Delhi High court: ଆପକୁ ବଡ଼ ଝଟକା, କେଜରିଓ୍ୱାଲଙ୍କୁ ଏଭଳି ନିର୍ଦ୍ଦେଶ ଦେଲେ କୋର୍ଟ

Delhi High court: ନୂଆଦିଲ୍ଲୀ: ଆମ ଆଦମୀ ପାର୍ଟିକୁ ପୁଣି ଥରେ ଏକ ବଡ଼ ଝଟକା ମିଳିଛି। ଦିଲ୍ଲୀ ହାଇକୋର୍ଟରୁ ମିଳିଛି ଏହି ଝଟକା। ଦିଲ୍ଲୀ ହାଇକୋର୍ଟ ଏକ ଅନ୍ତରୀଣ ଶୁଣାଣିରେ ଏଲଜି ବିରୋଧରେ ହୋଇଥିବା ଉପରାଜ୍ୟପାଳଙ୍କ ବିରୋଧରେ ହୋଇଥିବା ଅପମାନ ଜନକ ଭିଡ଼ିଓକୁ ହଟାଇବାକୁ ନିର୍ଦ୍ଦେଶ ଦେଇଛନ୍ତି। ଉପରାଜ୍ୟପାଳ ଦାଖଲ କରିଥିବା ଏକ ମାନହାନୀ ମାମଲାରେ ହାଇକୋର୍ଟ ଏହି ମଧ୍ୟବର୍ତ୍ତୀକାଳୀନ ରାୟ ଦେଇଛନ୍ତି। ସୋସିଆଲ ମିଡିଆରେ ଅପମାନଜନକ ଟ୍ୱିଟ୍ ଏବଂ ଅନ୍ୟାନ୍ୟ ପୋଷ୍ଟ ହଟାଇବାକୁ ଆପର ଏବଂ ଏହାର ନେତାମାନଙ୍କୁ ପଚାରିବାକୁ ସେ କୋର୍ଟରେ ଆବେଦନ କରିଥିଲେ।

ଦିଲ୍ଲୀ ସରକାରଙ୍କ ମଦ ନୀତି ସମେତ ଅନେକ ପ୍ରସଙ୍ଗରେ ତଦନ୍ତ ନିର୍ଦ୍ଦେଶ ଦେବା ପରେ ଆମ୍ ଆଦମୀ ପାର୍ଟି ତାଙ୍କୁ ସମାଲୋଚନା କରିଥିଲା। ଦିଲ୍ଲୀର ଅନେକ ନେତା ଏଲଜି ଭି.କେ ସାକ୍ସେନାଙ୍କୁ ୧୪୦୦ କୋଟି ଟଙ୍କା ଠକେଇ ଅଭିଯୋଗ କରିଛନ୍ତି। ଅଭିଯୋଗ ହୋଇଥିଲା ଯେ ଯେତେବେଳେ ସାକ୍ସେନା ଖଦି ଗ୍ରାମ ଇଣ୍ଡଷ୍ଟ୍ରିଜର ଚେୟାରମ୍ୟାନ୍ ଥିଲେ, ସେ ବିମୁଦ୍ରୀକରଣ ସମୟରେ ବ୍ଲାକ ମନିକୁ ହ୍ୱାଇଟରେ ପରିଣତ କରିଥିଲେ। ଏହା ବ୍ୟତୀତ କର୍ମଚାରୀଙ୍କ ବେତନରେ ଅନିୟମିତତା ହୋଇଥିବା ମଧ୍ୟ ଅଭିଯୋଗ ହୋଇଥିଲା। ଏଜି ବିଧାୟକ ଦୁର୍ଗେଶ ପଠକ, ସୌରଭ ଭରଦ୍ୱାଜ, ଆତିଶି ମାର୍ଲେନା ଏବଂ ସାଂସଦ ସଞ୍ଜୟ ସିଂଙ୍କ ସମେତ ଅନେକ ନେତା ଏଲଜିଙ୍କ ବିରୋଧରେ ଅଭିଯୋଗ କରିଛନ୍ତି। ଉପରାଜ୍ୟପାଳ ସାକ୍ସେନାଙ୍କୁ ଚୋର ଏବଂ ଦୁର୍ନୀତିଗ୍ରସ୍ତ କୁହାଯାଉଥିଲା।

