ସମସ୍ତ ଯାନ ପାଇଁ ଜରୁରୀ ହାଇ ସିକ୍ୟୁରିଟି ନମ୍ବର ପ୍ଲେଟ୍; ଜାଣନ୍ତୁ ଘରେ ବସି କିପରି କିରବେ ରେଜିଷ୍ଟ୍ରେସନ୍

High Security Number Plate: ହାଇ ସିକ୍ୟୁରିଟି ନମ୍ବର ପ୍ଲେଟ୍ ବର୍ତ୍ତମାନ ସମସ୍ତଙ୍କ ପାଇଁ ଆବଶ୍ୟକ । ଏପରି ପରିସ୍ଥିତିରେ, ଆପଣ ଏହା ପାଇଁ ଯଥାଶୀଘ୍ର ରେଜିଷ୍ଟ୍ରେସନ କରିନେବା ଉଚିତ୍ । କିନ୍ତୁ ଆପଣଙ୍କ ମନରେ ପ୍ରଶ୍ନ ଥିବ ଏହାକୁ କେଉଁଠାରେ ପଞ୍ଜୀକୃତ କରିବେ ଓ କେତେ ଟଙ୍କା ଖର୍ଚ୍ଚ ହେବ । ଆସନ୍ତୁ ଜାଣିବା ଏସବୁ ବିଷୟରେ ...।

High Security Number Plate: ବର୍ତ୍ତମାନ ପ୍ରତ୍ୟେକ ରାଜ୍ୟର ସମସ୍ତ ଯାନ ପାଇଁ ହାଇ ସିକ୍ୟୁରିଟି ନମ୍ବର ପ୍ଲେଟ୍ ଜରୁରୀ ହୋଇଛି । ଆପଣଙ୍କର ଦୁଇ ଚକିଆ ଯାନ ଥାଉ କିମ୍ବା ଚାରି ଚକିଆ ଯାନ, ଆପଣଙ୍କୁ ଏକ ହାଇ ସିକ୍ୟୁରିଟି ନମ୍ବର ପ୍ଲେଟ୍ ନେବାକୁ ପଡିବ । ଏହା ସହିତ କଲର କୋଡ୍ ଷ୍ଟିକର ମଧ୍ୟ ବ୍ୟବହାର କରିବାକୁ ପଡ଼ିବ, ଯାହା ସରକାରଙ୍କ ଦ୍ୱାରା ଧାର୍ଯ୍ୟ କରାଯାଇଛି । ଏହି ନମ୍ବର ପ୍ଲେଟଗୁଡିକ ପ୍ରତ୍ୟେକ ରାଜ୍ୟରେ ଅଟୋମୋବାଇଲ୍ ଡିଲରମାନଙ୍କ ଦ୍ୱାରା ସ୍ଥାପିତ ହେବ । ଗ୍ରାହକମାନେ ସେମାନଙ୍କ ରାଜ୍ୟର ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ୍ ଯଥା HSRP ପୋର୍ଟାଲରେ ସେମାନଙ୍କର ନମ୍ବର ପ୍ଲେଟ୍ ପାଇଁ ରେଜିଷ୍ଟ୍ରେସନ କରିପାରିବେ । ଏହା ସହିତ, ସେମାନେ ଅନଲାଇନ୍ ରେଜିଷ୍ଟ୍ରେସନ ପ୍ରକ୍ରିୟାରେ ସେମାନଙ୍କର ନମ୍ବର ପ୍ଲେଟ ଷ୍ଟେଟସ ମଧ୍ୟ ଯାଞ୍ଚ କରିପାରିବେ । କିନ୍ତୁ ଆପଣଙ୍କ ମନରେ ପ୍ରଶ୍ନ ଥିବ ଏହାକୁ କେଉଁଠାରେ ପଞ୍ଜୀକୃତ କରିବେ ଓ କେତେ ଟଙ୍କା ଖର୍ଚ୍ଚ ହେବ । ଆସନ୍ତୁ ଜାଣିବା ଏସବୁ ବିଷୟରେ ...।

