MHA Chintan Shivir: ବଦଳିବ ପୋଲିସ ୟୁନିଫର୍ମର ରଙ୍ଗ! ପ୍ରଧାନମନ୍ତ୍ରୀ ମୋଦି ଦେଲେ ଏହି ପରାମର୍ଶ

One Nation, One Uniform: ଦେଶର ଆଭ୍ୟନ୍ତରୀଣ ସୁରକ୍ଷା ପାଇଁ ସମସ୍ତ ରାଜ୍ୟ ସହ ମିଳିତ ଭାବେ କାର୍ଯ୍ୟ କରିବାକୁ ପ୍ରଧାନମନ୍ତ୍ରୀ ମୋଦି ଗୁରୁତ୍ୱାରୋପ କରିଛନ୍ତି । ସେ କହିଛନ୍ତି ଯେ ଆଇନ ଶୃଙ୍ଖଳା ବିକାଶ ସହିତ ସିଧାସଳଖ ଜଡିତ, ତେଣୁ ଶାନ୍ତି ବଜାୟ ରଖିବା ସମସ୍ତଙ୍କ ଦାୟିତ୍ବ ଅଟେ ।

Narendra Modi In Chintan Shivir: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi) ଭିଡିଓ କନଫରେନ୍ସ ଜରିଆରେ ହରିୟାଣାର ଚାଲୁଥିବା ସମସ୍ତ ରାଜ୍ୟର ଗୃହମନ୍ତ୍ରୀଙ୍କ ପାଇଁ ଆୟୋଜିତ ଦୁଇ ଦିନିଆ 'ଚିନ୍ତନ ଶିବୀର'କୁ (Chintan Shivir) ସମ୍ବୋଧିତ କରିଛନ୍ତି । ଏହି କାର୍ଯ୍ୟକ୍ରମରେ ମୋଦି ପୋଲିସଲଙ୍କ ପାଇଁ “ୱାନ ନେସନ, ୱାନ ୟୁନିଫର୍ମ” (One Nation, One Uniform) ର ପରାମର୍ଶ ଦେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଏହାକୁ ଥୋବାବା ଉଚିତ ନୁହେଁ ବରଂ ଏହାକୁ ବିଚାର କରାଯିବା ଉଚିତ ।

ଏହି ସମୟରେ ପିଏମ ମୋଦି କହିଛନ୍ତି ଯେ “ୱାନ ନେସନ, ୱାନ ୟୁନିଫର୍ମ” କେବଳ ପୋଲିସଙ୍କ ପାଇଁ ଏକ ପରାମର୍ଶ । ସେ ଏହାକୁ କାହା ଉପରେ ଥୋପିବାକୁ ଚେଷ୍ଟା କରୁନାହାଁନ୍ତି । ଏହାକୁ ନେଇ ବିଚାର କରିବା ଉଚିତ । ବୋଧହୁଏ ଏହା ୫, ୫୦, କିମ୍ବା ୧୦୦ ବର୍ଷରେ ଘଟିବ । ପ୍ରଧାନମନ୍ତ୍ରୀ ମୋଦି ବିଶ୍ୱାସ କରନ୍ତି ଯେ ସାରା ଦେଶରେ ପୋଲିସର ପରିଚୟ ସମାନ ହେବା ଉଚିତ୍ ।

