କୋଭିଡ ପ୍ରଭାବିତ କ୍ଷେତ୍ରକୁ ଅର୍ଥମନ୍ତ୍ରୀ ଦେଲେ ୧.୧ ଲକ୍ଷ କୋଟି ଟଙ୍କାର ରିଲିଫ ପ୍ୟାକେଜ୍

କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ (Finance minister Nirmala Sitharaman) ସ୍ୱାସ୍ଥ୍ୟ କ୍ଷେତ୍ର ପାଇଁ ୫୦,୦୦୦ କୋଟି ଟଙ୍କାର ରିଲିଫ ପ୍ୟାକେଜ୍ ଘୋଷଣା କରିଛନ୍ତି ।

ନୂଆଦିଲ୍ଲୀ: କୋରୋନା ଅବଧି ମଧ୍ୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ (Nirmala Sitharaman) ସୋମବାର ଏକ ଆର୍ଥିକ ସହାୟତା ପ୍ୟାକେଜ (Relief package) ଘୋଷଣା କରିଛନ୍ତି । ସାମ୍ବାଦିକ ସମ୍ମିଳନୀରେ କରୋନା ଦ୍ୱାରା ପ୍ରଭାବିତ କ୍ଷେତ୍ରଗୁଡିକ ପାଇଁ ସେ ୧.୧ ଲକ୍ଷ କୋଟି ଟଙ୍କାର ଲୋନ ଗ୍ୟାରେଣ୍ଟି ସ୍କିମ (Loan Guarantee Scheme) ଘୋଷଣା କରିଛନ୍ତି । ଏହି ସ୍କିମ ଅଧୀନରେ ସ୍ୱାସ୍ଥ୍ୟ କ୍ଷେତ୍ରକୁ ୫୦ ହଜାର କୋଟି ଟଙ୍କାର ଲୋନ ଗ୍ୟାରେଣ୍ଟି ଦିଆଯାଉଥିବାବେଳେ ଅନ୍ୟ କ୍ଷେତ୍ରକୁ ୬୦ ହଜାର କୋଟି ଟଙ୍କା ଦିଆଯାଇଛି ।

ଏହା ଅଧୀନରେ ୧୦୦ କୋଟି ଟଙ୍କା ପର୍ଯ୍ୟନ୍ତ ଲୋନ ୭.୯୫ ପ୍ରତିଶତ ସୁଧରେ ଦିଆଯିବ । ଅନ୍ୟାନ୍ୟ କ୍ଷେତ୍ର ପାଇଁ ସୁଧ ହାର ୮.୨୫% ରୁ ଅଧିକ ହେବ ନାହିଁ । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ (Finance minister Nirmala Sitharaman) ଘୋଷଣା କରି କହିଛନ୍ତି ଯେ ୩ ବର୍ଷ ପାଇଁ ଏକ କ୍ରେଡିଟ୍ ଗ୍ୟାରେଣ୍ଟି ଯୋଜନା ଅଛି । ଲୋନ ସୁବିଧା ଛୋଟ ଋଣଦାତାମାନଙ୍କୁ ଦିଆଯିବ । ୧୧ ହଜାର ଟୁରିଷ୍ଟ ଗାଇଡଙ୍କୁ (Tourist guide) ସହାୟତା ଦିଆଯିବ । ପ୍ରଥମେ ୫ ଲକ୍ଷ ଟୁରିଷ୍ଟଙ୍କୁ ଭିସା ଫି ଦେବାକୁ ପଡିବ ନାହିଁ । ଏହି ସ୍କିମ ଅଧୀନରେ ୧୦୦ କୋଟି ଟଙ୍କା ଆର୍ଥିକ ସହାୟତା ଦିଆଯିବ ଓ ଜଣେ ଟୁରିଷ୍ଟ କେବଳ ଥରେ ଏହି ଯୋଜନାର ଲାଭ ପାଇବେ । 

ଅଧିକ ପଢ଼ନ୍ତୁ: Twitter ପୁଣିଥରେ ଦେଖାଇଲା ଭାରତର ଭୁଲ ମାନଚିତ୍ର, ସରକାର ଏହା କହିଲେ

କ୍ରେଡିଟ୍ ଗ୍ୟାରେଣ୍ଟି ସ୍କିମ୍ ଅନୁଯାୟୀ, ଛୋଟ ବ୍ୟବସାୟ, ବ୍ୟକ୍ତିଗତ NBFC ଗୁଡିକ ମାଇକ୍ରୋ ଫାଇନାନ୍ସ ସଂସ୍ଥାଗୁଡ଼ିକରୁ ୧.୨୫ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ନେଇପାରିବେ । ଏହାର ମୂଳ ଉଦ୍ଦେଶ୍ୟ ହେଉଛି ନୂତନ ଋଣ ବଣ୍ଟନ କରିବା । ତେବେ ଏହା ଉପରେ ବ୍ୟାଙ୍କର MCLR ଉପରେ ସର୍ବାଧିକ ୨ ପ୍ରତିଶତ ସୁଧ ନିଆଯାଇପାରେ । ଏହି ଋଣର ଅବଧି ୩ ବର୍ଷ ହେବ ଓ ସରକାର ଏହାକୁ ଗ୍ୟାରେଣ୍ଟି ଦେବେ । ପ୍ରାୟ ୨୫ ଲକ୍ଷ ଲୋକ ଏହି ଯୋଜନାର ଲାଭ ପାଇବେ । ଏହା ସହିତ ୮୯ ଦିନର ଡିଫଲ୍ଟର୍ ସହିତ ସମସ୍ତ ପ୍ରକାର ଋଣଗ୍ରହୀତା ଏଥିପାଇଁ ଯୋଗ୍ୟ ହେବେ । 

ଅଧିକ ପଢ଼ନ୍ତୁ: କୋଭିଶିଲ୍ଡ ଟିକା ନେଇଥିବା ଲୋକଙ୍କୁ ୟୁରୋପରେ No Entry, ପୁନାୱାଲା ଏହା କହିଲେ

ଅର୍ଥମନ୍ତ୍ରୀ ସୀତାରମଣ କହିଛନ୍ତି ଯେ ଗରିବ କଲ୍ୟାଣ ଆନ୍ନା ଯୋଜନା ନଭେମ୍ବର ପର୍ଯ୍ୟନ୍ତ ଜାରି ରହିବ । ଦେଶର ପ୍ରତ୍ୟେକ କୋଣ ଅନୁକୋଣରେ ଲୋକଙ୍କୁ ଖାଦ୍ୟ ଯୋଗାଇବା ପାଇଁ ଉଦ୍ୟମ କରାଯାଉଛି ।