ଏଣିକି ଅଫିସରୁ ସପ୍ତାହରେ ମିଳିବ ତିନି ଦିନର Weekly Off

ନୂଆଦିଲ୍ଲୀ: କର୍ମଯୋଗୀ ମଣିଷଙ୍କୁ ସବୁବେଳେ ନିଜର ସାପ୍ତାହିକ ଛୁଟି ଉପରେ ନଜର ରହିଥାଏ । ସପ୍ତାହର ୬ ଦିନ କାମ କରିବା ପରେ ଗୋଟିଏ ଦିନ ମିଳିଥାଏ ଆରାମ କରିବାକୁ। ଅଧିକତମ ସରକାରୀ ଅଫିସ ଗୁଡ଼ିକରେ ରବିବାର ଛୁଟି ରହିଥାଏ ସେହିପରି ବେସରକାରୀ ଅଫିସରେ ଲୋକସଂଖ୍ୟା ଓ କାମର ଭାରକୁ ନଜରରେ ରଖି ଛୁଟି ଦିଆଯାଇଥାଏ ।ତେବେ କିଛି କିଛି ଅଫିସରେ ଛୁଟି ଗୋଟିଏ ଦିନ, ଦୁଇ ଦିନ ବି ରହିଥାଏ, ହେଲେ ଥରେ ଭାବନ୍ତୁ ଯଦି ସାପ୍ତାହିକ ଛୁଟି ତିନିଦିନ ରୁହେ ତେବେ କଣ ହେବ ?

ତେବେ ଏମିତି ନିୟମ ଲାଗୁ ହେବାକୁ ଯାଉଛି ସ୍ପେନ (Spain) ଭଳି ଦେଶରେ । ଏଠାରେ ଗୋଟିଏ ସପ୍ତାହରେ ୩୨ ଘଣ୍ଟା ଅର୍ଥାତ୍ ୪ଦିନ କାମ କରାଯିବ ଓ ତିନି ଦିନ ମିଳିବ Weekly Off । ଏବେ ସ୍ପେନର କର୍ମଚାରୀ ମାନେ ୫ ଦିନ ଅର୍ଥାତ୍ ୪୦ ଘଣ୍ଟା କାମ କରୁଛନ୍ତି । କାମ କରିବାର ସମୟକୁ କମ କରିବାକୁ ନେଇ ସେଠାକାର ଦଳ ଲେଫ୍ଟ ୱିଙ୍ଗ ପାର୍ଟୀ ବହୁ ସମୟ ଧରି ଦାବି କରିଆସୁଥିଲା । ଆଉ କିଛି ରିସର୍ଚ୍ଚ ମୁତାବକ, ଅଧିକ ସମୟ ଧରି କାମ କରିବା ସତ୍ତ୍ବେ ଦେଶର ଉନ୍ନତି ଅନ୍ୟ ଦେଶ ତୁଳନାରେ କମ ରହିଛି । ଏହାକୁ ନଜରରେ ରଖି ସେଠାକାର ସରକାର ତିନି ବର୍ଷ ଯାଏଁ ପାଇଲଟ ପ୍ରୋଜେକ୍ଟ (Pilot Project) ଲାଗୁ କରିଛନ୍ତି । ସରକାରଙ୍କ କହିବାନୁସାରେ, ଏହାଦ୍ୱାରା  ଲୋକଙ୍କ ଜୀବନଶୈଳୀରେ ପରିବର୍ତ୍ତନ ଦେଖାଦେବ ।

Weekly Off କଣ ଓ ଏହାର ଉତ୍ପତ୍ତି କେବେ ଠାରୁ ହେଲା ଆସନ୍ତୁ ଜାଣିବା...

ଗୋଟିଏ ସପ୍ତାହରେ କେତୋଟି ଛୁଟି ରହିବା ଦରକାର । ପ୍ରକୃତରେ ଅଫିସରୁ ଗୋଟିଏ Weekly Off ମିଳିବା କନସେପ୍ଟ ପ୍ରଥମ କରି ଇଂଲଣ୍ଡ (England)ରୁ ଆରମ୍ଭ ହୋଇଥିଲା । ୧୮୪୩ ମସିହାରେ ଏହି Weekly Off ହେବା ନେଇ ଆରମ୍ଭ ହୋଇଥିଲା । ଏହି ଦେଶରେ ଅଧିକ ଖ୍ରୀଷ୍ଟିୟାନ ଭାଇ ଭଉଣୀ ରୁହନ୍ତି । ପୂର୍ବରୁ ପୁରା ସପ୍ତାହଟା ଯାକ କାମ କରିବାକୁ ପଡ଼ୁଥିଲା ଯାହା ଫଳରେ ରବିବାର ଚର୍ଚ୍ଚ ଯିବାରୁ ବଞ୍ଚିତ ହେଉଥିଲେ ଖ୍ରୀଷ୍ଟ ସମ୍ପ୍ରଦାୟ । ଏହାକୁ ନେଇ ସେମାନଙ୍କ ମଧ୍ୟରେ ଅସନ୍ତୋଷ ଦେଖାଦେଲା। ଯାହାକୁ ନଜରରେ ରଖି ବ୍ରିଟିଶ ସରକାର ଆରମ୍ଭ କଲେ Weekly Off  ବା ସାପ୍ତାହିକ ଛୁଟି ।

ତେବେ ଇଂଲଣ୍ଡ ଭଳି ଦେଶକୁ ଅନକରଣ କଲେ ଅନ୍ୟ କିଛି ବଡ଼ ବଡ଼ ରାଷ୍ଟ୍ର । ଆଉ ଆମ ଦେଶରେ ମଧ୍ୟ ପ୍ରଥମେ ସପ୍ତାହଟା ପୁରା କାମ କରିବାକୁ ପଡ଼ୁଥିଲା ଖାସ କରି ସୂତାକଳ (Cotton Mill) ରେ ପୁରା ସପ୍ତାହ ଯାକ କାମ କରିବାକୁ ପଡ଼ୁଥିଲା। ଏହାକୁ ଖିଲାପ କରି ମହାରାଷ୍ଟ୍ରରେ ଶ୍ରମିକ ମାନେ ୭ ବର୍ଷ ଯାଏଁ ଦୀର୍ଘ ସମୟ ଲଢେଇ କରିଥିଲେ। ଏହାକୁ ନଜରରେ ରଖି ଇଂରେଜ ମାନେ ୧୮୯୦ ରେ ରବିବାରକୁ Weekly Off  ଘୋଷଣା କରିଥିଲେ । ମୋଟାମୋଟି ଭାବେ ଧର୍ମକୁ ନଜରରେ ରଖି ରବିବାର କୁ ହିଁ  Weekly Off ଭାବେ ଘୋଷଣା କରାଯାଇଥିଲା ଆଉ ଏବେ ସୁଦ୍ଧା ସେହି ନିୟମ ମାନିବାକୁ ବି ପଡୁଛି ।