Modi Govt blocks 8 YouTube channels: ସର୍ବଶେଷ ଖବର ଅନୁଯାୟୀ, ସରକାର ଭାରତର ଜାତୀୟ ସୁରକ୍ଷା, ବୈଦେଶିକ ସମ୍ପର୍କ ଓ ଜନ ଶୃଙ୍ଖଳା ସହ ଜଡିତ ଦୁଃସପ୍ରଚାର ପ୍ରସାର ପାଇଁ ୮ ଟି ୟୁଟ୍ୟୁବ ଚ୍ୟାନେଲକୁ (8 YouTube channels) ବ୍ଲକ୍ କରିଛନ୍ତି ।
Trending Photos
5
12
5
5 "ସୌ: ସୋସିଆଲ ମିଡିଆ")
Modi Govt blocks 8 YouTube channels: ସୋସିଆଲ ମିଡିଆର ଏହି ଯୁଗରେ ନକଲି ଖବର ସରକାରଙ୍କ ପାଇଁ ସବୁଠୁ ବଡ ଚ୍ୟାଲେଞ୍ଜ ପାଲଟିଛି । କେନ୍ଦ୍ର ସରକାରଙ୍କ (Central Government) ସୂଚନା ଓ ପ୍ରସାରଣ ମନ୍ତ୍ରଣାଳୟ (Ministry of Information and Broadcasting) ଏହା ବିରୋଧରେ ନିଜର କାର୍ଯ୍ୟାନୁଷ୍ଠାନ ଜାରି ରଖିଛି । ସର୍ବଶେଷ ଖବର ଅନୁଯାୟୀ, ଭାରତର ଜାତୀୟ ସୁରକ୍ଷା, ବୈଦେଶିକ ସମ୍ପର୍କ ଓ ଜନ ଶୃଙ୍ଖଳା ସହ ଜଡିତ ଦୁଃସପ୍ରଚାର ପ୍ରସାର ପାଇଁ ସରକାର ୮ ଟି ୟୁଟ୍ୟୁବ ଚ୍ୟାନେଲକୁ (8 YouTube channels) ବ୍ଲକ୍ କରିଛନ୍ତି ।
କେନ୍ଦ୍ର ସରକାର ଅଂଶୀଦାର କରିଥିବା ସୂଚନା ଅନୁଯାୟୀ, ଆଇଟି ନିୟମ, ୨୦୨୧ ଅନୁଯାୟୀ ୭ ଜଣ ଭାରତୀୟ ଓ ଗୋଟିଏ ପାକିସ୍ତାନୀ ୟୁଟ୍ୟୁବ ନ୍ୟୁଜ ଚ୍ୟାନେଲକୁ ବ୍ଲକ୍ କରାଯାଇଛି । ଆପଣଙ୍କୁ କହିରଖୁଛୁ ଯେ ଏହି ୟୁଟ୍ୟୁବ୍ ଚ୍ୟାନେଲଗୁଡିକୁ ୧୧୪ ମିଲିୟନରୁ ଅଧିକ ଥର ଦେଖାଯାଇଛି । ଏହା ବ୍ୟତୀତ, ସେମାନଙ୍କର ୮୫ ଲକ୍ଷ ୭୩ ହଜାର ସବସକ୍ରାଇବର ମଧ୍ୟ ଥିଲେ ।
ଏହାପୂର୍ବରୁ ଚଳିତ ବର୍ଷ ଏପ୍ରିଲ ମାସରେ ଏହି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଏକ ବଡ ନିଷ୍ପତ୍ତି ନେଇ କେନ୍ଦ୍ର ସରକାର ଏହା ପରେ ଭାରତରେ ୨୨ ଟି ୟୁଟ୍ୟୁବ୍ ଚ୍ୟାନେଲର ପ୍ରସାରଣ ଉପରେ ପ୍ରତିବନ୍ଧକ ଲଗାଇଥିଲେ । ତୁରନ୍ତ ପ୍ରଭାବ ସହିତ ଏହି ଚ୍ୟାନେଲଗୁଡିକ ଅବରୋଧ କରାଯାଇଥିଲା । କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟର ନିର୍ଦ୍ଦେଶରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଭାରତର ଜାତୀୟ ସୁରକ୍ଷା, ବୈଦେଶିକ ସମ୍ପର୍କ ଓ ଜନ ଶୃଙ୍ଖଳା ସହ ଜଡିତ ଦୁଃସପ୍ରଚାର ପ୍ରସାର ପାଇଁ ଏହି ଚ୍ୟାନେଲଗୁଡିକ ବ୍ଲକ କରାଯାଇଥିଲା । ସେଥିମଧ୍ୟରୁ ୧୮ ଟି ଭାରତୀୟ ୟୁଟ୍ୟୁବ ନ୍ୟୁଜ ଚ୍ୟାନେଲ ବ୍ୟତୀତ ୪ ଟି ପାକିସ୍ତାନୀ ୟୁଟ୍ୟୁବ ଚ୍ୟାନେଲ ମଧ୍ୟ ବ୍ଲକ କରାଯାଇଥିଲା ।
ଜୁଲାଇ ୨୧ ରେ ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ରାଜ୍ୟସଭାରେ କହିଛନ୍ତି ଯେ ରାଷ୍ଟ୍ର ବିରୋଧୀ କଣ୍ଟେଣ୍ଟ ପାଇଁ ୨୦୨୧-୨୨ ମସିହାରେ ପ୍ରାୟ ୯୪ ଟି ୟୁଟ୍ୟୁବ ଚ୍ୟାନେଲ ଓ ୧୯ ଟି ସୋସିଆଲ ମିଡିଆ ଆକାଉଣ୍ଟ ବନ୍ଦ କରାଯାଇଥିଲା। ଏହା ସହିତ, ୭୪୭ URL ଯଥା ୱେବସାଇଟ୍ ଗୁଡିକ ମଧ୍ୟ ବନ୍ଦ ହୋଇଯାଇଛି ।
ସୂଚନା ଓ ପ୍ରସାରଣ ମନ୍ତ୍ରଣାଳୟ ଆଇଟି ନିୟମ ୨୦୨୧ ଅନୁଯାୟୀ ଜରୁରୀକାଳୀନ ଶକ୍ତି ବ୍ୟବହାର କରି ୨୨ ଟି ୟୁଟ୍ୟୁବ ଚ୍ୟାନେଲ, ତିନୋଟି ଟ୍ୱିଟର ଆକାଉଣ୍ଟ, ଗୋଟିଏ ଫେସବୁକ ଆକାଉଣ୍ଟ ଓ ଗୋଟିଏ ନ୍ୟୁଜ ୱେବସାଇଟକୁ ବ୍ଲକ କରିଛି । ୧୭ ଜୁଲାଇରେ ସୂଚନା ଓ ପ୍ରସାରଣ ମନ୍ତ୍ରୀ ୭୮ ୟୁଟ୍ୟୁବ ନ୍ୟୁଜ ଚ୍ୟାନେଲ ଓ ସେମାନଙ୍କର ସୋସିଆଲ ମିଡିଆ ଆକାଉଣ୍ଟକୁ ବ୍ଲକ କରିଥିଲେ । ଆଇଟି ଆକ୍ଟ ୨୦୦୦ ର ଧାରା ୬୯A ର ଉଲ୍ଲଂଘନ ଅଭିଯୋଗରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା ।
ଏହା ବି ପଢ଼ନ୍ତୁ: Delhi High Court: ରାମଦେବଙ୍କୁ ତାଗିଦ କଲେ ହାଇକୋର୍ଟ; ଜାଣନ୍ତୁ ପୂରା ମାମଲା
ଏହା ବି ପଢ଼ନ୍ତୁ: IND vs ZIM: କମ୍ ପାଣିରେ ଗାଧୋଇବାକୁ ନେଇ ଟିମ୍ ଇଣ୍ଡିଆକୁ ପରାମର୍ଶ ଦେଲା ବିସିସିଆଇ; ଏହା ରହିଛି କାରଣ
