ପାକିସ୍ତାନର ଦୁଇ ଶିଖ ଯୁବକଙ୍କ ହତ୍ୟାକୁ ନେଇ ଭାରତ ଦେଲା କଡ଼ା ପ୍ରତିକ୍ରିୟା; ଜାଣନ୍ତୁ କ'ଣ କହିଲା

Pakistan Killings: ଏହି ହତ୍ୟାକାଣ୍ଡ ବିଷୟରେ ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା ଯେ, ଏହି ଘଟଣାକୁ ନେଇ ଭାରତବାସୀ ଏବଂ ବିଶେଷକରି ଶିଖ ସମ୍ପ୍ରଦାୟ ମଧ୍ୟରେ ଚିନ୍ତା ବଢ଼ାଇଛି ।

ନୂଆଦିଲ୍ଲୀ: ପାକିସ୍ତାନର (Pakistan) ପେଶୱାରରେ (Peshawar) ଦୁଇ ଶିଖ ଯୁବକଙ୍କୁ ଗୁଳିମାରି ହତ୍ୟା କରାଯାଇଛି । ଏହି ପ୍ରସଙ୍ଗରେ ପାକିସ୍ତାନ ସରକାର ପୁଣି ଥରେ ପ୍ରଶ୍ନ ଘେରରେ ଅଛନ୍ତି । ଏଥି ସହ ଏହି ଘଟଣାକୁ ନେଇ ଭାରତ ପକ୍ଷରୁ କଡା ଆପତ୍ତି ଉଠିଛି । ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ପାକିସ୍ତାନକୁ କୁହାଯାଇଛି ଯେ ଏହି ଘଟଣାକୁ ଗୁରୁତର ସହ ତଦନ୍ତ କରାଯିବା ଉଚିତ ।

ଏହି ହତ୍ୟାକାଣ୍ଡ ସମ୍ପର୍କରେ ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଏହି ଘଟଣାକୁ ନେଇ ଭାରତବାସୀ ଏବଂ ବିଶେଷକରି ଶିଖ ସମ୍ପ୍ରଦାୟ ମଧ୍ୟରେ ବହୁତ ଚିନ୍ତା ରହିଛି । ପାକିସ୍ତାନ ସରକାର ସଂଖ୍ୟାଲଘୁ ସମ୍ପ୍ରଦାୟ ଉପରେ ଘଟୁଥିବା ଘଟଣାଗୁଡ଼ିକୁ ଗମ୍ଭୀରତାର ସହ ନିଅନ୍ତୁ ଏବଂ ଯାଞ୍ଚ କରନ୍ତୁ । ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଏହା ପ୍ରଥମ ଘଟଣା ନୁହେଁ ଯେ ପାକିସ୍ତାନରେ ଅଳ୍ପସଂଖ୍ୟକ ଲୋକଙ୍କୁ ଟାର୍ଗେଟ କରାଯାଇଛି, ଅତୀତରେ ମଧ୍ୟ ଏଭଳି ଘଟଣା ସାମ୍ନାକୁ ଆସିଛି । ଏହା ସହିତ ଅଳ୍ପସଂଖ୍ୟକ ସମ୍ପ୍ରଦାୟର ସୁରକ୍ଷା ପାଇଁ ପାକିସ୍ତାନକୁ ପରାମର୍ଶ ଦିଆଯାଇଛି ।

ଆତଙ୍କବାଦୀମାନେ ଦିନ ଦ୍ୱିପ୍ରହରେ ଏହି ହତ୍ୟାକାଣ୍ଡ ଘଟାଇଥିଲେ । ପୋଲିସର ସୂଚନାନୁସାରେ, ଦୁଇଜଣ ସଲଜିତ ସିଂ (42) ଏବଂ ରଣଜିତ ସିଂ (38) ଙ୍କ ମୃତ୍ୟୁ ଘଟିଛି ଓ ସକାଳେ ଏହି ଆକ୍ରମଣ ହୋଇଥିଲା । ଆକ୍ରମଣକାରୀମାନେ ଆକ୍ରମଣ ପରେ ପଳାଇ ଯାଇଥିଲେ । ଶିଖ ସମ୍ପ୍ରଦାୟର ଏହି ସଂଖ୍ୟାଲଘୁ ସମ୍ପ୍ରଦାୟର ଲୋକମାନେ ମସଲା ବ୍ୟବସାୟ କରୁଥିଲେ ଏବଂ ପେଶୱାରଠାରୁ ପ୍ରାୟ 17 କିଲୋମିଟର ଦୂରରେ ଥିବା ସରବନ୍ଦର ବାଟା ତାଲ ବଜାରରେ ସେମାନଙ୍କର ବ୍ୟବସାୟ କରୁଥିଲେ । ଏପର୍ଯ୍ୟନ୍ତ କୌଣସି ଗୋଷ୍ଠୀ ଏହି ଆକ୍ରମଣ ପାଇଁ ଦାୟୀ ବୋଲି ଦାବି କରିନାହାଁନ୍ତି ।

ପାକିସ୍ତାନୀ ପ୍ରଧାନମନ୍ତ୍ରୀ ଏହାକୁ ନିନ୍ଦା କରିଛନ୍ତି
ତେବେ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ଏହି ଘଟଣାକୁ ନିନ୍ଦା କରିବା ସହ ଅପରାଧୀଙ୍କୁ ତୁରନ୍ତ ଗିରଫ କରିବା ଏବଂ ଦଣ୍ଡ ଦେବା ପାଇଁ ଖାଇବର ପାଖ୍ଟନଖୱା ମୁଖ୍ୟମନ୍ତ୍ରୀ ମହମୁଦ ଖାନଙ୍କୁ ନିର୍ଦ୍ଦେଶ ଦେଇଛନ୍ତି । ସେ ମୁଖ୍ୟମନ୍ତ୍ରୀଙ୍କୁ ନାଗରିକଙ୍କ, ବିଶେଷକରି ଅଣ-ମୁସଲମାନମାନଙ୍କ ଜୀବନ ଏବଂ ସମ୍ପତ୍ତିର ସୁରକ୍ଷା ପାଇଁ ପଦକ୍ଷେପ ନେବାକୁ  ଅନୁରୋଧ କରିଛନ୍ତି । ଶରିଫ ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ଏହି ଆତଙ୍କବାଦୀ କାର୍ଯ୍ୟକଳାପ ପଛରେ ପାକିସ୍ତାନ ସହିତ ଶତ୍ରୁତା ରହିଛି ବୋଲି ସେ କହିଛନ୍ତି । ଦେଶର ଶତ୍ରୁମାନଙ୍କୁ ହଟାଇବାକୁ ସରିଫ ସଂକଳ୍ପ ନେଇଛନ୍ତି ।