ ପ୍ରଦର୍ଶନ ଯୋଗୁଁ ସେ ଭାରତୀୟ ଟି-୨୦ ଦଳରେ ମଧ୍ୟ ସ୍ଥାନ ପାଇଛନ୍ତି।

ଅନ୍ୟପକ୍ଷରେ ଚେନ୍ନାଇ ବ୍ୟାଟ୍ସମ୍ୟାନ ମଧ୍ୟ କ୍ରମାଗତ ଉତ୍କୃଷ୍ଠ ପ୍ରଦର୍ଶନ କରିବାରେ ସକ୍ଷମ ହୋଇ ନାହାଁନ୍ତି। କିନ୍ତୁ ଆଜି ଟିମ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ, ସେମାନେ କୌଣସି ପ୍ରକାର ଆକ୍ରମଣ କରିପାରନ୍ତି। ପ୍ରଥମ ଥର ପାଇଁ ପ୍ଲେ-ଅଫ୍ ଦୌଡ଼ରୁ ବାହାରିଥିବା ଚେନ୍ନାଇ ସମ୍ମୁଖରେ କୋଲକାତା ବ୍ୟାଟ୍ସମ୍ୟାନଙ୍କୁ ବିବିଧ ଆକ୍ରମଣର ଆହ୍ୱାନକୁ ଦୂର କରିବାକୁ ପଡ଼ିବ।

ସମ୍ଭାବ୍ୟ ଏକାଦଶରେ ମିଚେଲ ସାଣ୍ଟନର୍ଙ୍କୁ ଅନ୍ତର୍ଭୁକ୍ତ କରିବା ପରେ ଚେନ୍ନାଇ ବୋଲିଂ ଶକ୍ତି ହାସଲ କରିଛି। ଆରସିବି ଉପରେ ବିଜୟ ଚେନ୍ନାଇ ଖେଳାଳିଙ୍କ ମନୋବଳ ବୃଦ୍ଧି କରିଥାନ୍ତା। ଯୁବ ଋତୁରାଜ ଗାଇକୱାଡ ଗତ ମ୍ୟାଚରେ ଏକ ଚମତ୍କାର ଇନିଂସ ଖେଳିଥିଲେ ଏବଂ ଅଧିନାୟକ ମହେନ୍ଦ୍ର ସିଂ ଧୋନି ତାଙ୍କଠାରୁ ସମାନ ଫର୍ମ ଆଶା କରିବେ। ତାଙ୍କର ଅନ୍ୟ ବ୍ୟାଟ୍ସମ୍ୟାନ ମଧ୍ୟ ବଡ ଇନିଂସ ଖେଳିବା ଉପରେ ଧ୍ୟାନ ଦେବେ।