ଅପରାଧ ଓ  ଅପରାଧୀଙ୍କ ମୁକାବିଲା ପାଇଁ ରାଜ୍ୟଗୁଡିକ ମଧ୍ୟରେ ଘନିଷ୍ଠ ସହଯୋଗକୁ ପ୍ରୋତ୍ସାହିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆଇନ ଶୃଙ୍ଖଳା କେବଳ ଗୋଟିଏ ରାଜ୍ୟରେ ସୀମିତ ନୁହେଁ । ଆନ୍ତଃ ରାଜ୍ୟ ତଥା ଆନ୍ତର୍ଜାତୀୟ ସ୍ତରରେ ମଧ୍ୟ ଅପରାଧ ଘଟୁଛି । ଟେକ୍ନୋଲୋଜି ସହିତ ଅପରାଧୀମାନେ ବର୍ତ୍ତମାନ ଆମର ସୀମା ବାହାରେ ଅପରାଧ କରିବାର କ୍ଷମତା ରଖିଛନ୍ତି । ଏଭଳି ପରିସ୍ଥିତିରେ ସମସ୍ତ ରାଜ୍ୟର ଏଜେନ୍ସି ଓ କେନ୍ଦ୍ର ମଧ୍ୟରେ ସମନ୍ୱୟ ରହିବା ଆବଶ୍ୟକ । ବୁଦ୍ଧିଜୀବୀଙ୍କୁ ଟାର୍ଗେଟ କରି ସେ କହିଛନ୍ତି, "ଦେଶରେ ବନ୍ଧୁକଧାରି ନକ୍ସଲବାଦ ଓ କଲମଧାରି ନକ୍ସଲବାଦ ମଧ୍ୟ ରହିଛନ୍ତି ।

ସେ କହିଛନ୍ତି ଯେ ସୁରଜକୁଣ୍ଡରେ ଥିବା ଏହି ଚିନ୍ତନ ଶିବୀର ସହଯୋଗୀ ସଂଘୀୟତାର ଏକ ଉତ୍ତମ ଉଦାହରଣ । ରାଜ୍ୟମାନେ ପରସ୍ପରଠାରୁ ଶିଖିପାରିବେ, ପରସ୍ପରଠାରୁ ପ୍ରେରଣା ପାଇପାରିବେ ଓ ଦେଶର ଉନ୍ନତି ପାଇଁ ମିଳିତ ଭାବେ କାର୍ଯ୍ୟ କରିପାରିବେ । ଡ୍ରୋନ୍ ଟେକ୍ନୋଲୋଜି ଉପରେ ଗୁରୁତ୍ୱ ଦେଇ ସେ କହିଛନ୍ତି ଯେ ଏହା ସାଇବର ଅପରାଧ, ଅସ୍ତ୍ରଶସ୍ତ୍ର ଚୋରା ଚାଲାଣ ହେଉ କିମ୍ବା ଡ୍ରଗ୍ସ ହେଉ, ଏଭଳି ଅପରାଧକୁ ରୋକିବା ପାଇଁ ନୂତନ ଟେକ୍ନୋଲୋଜିକୁ କାର୍ଯ୍ୟ ଜାରି ରଖିବାକୁ ପଡ଼ିବ ।

ଦୁଇ ଦିନିଆ ଚିନ୍ତନ ଶିବୀର ଉଦ୍ଦେଶ୍ୟ ହେଉଛି 'ଭିଜନ ୨୦୧୪୭' ଓ 'ପଞ୍ଚ ପ୍ରତିଜ୍ଞା' କାର୍ଯ୍ୟକାରୀ ପାଇଁ ଏକ ଆକ୍ସନ ପ୍ଲାନ ପ୍ରସ୍ତୁତ କରିବା, ଯାହା ପ୍ରଧାନମନ୍ତ୍ରୀ ମୋଦି ନିଜେ ସ୍ୱାଧୀନତା ଦିବସରେ ସମ୍ବୋଧିତ କରିଥିଲେ । ସ୍ୱାଧୀନତା ପୂର୍ବରୁ ପ୍ରସ୍ତୁତ ଆଇନଗୁଡ଼ିକର ସମୀକ୍ଷା ଓ ବର୍ତ୍ତମାନର ପ୍ରସଙ୍ଗରେ ସଂଶୋଧନ କରିବାକୁ ପ୍ରଧାନମନ୍ତ୍ରୀ ମୋଦି ମଧ୍ୟ କହିଛନ୍ତି ।