ଯଦିଓ ଅନଲାଇନ୍ ରେଜିଷ୍ଟ୍ରେସନ ପ୍ରକ୍ରିୟା ସମସ୍ତ ରାଜ୍ୟରେ ଭିନ୍ନ ହୋଇପାରେ, କିନ୍ତୁ ଏହି ଗୋଟିଏ ଉଦାହରଣ ସହିତ ଆପଣ ଜାଣିପାରିବେ ଯେ କିପରି ଅନଲାଇନ୍ ଆବେଦନ କରିବେ । ଏଥିପାଇଁ ସର୍ବପ୍ରଥମେ ଆପଣଙ୍କ ରାଜ୍ୟର ଅଫିସିଆଲ୍ HSRP ୱେବସାଇଟ୍ କୁ ଯାଆନ୍ତୁ । ଏଠାରେ ଆପଣଙ୍କୁ ଆପଣଙ୍କ ଗାଡିର ମନୋନୀତ ସମସ୍ତ ସୂଚନା ଦେବାକୁ ପଡିବ, ଯେପରିକି ଆପଣଙ୍କ ଗାଡି ବ୍ୟକ୍ତିଗତ କିମ୍ବା ବ୍ୟବସାୟିକ, ଦୁଇଟି ଚକିଆ କିମ୍ବା ଚାରି ଚକିଆ ଯାନ, ଏହା କେଉଁ କମ୍ପାନୀର ଅଟେ, ଗାଡିର ନମ୍ବର କ’ଣ ଓ ଅନ୍ୟାନ୍ୟ ଅନେକ ତଥ୍ୟ । ଏଠାରେ ଆପଣ ନିଜ ପସନ୍ଦର ଡିଲରକୁ ମଧ୍ୟ ବାଛିବାକୁ ପଡିବ, ଯେଉଁଠାରୁ ଆପଣ ଏକ ହାଇ ସିକ୍ୟୁରିଟି ନମ୍ବର ପ୍ଲେଟ୍ ପାଇବାକୁ ଚାହୁଁଛନ୍ତି ।

ସର୍ବପ୍ରଥମେ ଏହା ଜାଣିବା ଜରୁରୀ ଯେ କେଉଁଠାରେ ଆବେଦନ କରିବେ । HRSP ୱେବସାଇଟ୍ ବିଭିନ୍ନ ରାଜ୍ୟରେ ଭିନ୍ନ ଭିନ୍ନ । ଯଦି ଆପଣ ଓଡ଼ିଶାର ତେବେ ଏହାର HSRP ୱେବସାଇଟ୍ ହେଉଛି https://www.siam.in/hrspsubmit.aspx?mpgid=91&pgidtrail=91 । ଏହି ଲିଙ୍କ ସିଧାସଳଖ କ୍ଲିକ କରି ଆପଣ ନିଜର ହାଇ ସିକ୍ୟୁରିଟି ନମ୍ବର ପ୍ଲେଟ୍ ପାଇଁ ଆବେଦନ କରିପାରିବେ । କିମ୍ବା ଆପଣ ହାଇ ସିକ୍ୟୁରିଟି ନମ୍ବର ପ୍ଲେଟ୍ କଷ୍ଟମର କେୟାର ନମ୍ବର 011-4704750 କୁ କଲ କରି ଏହି ବିଷୟରେ ସୂଚନା ପାଇପାରିବେ । ଯଦି ଆପଣ ଚାହାଁନ୍ତି, ତେବେ hsrp.customercare@gmail.com, jdadmntpt@hub.nic.in କିମ୍ବା protpt@hub.nic.in କୁ ଇମେଲ କରି ଆପଣଙ୍କ ରାଜ୍ୟର HSRP ୱେବସାଇଟର ଲିଙ୍କ ବିଷୟରେ ଜାଣିପାରିବେ ।

ଚାରି ଚକିଆ ଯାନ ପାଇଁ ରେଜିଷ୍ଟ୍ରେସନ ଫି ୬୦୦ ରୁ ୧୧୦୦ ଟଙ୍କା ମଧ୍ୟରେ ରହିଛି, ଯଦି ଆପଣ ଦୁଇ ଚକିଆ ଯାନ ପାଇଁ ରେଜିଷ୍ଟ୍ରେସନ କରନ୍ତି ତେବେ ଆପଣଙ୍କୁ ୩୦୦-୪୦୦ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡିପାରେ । ଯଦି କୌଣସି ବ୍ୟକ୍ତି ହାଇ ସିକ୍ୟୁରିଟି ନମ୍ବର ପ୍ଲେଟ୍ ପାଇଁ ଆବେଦନ କରୁଛନ୍ତି, ତେବେ ପ୍ରଥମେ ତାଙ୍କୁ ନିଶ୍ଚିତ କରିବାକୁ ପଡିବ ଯେ ତାଙ୍କ ଗାଡିରେ ପୂର୍ବରୁ କୌଣସି ଚାଲାଣ ଦେବାକୁ ଯେପରି ବାକି ନ ଥିବ ।