Weiboରେ ମୋଦିଙ୍କ କେତେ ଫୋଲୋୟର୍ସ ଥିଲେ ?

ଶୁଭଶ୍ରୀ ମହାପାତ୍ର, ଭୁବନେଶ୍ୱର: ଭାରତ-ଚୀନ ସୀମା ବିବାଦ ଦିନକୁ ଦିନ ତୀବ୍ର ହେଉଛି । ଗଲୱାନ ଘାଟିରେ ହିଂସାତ୍ମକ ସ୍ଥିତି ସୃଷ୍ଟି ପରେ ଉଭୟ ଦେଶ ସମ୍ପର୍କରେ ଫାଟ ସୃଷ୍ଟି ହୋଇଛି । ଚାଇନା ସାମଗ୍ରୀ ବର୍ଜନ ନାରା ଭାରତରେ ତେଜିଛି । ଚୀନକୁ ବାଣିଜ୍ୟିକ ଦୃଷ୍ଟିକୋଣରୁ ଦୁର୍ବଳ କରିବା ପାଇଁ ଏବେ ଭାରତ ପ୍ରସ୍ତୁତ । କେନ୍ଦ୍ର ସରକାର ୫୯ଟି ଚାଇନା କମ୍ପାନୀକୁ ଭାରତରେ ବ୍ୟାନ ଘୋଷଣା କଲେ । ଭାରତୀୟ ମଧ୍ୟ ଏହି ଧାରାରେ ନିଜକୁ ସାମିଲ୍ କରିଛନ୍ତି । HELLO, TIKTOK ଆଦି ଆପ୍ ବ୍ୟବହାର କରିବା ଭାରତୀୟ ବନ୍ଦ କଲେ । ନିଜେ ପ୍ରଧାନମନ୍ତ୍ରୀ ମୋଦି ମଧ୍ୟ  ସୋସିଆଲ୍ ମିଡିଆ Weiboରୁ ନିଜ ଆକାଉଣ୍ଟକୁ ଡିଲିଟ କରିଛନ୍ତି ।

Weiboକୁ ବାଏ ବାଏ କଲେ ମୋଦି

ଲଦାଖ ସୀମାରେ ଚୀନର କାର୍ଯ୍ୟକଳାପକୁ ନେଇ ସବୁଆଡେ ନିନ୍ଦା କରାଯାଉଛି । ଶାନ୍ତି ଓ ମୈତ୍ରୀକୁ ବିଶ୍ୱାସ କରୁଥିବା ଭାରତ ଏବେ ଚୀନକୁ ଦୃଢ ଜବାବ୍ ଦେବା ସପକ୍ଷରେ ରହିଛି । ଚାଇନା APPକୁ ବର୍ଜନ କରି ଚୀନକୁ ଦୁର୍ବଳ କରିବାକୁ ଭାରତ ସଜାଗ ରହିଛି । ଗତ ୨୦୧୫ରେ Weiboରେ ଆକାଉଣ୍ଟ ଖୋଲିଥିଲେ ପ୍ରଧାନମନ୍ତ୍ରୀ ମୋଦି । ଚୀନ ଗସ୍ତ ସମୟରେ Weiboରେ ମେସେଜ ମଧ୍ୟ କରିଥିଲେ । ଏ ଯାଏଁ ୧୧୫ ଟି ପୋଷ୍ଟ ମୋଦିଙ୍କର ଦେଖିବାକୁ ମିଳିଥିଲା । ତୁରନ୍ତ ୧୧୩ ପୋଷ୍ଟକୁ ଡିଲିଟ କରାଯାଇଥିଲା । କିନ୍ତୁ ବାକି ୨ଟି ପୋଷ୍ଟ ଡିଲିଟ୍ କରିବା ଜଟିଳ ହୋଇଯାଇଥିଲା ।

Weiboରେ ମୋଦିଙ୍କ ଥିଲେ ୨ଲକ୍ଷରୁ ଅଧିକ Followers

କୁହାଯାଉଛି ଯେ, Weibo ଆପର ସମସ୍ତ ପ୍ରକ୍ରିୟା ଖୁବ୍ ଜଟିଳ । ପ୍ରଧାନମନ୍ତ୍ରୀ ମୋଦିଙ୍କ ଯେଉଁ ପୋଷ୍ଟରେ ଚୀନ୍ ରାଷ୍ଟ୍ରପତି ଜି ଜିନପିଙ୍ଗ୍ ଫୋଟୋ ଥିଲା, ଡିଲିଟ୍ କରିବା ପାଇଁ ସେହି ପୋଷ୍ଟକୁ ଅନେକ ସମୟ ଲାଗିଯାଇଥିଲା । Weiboରେ ମୋଦିଙ୍କର ୨ଲକ୍ଷ ୪୪ ହଜାର Followers ଥିଲେ ।

୫୯ ଚାଇନା ଆପ୍ ବ୍ୟାନକୁ ଆମେରିକାର ସମର୍ଥନ

ଭାରତର ଆପ୍ ବ୍ୟାନକୁ ସକରାତ୍ମକ ଦୃଷ୍ଟିକୋଣରୁ ଦେଖଛି ଆମେରିକା । ଭାରତର ଏକତା, ଅଖଣ୍ଡତା ପାଇଁ ଚାଇନିଜ ଆପ୍ ବିପଦ ସୃଷ୍ଟି କରିଥାନ୍ତା କହିଛନ୍ତି ଆମେରିକାର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ରୋବର୍ଟ ଓ ବ୍ରାୟନ  । ଆମେରିକା ପାଇଁ ମଧ୍ୟ ଚାଇନା ଭିଡିଓ ଓ ସେୟାରିଙ୍ଗ APPS ବିପଦପୂର୍ଣ୍ଣ ଅଟେ । ଆଗାମୀ ଦିନରେ ଏ ସମ୍ପର୍କରେ ଚିନ୍ତା କରାଯିବ ବୋଲି ରୋବର୍ଟ ବ୍ରାୟନ କହିଛନ୍ତି ।