ମୃତକଙ୍କ ପୁଅ ହେମନ୍ତଙ୍କ ଅଭିଯୋଗ ଉପରେ ଦିଲ୍ଲୀ ପୋଲିସ ଆପ୍ ବିଧାୟକ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ କପିଲ ନାଗରଙ୍କ ବିରୋଧରେ ଆତ୍ମହତ୍ୟା ପାଇଁ ଉସୁକାଇବା ମାମଲା ରୁଜୁ କରିଛି ।
Trending Photos
ନୂଆଦିଲ୍ଲୀ: ଦିଲ୍ଲୀର ନେବ ସରାଇ ଅଞ୍ଚଳରେ ୫୨ ବର୍ଷୀୟ ଡାକ୍ତର ରାଜେନ୍ଦ୍ର ସିଂ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ମୃତକଙ୍କ ନିକଟରୁ ୨ ପୃଷ୍ଠାର ଆତ୍ମହତ୍ୟା ନୋଟ ମିଳିଛି । ଯେଉଁଥିରେ ସେ ଆତ୍ମହତ୍ୟା ପାଇଁ ଅଞ୍ଚଳର ବିଧାୟକ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ କପିଲଙ୍କୁ ଦାୟୀ କହିଛନ୍ତି । ପୋଲିସ ଆପ ବିଧାୟକ ଏବଂ ତାଙ୍କ ସହଯୋଗୀଙ୍କ ବିରୋଧରେ ମାମଲା ରୁଜୁ କରିଛି ।
ପୋଲିସର ସୂଚନାନୁସାରେ, ନେବ ସରାଇରେ ରହୁଥିବା ଡକ୍ଟର ରାଜେନ୍ଦ୍ର ସିଂ ଶନିବାର ସକାଳେ ଫାଶୀ ଲଗାଇଥିଲେ । ଡାକ୍ତର ରାଜେନ୍ଦ୍ରଙ୍କ ଘରେ ଭଡ଼ାରେ ରହୁଥିବା ଜଣେ ବ୍ୟକ୍ତି ତାଙ୍କର ଝୁଲୁଥିବା ଶରୀରକୁ ଦେଖି ତାଙ୍କ ଘର ଲୋକଙ୍କୁ ସୂଚନା ଦେଇଥିଲେ । ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା ।
ଡାକ୍ତର ସିଂଙ୍କ ମୃତଦେହ ପାଖରୁ ପୋଲିସ ୨ ପୃଷ୍ଠାର ଆତ୍ମହତ୍ୟା ନୋଟ ମଧ୍ୟ ଜବତ କରିଛି । ଯେଉଁଥିରେ ମୃତ ବ୍ୟକ୍ତି ଦେବଲିର AAP ବିଧାୟକ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ କପିଲ ନାଗରଙ୍କୁ ଦାୟୀ କରିଛନ୍ତି । ପୋଲିସ ମଧ୍ୟ ଏକ ଡାଏରୀ ଉଦ୍ଧାର କରିଛି । ଯେଉଁଥିରେ ଲେଖା ହୋଇଛି ଯେ, ମୋର ଏହି ଅଞ୍ଚଳରେ ଏକ କ୍ଲିନିକ୍ ଅଛି ଏବଂ ମୋର କିଛି ୱାଟର ଟ୍ୟାଙ୍କର୍ ଦିଲ୍ଲୀ ଜଲ୍ ବୋର୍ଡରେ ଭଡା ଚାଲିଛି କିନ୍ତୁ ବିଧାୟକ ପ୍ରକାଶ ଏବଂ ତାଙ୍କ ସହଯୋଗୀ କପିଲ ନାଗର ପ୍ରତ୍ୟେକ ଟ୍ୟାଙ୍କର୍ ଅନୁଯାୟୀ ମୋତେ ଟଙ୍କା ମାଗିବା ଆରମ୍ଭ କରିଥିଲେ । କିଛି ଟଙ୍କା ମଧ୍ୟ ଦିଆଯାଇଥିଲା କିନ୍ତୁ ପରେ ମୋର ସମସ୍ତ ଟ୍ୟାଙ୍କର୍ ପ୍ରକାଶ ଜରୱାଲ ଏହାକୁ ଦିଲ୍ଲୀ ଜଲ୍ ବୋର୍ଡରୁ ବାହାର କରିଦେଇଥିଲେ ।
ଆତ୍ମହତ୍ୟା ନୋଟରେ ଲେଖାଥିଲା ଯେ, ଟ୍ୟାଙ୍କରଗୁଡ଼ିକୁ ଦିଲ୍ଲୀ ଜଲ୍ ବୋର୍ଡରୁ ହଟାଇବା ପରେ ଏହି ଟ୍ୟାଙ୍କର ଓଖଲାର ଦିଲ୍ଲୀ ଜଲ ବୋର୍ଡରେ କାର୍ଯ୍ୟରେ ଲଗାଇଥିଲା । କିନ୍ତୁ ସେଠାରୁ ମଧ୍ୟ ପ୍ରକାଶ ଜରୱାଲଙ୍କ ଦ୍ୱାରା ଟ୍ୟାଙ୍କରଗୁଡ଼ିକୁ ହଟାଇ ଦିଆଯାଇଥିଲା । ନୋଟ୍ ଅନୁଯାୟୀ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ ମଧ୍ୟ ତାଙ୍କୁ ହତ୍ୟା କରିବାର ଧମକ ଦେଉଥିଲେ । ଏହି ଧମକ ସହିତ ବଞ୍ଚିବା କଷ୍ଟକର ହୋଇପଡିଥିଲା । ଏହା ବ୍ୟତୀତ ପୋଲିସ ମୃତଦେହ ନିକଟରେ ଏକ ଅଡିଓ ଜବତ କରିଛି ।
ମୃତକଙ୍କ ପୁଅ ହେମନ୍ତଙ୍କ ଅଭିଯୋଗ ଉପରେ ଦିଲ୍ଲୀ ପୋଲିସ ଆପ୍ ବିଧାୟକ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ କପିଲ ନାଗରଙ୍କ ବିରୋଧରେ ଆତ୍ମହତ୍ୟା ପାଇଁ ଉସୁକାଇବା ମାମଲା ରୁଜୁ କରିଛି ।