ସୂଚନାଯୋଗ୍ୟ ଦିଲ୍ଲୀରେ ସରାବ ନୀତିକୁ ନେଇ ଉଭୟ ଉପରାଜ୍ୟପାଳ ଓ ଦିଲ୍ଲୀ ସରକାରଙ୍କ ମଧ୍ୟରେ ଶୀତଳ ଯୁଦ୍ଧ ଜାରି ରହିଥିଲା। ତେବେ ଏହାକୁ ନେଇ ଉଭୟ ପରସ୍ପରଙ୍କ ଉପରେ ଜୋରଦାର ବର୍ଷିଥିଲେ। ଏପରିକି ଏହି ସରାବ ନୀତିରେ ଦୁର୍ନିତି ହୋଇଥିବା ନେଇ ସିବିଆଇ ତଦନ୍ତ ନିର୍ଦ୍ଦେଶ ଦେଇଥିଲେ ଦିଲ୍ଲୀ ଉପରାଜ୍ୟପାଳ ବିନୟ ସକ୍ସେନା। ଖାସ କଥା ହେଉଛି ଦିଲ୍ଲୀର ଅବକାରୀ ବିଭାଗ ଦିଲ୍ଲୀ ଉପମୁଖ୍ୟମନ୍ତ୍ରୀ (Deputy Chief Minister) ମନୀଷ ସିସୋଦିଆଙ୍କ ଅଧିନରେ ରହିଥିବାରୁ ସେ ମଧ୍ୟ ତଦନ୍ତ ପରିସରକୁ ଆସିଥିଲେ। ସେପଟେ ଯଦି ଆପ୍ କଥା ଦେଖିବା ଅରବିନ୍ଦ କେଜ୍ରିୱାଲଙ୍କ ପରେ ସବୁଠାରୁ ଚର୍ଚ୍ଚିତ ଚେହେରା ହେଉଛନ୍ତି ମନୀଷ ସିସୋଦିଆ। ସତୈନ୍ଦ୍ର ଜୈନଙ୍କ ଗିରଫଦାରୀ ପରେ ସିସୋଦିଆଙ୍କ ଅଧିନରେ ୧୯ଟି ବିଭାଗ ରହିଛି।  ଏଭଳି କ୍ଷେତ୍ରରେ ମନୀଷ ସିସୋଦିଆଙ୍କ ନାଁ ସିଧାସଳଖ ଏଲଜି ମୁଖ୍ୟ ସଚିବଙ୍କ ରିପୋର୍ଟରେ ଆସିବା ମାମଲାକୁ ଅଧିକ ଗମ୍ଭୀର କରୁଛି। 

ନୂତନ ଏକ୍ସାଇଜ୍ ଡ୍ୟୁଟିରେ ଅନିୟମିତତା ଅଭିଯୋଗ ରହିଛି। ଅଭିଯୋଗ ହୋଇଛି ଯେ ନୂତନ ଏକ୍ସାଇଜ୍ ପଲିସି ମାଧ୍ୟମରେ ମଦ ଲାଇସେନ୍ସ ପ୍ରାପ୍ତ ବ୍ୟକ୍ତିଙ୍କୁ ଅଯଥା ଲାଭ ପ୍ରଦାନ କରାଯାଇଛି। ଲାଇସେନ୍ସ ପ୍ରଦାନ ସମୟରେ ନିୟମର ଉଲଙ୍ଘନ କରାଯାଇଛି। ଟେଣ୍ଡର ପରେ ଠିକାଦାରମାନଙ୍କୁ ୧୪୪କୋଟି ଟଙ୍କା ଛାଡ କରାଯାଇଥିବା ଅଭିଯୋଗ ହୋଇଛି।  ରିପୋର୍ଟରେ କୁହାଯାଇଛି ଯେ ଏହି ନୀତି ମାଧ୍ୟମରେ କରୋନା ବାହାନା କରି ଲାଇସେନ୍ସ ଫି ଛାଡ କରାଯାଇଥିଲା। ବ୍ୟବସାୟୀଙ୍କୁ ଲାଭ ପ୍ରଦାନ କରାଯାଇଥିଲା। ଅଭିଯୋଗ ହୋଇଛି ଯେ  ନୂତନ ଏକ୍ସାଇଜ୍ ପଲିସି ଅଧୀନରେ ନିଆଯାଇଥିବା ପଦକ୍ଷେପ ଯୋଗୁଁ ରାଜସ୍ୱ ବ୍ୟାପକ କ୍ଷତି ହୋଇଛି। ମଦ ବ୍ୟବସାୟୀମାନଙ୍କୁ ଲାଭ ଦେବା ଲକ୍ଷ୍ୟରେ ଏହି ନୂତନ ନୀତି ଅଣାଯାଇଛି।  

ସେପେଟ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଡେପୁଟି ସିଏମ ମନୀଷ ସିସୋଦିଆଙ୍କ ବିରୋଧରେ ଆସିଥିବା ଅଭିଯୋଗକୁ ଭିତ୍ତିହୀନ ବୋଲି କହିଥିଲେ। କେଜ୍ରିୱାଲ କହିଥିଲେ, ଆମେ ଜେଲ କି ଫାଶୀକୁ ଡରିନୁ। କେଜ୍ରିୱାଲ କହିଥିଲେ ସିସୋଦିଆ କଟ୍ଟର ଦେଶଭକ୍ତ। ଏହାଛଡା ଆମେ ତିନି ଚାରି ମାସ, ଆଗରୁ କହିଥିଲୁ କି ମନୀଷ ସିସୋଦିଆଙ୍କୁ ମଧ୍ଯ ଗିରଫ କରାଯିବ। ଆମକୁ ସେମାନଙ୍କ ଲୋକ ହିଁ କହିଥିଲେ ଯେ ମନୀଷ ସିସୋଡିଆଙ୍କୁ ଗିରଫ କରାଯିବ।  କେଜ୍ରିୱାଲ କହିଥିଲେ, ଯେତେବେଳେ ଆମେ ସେମାନଙ୍କ ଲୋକଙ୍କୁ ପଚାରିଥିଲୁ କେଉଁ ମାମଲାରେ ସେମାନଙ୍କୁ ଗିରଫ କହିଥିଲେ। ସେମାନେ କହିଥିଲେ ଯେ କୌଣସି ମାମଲା ନାହିଁ।