କେବଳ ରେଳ ନୁହେଁ, ବିମାନ ସେବାକୁ ନେଇ ମଧ୍ୟ ସରକାରଙ୍କ ବଡ଼ ନିଷ୍ପତ୍ତି

ନୂଆଦିଲ୍ଲୀ: ଦେଶରେ କୋରୋନା ଆକ୍ରାନ୍ତ ବଢ଼ୁଥିବା ବେଳେ ବଡ଼ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ଅନ୍ତର୍ଜାତୀୟ ବିମାନ ଚଳାଚଳକୁ ଜୁଲାଇ ୧୫ ପର୍ଯ୍ୟନ୍ତ ବାତିଲ କରାଯାଇଛି । ଶୁକ୍ରବାର ଡିଜିସିଏ ପକ୍ଷରୁ ଏନେଇ ସ୍ପଷ୍ଟ କରାଯାଇଛି । ତେବେ କିଛି ନିର୍ଦ୍ଦିଷ୍ଟ ରୁଟରେ ସ୍ଥିତିକୁ ଦେଖି ଉଡ଼ାଣ ପାଇଁ ଅନୁମତି ମିଳିପାରେ ବୋଲି କହିଛି ଡିଜିସିଏ । ଭାରତରେ କୋରୋନା ମହାମାରୀ କାରଣରୁ ଗତ ୨୩ ମାର୍ଚ୍ଚରୁ ଅନ୍ତର୍ଜାତୀୟ ବିମାନ ସେବା ନିଲମ୍ବନ କରାଯାଇଥିଲା । 

ଡିଜିସିଏ ପକ୍ଷରୁ ଜାରି ହୋଇଥିବା ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ, ଆସନ୍ତା ଜୁଲାଇ ୧୫ ପର୍ଯ୍ୟନ୍ତ ଭାରତରୁ ଅନ୍ତର୍ଜାତୀୟ ବ୍ୟବସାୟିକ ବିମାନ ଚଳାଚଳ କରିବ ନାହିଁ । ଜୁଲାଇ ୧୫ ତାରିଖ ରାତି ୧୧.୫୯ ପର୍ଯ୍ୟନ୍ତ ଏହାକୁ ନିଲମ୍ବିତ କରାଯାଇଥିବା ଏଥିରେ କୁହାଯାଇଛି । 

ତେବେ ସ୍ଥିତିକୁ ଆଧାର କରି କିଛି ନିର୍ଦ୍ଦିଷ୍ଟ ରୁଟରେ ଅନ୍ତର୍ଜାତୀୟ ବିମାନ ଚଳାଚଳ ପାଇଁ ଅନୁମତି ମିଳିପାରେ । ଏନେଇ ଡିଜିସିଏ ସ୍ପଷ୍ଟ କରିଛି ।