Jaipur Airport: ପ୍ରାଇଭେଟ୍ ପାର୍ଟରେ ଭାରତକୁ ଲୁଚାଇ ଆଣିଥିଲେ ୧ କେଜି ସୁନା, ବିମାନବନ୍ଦରରେ ମାଡିବସିଲା କଷ୍ଟମ୍ସ ବିଭାଗ; ତା’ପରେ…

Jaipur Airport: ରାଜସ୍ଥାନର ଜୟପୁର ବିମାନବନ୍ଦରରେ ସୁନା ଚୋରା ଚାଲାଣର ଏକ ଆଶ୍ଚର୍ଯ୍ୟଜନକ ଏବଂ ଅଜବ ଘଟଣା ସାମ୍ନାକୁ ଆସିଛି। କଷ୍ଟମ ବିଭାଗ ଜଣେ ଯାତ୍ରୀଙ୍କୁ ଜୟପୁରରେ ଧରିଥିଲା ଯିଏ ନିଜ ପ୍ରାଇଭେଟ୍ ପାର୍ଟରେ ଲୁଚାଇ ଆବୁଧାବିରୁ ଭାରତକୁ ଏକ କିଲୋରୁ ଅଧିକ ସୁନା ଆଣିଥିଲେ।

ସୂଚନାନୁସାରେ, ଜୟପୁର ବିମାନବନ୍ଦରର କଷ୍ଟମ ବିଭାଗ ସୁନା ଚୋରା ଚାଲାଣ ମାମଲାରେ ଆବୁଧାବିରୁ ଜୟପୁରକୁ ଆସିଥିବା ଜଣେ ଭାରତୀୟ ଯାତ୍ରୀଙ୍କୁ ଗିରଫ କରିଛି। ସେହି ଯାତ୍ରୀ ନିଜ ପ୍ରାଇଭେଟ୍ ପାର୍ଟରେ ଏକ କିଲୋଗ୍ରାମରୁ ଅଧିକ ସୁନା ଲୁଚାଇ ରଖିଥିଲେ। ଗିରଫ ଅଭିଯୁକ୍ତ ମହେନ୍ଦ୍ର ଖାନ ବୋଲି ଜଣା ପଡିଛି ଯିଏ ବିୱାରର ବାସିନ୍ଦା।

କଷ୍ଟମ୍ସ ବିଭାଗର ଜଣେ ଅଧିକାରୀ ଏ ସମ୍ପର୍କରେ ସୂଚନା ଦେଇ କହିଛନ୍ତି ଯେ ଜବତ ସୁନାର ଆନୁମାନିକ ମୂଲ୍ୟ ୯୦ ଲକ୍ଷରୁ ଅଧିକ। ଅଧିକାରୀ କହିଛନ୍ତି ଯେ ବିୱାର ନିବାସୀ ଯାତ୍ରୀ ମହେନ୍ଦ୍ର ଖାନ ବୁଧବାର ଜୟପୁର ବିମାନବନ୍ଦରରେ ପହଞ୍ଚିଥିଲେ ଏବଂ ଗୋପନୀୟ ତଥ୍ୟ ଆଧାରରେ ସୁରକ୍ଷା ଯାଞ୍ଚ ପୋଷ୍ଟରେ ତାଙ୍କୁ ଅଟକା ଯାଇଥିଲା। ତାଙ୍କ କହିବାନୁସାରେ ସନ୍ଦେହ କରାଯାଇ ତାଙ୍କ ଏକ୍ସ-ରେ ଟେଷ୍ଟ କରିବାକୁ କୋର୍ଟଙ୍କ ଅନୁମତି ନିଆଯାଇଥିଲା।

Add Zee News as a Preferred Source

ଅଧିକାରୀ କହିଛନ୍ତି ଯେ ଅଭିଯୁକ୍ତଙ୍କୁ ଜୟପୁରିଆ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ଏକ୍ସ-ରେ ପରୀକ୍ଷା ପରେ ତାଙ୍କ ମଳାଶୟରୁ (Rectum) ତିନୋଟି ସୁନା କ୍ୟାପସୁଲ ଉଦ୍ଧାର କରାଯାଇଥିଲା। ସେ କହିଛନ୍ତି ଯେ ଉଦ୍ଧାର ହୋଇଥିବା ଶୁଦ୍ଧ ସୁନାର ଓଜନ ୧୧୨୧ ଗ୍ରାମ, ଯାହାର ଆନୁମାନିକ ମୂଲ୍ୟ ୯୦.୧୨ ଲକ୍ଷ ଟଙ୍କା। କୋର୍ଟ ଅଭିଯୁକ୍ତଙ୍କୁ ୧୪ ଦିନ ପାଇଁ ଜେଲ ପଠାଇଛନ୍ତି।