 "ସିଜେଆଇ ବୋବଡେଙ୍କୁ ନେଇ ପ୍ରଶାନ୍ତ ଭୂଷଣଙ୍କ ଆଉ ଏକ ବିବାଦୀୟ ଟ୍ୱିଟ୍, ