Hockey World Cup: ଯୋଗ୍ୟତା ପର୍ଯ୍ୟାୟ ମୁକାବିଲାରେ ଜାପାନକୁ ୮-୦ ଗୋଲ ବ୍ୟବଧାନରେ ହରାଇଲା ଭାରତ

India Japan Hockey Match: ୧୯୩୨ ମସିହା ପର ଠାରୁ ଭାରତ-ଜାପାନ ମଧ୍ୟରେ ୩୩ ହକି ମ୍ୟାଚ ଅନୁଷ୍ଠିତ ହୋଇଛି। ଏହି ୩୩ ମ୍ୟାଚ ମଧ୍ୟରୁ ଭାରତ ୨୭ ମ୍ୟାଚ ଜିତିଥିବା ବେଳେ ଜାପାନ ତିନୋଟି ମ୍ୟାଚ ଜିତିଛି।

India Defeats Japan in 8-0 Goal: ୨୦ ଜାନୁଆରୀରେ ପୁରୁଷ ହକି ବିଶ୍ୱକପ ଯୋଗ୍ୟତା ପର୍ଯ୍ୟାୟ ମୁକାବିଲାରେ ଭାରତୀୟ ଦଳ ଜାପାନକୁ ୮-୦  ଗୋଲ ବ୍ୟବଧାନରେ ପରାସ୍ତ କରିଛି। ଭାରତୀୟ 
ହକି ଦଳ ୩୩ ମ୍ୟାଚ ମଧ୍ୟରୁ ୨୭ ତମ ଥର ପାଇଁ ଜାପାନ ବିପକ୍ଷରେ ବିଜୟୀ ହୋଇଛି। ଭାରତୀୟ ଦଳ ପକ୍ଷରୁ ଅଭିଷେକ ଏବଂ ହରମନପ୍ରୀତ ସିଂହ ଦୁଇଟି ଲେଖାଏଁ ଗୋଲ ସ୍କୋର କରିଥିବା ବେଳେ ମନଦୀପ ସିଂହ, ବିବେକ ସାଗର ପ୍ରସାଦ, ମନପ୍ରୀତ ସିଂହ ଏବଂ ସୁଖଜିତ ସିଂହ ଗୋଟିଏ ଲେଖାଏଁ ଗୋଲ ସ୍କୋର କରିଥିଲେ।

ଅଭିଷେକ ଉଭୟ ଫିଲ୍ଡ ଗୋଲ ଦେଇଥିଲେ। ଅନ୍ୟପଟେ ମନପ୍ରୀତ ସିଂହ ମଧ୍ୟ ଏକ ଫିଲ୍ଡ ଗୋଲ୍ ସ୍କୋର କରିଥିଲେ। ଅଭିଷେକଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଭାବେ ଘୋଷଣା କରାଯାଇଥିଲା। ୧୯୩୨ ମସିହା ପର ଠାରୁ ଭାରତ-ଜାପାନ ମଧ୍ୟରେ ୩୩ ହକି ମ୍ୟାଚ ଅନୁଷ୍ଠିତ ହୋଇଛି। ଏହି ୩୩ ମ୍ୟାଚ ମଧ୍ୟରୁ ଭାରତ ୨୭ ମ୍ୟାଚ ଜିତିଥିବା ବେଳେ ଜାପାନ ତିନୋଟି ମ୍ୟାଚ ଜିତିଛି।

କ୍ୱାର୍ଟର ଫାଇନାଲରେ ନ ପହଞ୍ଚିବାରୁ ଭାରତୀୟ ଦଳକୁ ସମାଲୋଚନାର ସାମ୍ନା କରିବାକୁ ପଡିଥିଲା। ଗତ ୨୦୧୮ ବର୍ଷରେ ଜାପାନ ଇଣ୍ଡୋନେସିଆ ରାଜଧାନୀ ଜାକର୍ତ୍ତା ଠାରେ ଆୟୋଜିତ ଏସୀୟ ଗେମ୍ସ ମୁକାବିଲାରେ ମାଲେସିଆକୁ ପରାସ୍ତ କରି ସ୍ୱର୍ଣ୍ଣ ପଦକ ଜିତିଥିଲା​। ହକି ବିଶ୍ୱକପରେ ଦଳର ପ୍ରଦର୍ଶନ ନୈରାଶ୍ୟଜନକ ଥିଲା। ଜାପାନ ଏହାର ତିନୋଟି ମ୍ୟାଚ୍ ହାରିଯିବା ପରେ ପୁଲ୍-ଏ ବର୍ଗରେ ଶେଷ ସ୍ଥାନ ଅଧିକାର କରିଥିଲା। ପୁଲ୍-ଡି ବର୍ଗରେ ଭାରତ ଦ୍ୱିତୀୟ ସ୍ଥାନ ଅଧିକାର କରିଥିଲା। ଭାରତ ସ୍ପେନ୍ ଏବଂ ୱେଲ୍ସ ଦଳକୁ ପରାସ୍ତ କରିଥିବା ଇଂଲଣ୍ଡ ସହ ମ୍ୟାଚ ଡ୍ର ରଖିଥିଲା।