ପଶୁଙ୍କ ରକ୍ତରୁ ହେବ କୋରୋନା ଭୂତାଣୁର ଚିକିତ୍ସା, ICMR ବିକଶିତ କରିଛି କୌଶଳ

ନୂଆଦିଲ୍ଲୀ: ଭାରତ ସମେତ ସମଗ୍ର ବିଶ୍ୱରେ କୋରୋନା ଭୂତାଣୁ (Coronavirus) ର ତାଣ୍ଡବ ଜାରି ରହିଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ କୋରୋନା ଯୋଗୁଁ ଏକ ଲକ୍ଷ ଲୋକଙ୍କ ମୃତ୍ୟୁ ଘଟିଛି । କୋରୋନା ଟୀକା ବିକଶିତ କରିବା ପ୍ରୟାସ ମଧ୍ୟରେ ହାଇଦ୍ରାବାଦ କମ୍ପାନୀ ସହିତ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ICMR) ମିଶି କୋରୋନା ଚିକିତ୍ସା ପାଇଁ ଏକ ନୂତନ ଉପାୟ ଖୋଜିଛି ।

ହାଇଦ୍ରାବାଦର ଫାର୍ମା କମ୍ପାନୀ ବାୟୋଲୋଜିକାଲ ଇ ଲିମିଟେଡ୍ ସହିତ ମିଶି ଆଇସିଏମ୍ଆର କୋରୋନା ଚିକିତ୍ସା ପାଇଁ ଏକ ଶୁଦ୍ଧ ଆଣ୍ଟିସେରା ପ୍ରସ୍ତୁତ କରିଛି । ଏଥିରେ ପଶୁମାନଙ୍କଠାରୁ ନିଆଯାଇଥିବା ରକ୍ତ ସେରମ୍ ଥାଏ । ଯେଉଁଥିରୁ କୋରୋନା ସଂକ୍ରମିତଙ୍କ ଚିକିତ୍ସିତ କରାଯିବ ।

ଚିକିତ୍ସାର ଏହି କୌଶଳରେ ଏକ ନିର୍ଦ୍ଦିଷ୍ଟ ଆଣ୍ଟିଜେନର ମୁକାବିଲା କରିବା ପାଇଁ ଶରୀରରେ ଆଣ୍ଟିବଡି ମହଜୁଦ ଥାଏ । ଏହାକୁ ରୋକିବା ପାଇଁ ଇଞ୍ଜେକ୍ସନ ମାଧ୍ୟମରେ ଏକ ନିର୍ଦ୍ଦିଷ୍ଟ ରୋଗର ଚିକିତ୍ସା ସମୟରେ ଏହି କୌଶଳ ବ୍ୟବହୃତ କରାଯାଇଥାଏ । ଏହା ମାଧ୍ୟମରେ ବର୍ତ୍ତମାନ କୋରୋନା ସଂକ୍ରମିତ ରୋଗୀମାନେ ମଧ୍ୟ ଚିକିତ୍ସିତ ହେବେ ।

ଆଇସିଏମଆର ଟ୍ୱିଟ୍ ଜରିଆରେ କହିଛି, COVID-19 ରେ ପୀଡ଼ିତ ରୋଗୀମାନଙ୍କଠାରୁ ପ୍ଲାଜ୍ମା ନିଆଯାଇପାରେ, କିନ୍ତୁ ଆଣ୍ଟିବଡିଜ୍, ସେମାନଙ୍କର ପ୍ରଭାବ ଏବଂ ଏକାଗ୍ରତାକୁ ଜଣେ ରୋଗୀଙ୍କଠାରୁ ଭିନ୍ନ ହୋଇଥାଏ ଏବଂ ତେଣୁ ଏହା ରୋଗୀଙ୍କ ଚିକିତ୍ସା ପାଇଁ ଏକ ଅଦ୍ଭୁତ ଉପାୟ ଅଟେ ।

ଆଇସିଏମଆର କହିଛି ଯେ, ଆଣ୍ଟିସେରା ଆଧାରିତ ଚିକିତ୍ସା ପଦ୍ଧତି ମାଧ୍ୟମରେ କୋରୋନା ସମୟରେ ଏହି ସଂକ୍ରମଣରେ ପୀଡିତ ଲୋକଙ୍କୁ ଚିକିତ୍ସା କରିବାରେ ସାହାଯ୍ୟ କରିପାରେ ।