ଆଲର୍ଟ! ଯଦି ଏହା ନ କରିବେ, ତେବେ LIC ରେ ଅଟକି ଯିବ ଆପଣଙ୍କ ସମସ୍ତ ଟଙ୍କା

ନୂଆଦିଲ୍ଲୀ: ଯଦି ଆପଣ ଦେଶର ସର୍ବବୃହତ ବୀମା କମ୍ପାନୀ ଭାରତୀୟ ଜୀବନ ବୀମା ନିଗମ (LIC) ର ଗ୍ରାହକ ଅଟନ୍ତି, ତେବେ ଖବର ଆପଣଙ୍କ ପାଇଁ ଜରୁରୀ ଅଟେ । ଯଦି ଆପଣଙ୍କର LIC ପଲିସି ମ୍ୟାଚ୍ୟେର ବା ପରିପକ୍ୱ ହୋଇଯାଇଛି କିମ୍ବା ଆପଣ ଆପଣଙ୍କର ପଲିସି ଉପରେ ଋଣ ନେବାକୁ ଚାହୁଁଛନ୍ତି, ତେବେ ଆପଣଙ୍କୁ NEFT ମାଣ୍ଡେଟ୍ ଫର୍ମ ପୂରଣ କରିବାକୁ ପଡିବ । ଯଦି ଆପଣ ଏହା ନକରନ୍ତି, ତେବେ ଆପଣଙ୍କୁ ପଲିସି ମ୍ୟାଚ୍ୟେରିଟିର ଟଙ୍କା ମିଳିବ ନାହିଁ । ବାସ୍ତବରେ LIC ଚେକ୍ ମାଧ୍ୟମରେ ଦେୟ ବନ୍ଦ କରି ଦେଇଛି । ବୀମା କମ୍ପାନୀ ବର୍ତ୍ତମାନ ଟଙ୍କା ସିଧାସଳଖ ପଲିସିଧାରୀଙ୍କ ବ୍ୟାଙ୍କ ଆକାଉଣ୍ଟକୁ ଟ୍ରାନ୍ସଫର କରୁଛି । ଏପରି ପରିସ୍ଥିତିରେ ଆପଣ LIC ପଲିସିକୁ ଆପଣଙ୍କର ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ କରିବା ଉଚିତ୍ । ନଚେତ୍ କ୍ଲେମ୍ ଟଙ୍କା ଅଟକି ଯିବ ।

ଅଧିକ ପଢ଼ନ୍ତୁ:-ରେଳ କର୍ମଚାରୀଙ୍କ ପାଇଁ ଖୁସି ଖବର

LIC ଅନୁଯାୟୀ, କୌଣସି ଅତିରିକ୍ତ ମୂଲ୍ୟ ବିନା ଯେକୌଣସି ସ୍ଥାନରୁ ସଠିକ୍ ଓ ନିରାପଦ ଦେୟ ପ୍ରଦାନ କରାଯାଇପାରିବ । ସମସ୍ତ ଡିଜିଟାଲ୍ ଦେୟ କୌଣସି ଅତିରିକ୍ତ ଦେୟମୁକ୍ତ ଅଟେ । ମାଗଣା ଇ-ସେବା ପାଇଁ କମ୍ପାନୀର ୱେବସାଇଟରେ LIC ର ଗ୍ରାହକ ପୋର୍ଟାଲରେ ପଞ୍ଜିକରଣ କରିପାରିବେ ।

ଅଧିକ ପଢ଼ନ୍ତୁ:-ପୁଣି ନିୟନ୍ତ୍ରଣ ବାହାରେ କୋରୋନା: ଏହି ୮ଟି ରାଜ୍ୟରେ ୮୦ ପ୍ରତିଶତ ମାମଲା, ଗୋଟିଏ ସପ୍ତାହରେ ୬୭ ପ୍ରତିଶତ ବଢ଼ିଛି ସଂକ୍ରମଣ

LIC ପଲିସିକୁ ବ୍ୟାଙ୍କ ଆକାଉଣ୍ଟ ସହିତ ସଂଯୋଗ କରିବାର ଉପାୟ ସହଜ ଅଟେ । ଆପଣଙ୍କର ନିକଟତମ LIC କାର୍ଯ୍ୟାଳୟକୁ ଯାଇ NEFT ମାଣ୍ଡେଟ୍ ଫର୍ମ ପୂରଣ କରନ୍ତୁ । ଏହି ଫର୍ମ ସହିତ ଆପଣ କ୍ୟାନସେଲ୍ ଚେକ୍ କିମ୍ବା ବ୍ୟାଙ୍କ ପାସବୁକର ଏକ କପି ସଂଲଗ୍ନ କରି ଏହାକୁ ଦାଖଲ କରନ୍ତୁ । ଏକ ସପ୍ତାହ ପରେ ଆପଣଙ୍କ ପଲିସି ଆପଣଙ୍କ ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ ହେବ । ଏହା ପରେ LIC ରୁ ପ୍ରାପ୍ତ ଯେକୌଣସି ଟଙ୍କା ସିଧାସଳଖ ଆପଣଙ୍କ ବ୍ୟାଙ୍କ ଆକାଉଣ୍ଟକୁ ଆସିବ ।

ଅଧିକ ପଢ଼ନ୍ତୁ:-ଏହି ରାଜ୍ୟର ସରକାରୀ କର୍ମଚାରୀଙ୍କ ପାଇଁ ଖୁସି ଖବର, ବଢ଼ିଲା ଦରମା ଓ ଅବସର ବୟସ ସୀମା

LIC ସେହି ପଲିସି ଧାରକମାନଙ୍କୁ ଏକ ବଡ଼ ରିହାତି ଦେଇଛି ଯାହାର ପଲିସି ପରିପକ୍ୱ ହୋଇଯାଇଛି । ମାର୍ଚ୍ଚ ୩୧ ସୁଦ୍ଧା ସାରା ଦେଶରେ ନିଜର ନିକଟବର୍ତ୍ତୀ ଯେକୌଣସି LIC କାର୍ଯ୍ୟାଳୟରେ ପଲିସିର ମ୍ୟାଚ୍ୟେରିଟି କ୍ଲେମ୍ କରିବାକୁ LIC ର ପଲିସି ଧାରକ ଡକ୍ୟୁମେଣ୍ଟ୍ ଦାଖଲ କରିପାରିବେ ।