ଏମିତି ଏକ ଦେଶ ଯେଉଁଠାରେ ନହସିଲେ ଦେବାକୁ ପଡ଼େ ଜୋରିମାନା

ନୂଆଦିଲ୍ଲୀ: ଦେଶକୁ ସୂଚାରୁରୁପେ ଚଳାଇବାକୁ ହେଲେ ସଠିକ କାନୁନ ବ୍ୟବସ୍ଥା ରହିବା ନିହାତି ଜରୁରୀ । ଯଦି ସଠିକ କାନୁନ ବ୍ୟବସ୍ଥା ନରୁହେ ତେବେ ଏହା ସ୍ବାଭାବିକ ଯେ, ଦେଶକୁ ଚଳାଇବା କଷ୍ଟକର ହୋଇପଡ଼ିବ । ହେଲେ ଏହି କାନୁନ ବା ଆଇନ ବି ସମାଜରେ ଅନେକ ସମସ୍ୟା ନେଇ ଛିଡ଼ାହୁଏ । ଏକଥାଟି କହିବାର ମଧ୍ୟ ଅନେକ କାରଣ ରହିଛି । କାରଣ ଦୁନିଆରେ ଏମିତି ଦେଶ ବିଦେଶ ଅଛି ଯେଉଁଠାରେ ଅଜବଗଜବ ନିୟମ କାନୁନ ରହିଛି ଯାହାଫଳରେ ସେହି ଦେଶର ନାଗରିକ ମାନେ ଅନେକ ସମସ୍ୟାର ସାମ୍ନା କରିବାକୁ ପଡ଼ିଥାଏ ।

ତେବେ ଚାଲନ୍ତୁ ଆଜି ଏମିତି କିଛି ଦେଶ ବିଷୟରେ ଜାଣିବା ଯେଉଁଠାରେ ତାଙ୍କ ଆଇନକାନୁନ( Different laws) କଥା ଜାଣିଲେ ଆପଣ ଆଶ୍ଚର୍ଯ୍ୟ ହେବେ ନିଶ୍ଚିତ । ଏମିତି ଏକ ଦେଶ ହେଉଛି ସ୍ୱିଜରଲ୍ୟାଣ୍ଡ (Switzerland)। ସ୍ବିଜରଲ୍ୟାଣ୍ଡରେ ଯଦି ଆପଣ କେଉଁ ଫ୍ଲାଟ ବା ଆପାର୍ଟମେଣ୍ଟରେ ରହୁଛନ୍ତି ତେବେ ରାତି ୧୦ଟା ପରେ ଏହି ନିୟମ ମାନିବାକୁ ପଡ଼ିବ । ନିୟମ ହେଉଛି କି ରାତି ୧୦ଟା ପରେ ଆପଣ ଯଦି ଟଏଲେଟ(Toilet) ଯାଉଛନ୍ତି ତେବେ ଟଏଲେଟର ଫ୍ଲସ ଆପଣ ମାରିବେନି । ଏହି ଦେଶରେ ଏହାକୁ ଏକ ଆଇନ ଭାବେ ମାନନ୍ତି । କାରଣ ରାତି ୧୦ ଟାପରେ ଫ୍ଲସ କଲେ ଧ୍ୱନି ପ୍ରଦୁଷଣ (Noise Pollution) ହୁଏ ବୋଲି କୁହାଯାଇଛି ।

ସେହିପରି ଅଜବ ଆଇନକାନୁନ ପ୍ରଚଳିତ ଥିବା ଏକ ଦେଶ ହେଉଛି ଇଟାଲୀ(Italy) । ଏଠାରେ ଥିବା ମିଲାନ ସହରରେ ଯଦି ଆପଣ ରହୁଛନ୍ତି ତେବେ ଧ୍ୟାନ ରଖନ୍ତୁ ଆପଣଙ୍କୁ ସବୁବେଳେ ହସିବାକୁ ହେବ ବା ହସହସ ମୁହଁ (Smiley Face) ରେ ରହିବାକୁ ହେବ । କେବଳ ଅନ୍ତିମ ସଂସ୍କାର ସମୟରେ ଓ ହସ୍ପିଟାଲରେ ଏହି କାନୁନକୁ ମାନିବାକୁ ପଡ଼ିବନି । ଯଦି ଏହି ନିୟମ ଆପଣ ନମାନୁଛନ୍ତି ବା ନ ହସୁଛନ୍ତି ତେବେ ଆପଣଙ୍କୁ ଜୋରିମାନା (Fine) ଦେବାକୁ ପଡ଼ିବ । ସେଥିପାଇଁ ଦୁଃଖ ହେଉ କି ସୁଖ ଏହି ସହରରେ ରହିବାକୁ ହେଲେ ସବୁବେଳେ ହସହସ ମୁହଁରେ ରହିବାକୁ ପଡ଼ିବ !

ତେବେ ଚାଲନ୍ତୁ ଜାଣିବା ଇଂଲଣ୍ଡ (England) ଦେଶର କିଛି ଅଜବ ଆଇନ ବିଷୟରେ । ଏଠାରେ କାନୁନ ଅଛି ଯେ, ସଂସଦ( Parliament)ରେ କାହାର କେବେ ମୃତ୍ୟୁ ହେବନାହିଁ । ୨୦୦୭ ମସିହାରେ ଏହି କାନୁନ କରାଯାଇଥିବା କୁହାଯାଏ ମାତ୍ର ଏହାକୁ ନେଇ କୌଣସି ଔପଚାରିକ ଘୋଷଣା କରାଯାଇନାହିଁ। 

ଅନ୍ୟପଟେ କାନାଡା (Canada) ଭଳି ଦେଶରେ ରେଡି଼ଓ ଶୁଣିବାକୁ ନେଇ ରହିଛି ଏକ ଅଜବ ନିୟମ । ରେଡ଼ିଓ (Radio)ରେ ବାଜୁଥିବା  ଗୀତ ଭିତରେ ୫ନମ୍ବରରେ ଯେଉଁ ଗୀତ ବାଜିବ ତାହା କେବଳ ଜଣେ କାନାଡିୟାନ ସିଙ୍ଗର (Canadian Singer)ଗାଇଥିବା ଦରକାର । ଏହି ନିୟମକୁ  ଦେଶର ଅଡିଓ ଓ ଟେଲିଭିଜନ ଆୟୋଗ ଦ୍ୱାରା ତିଆରି କରାଯାଇଛି ।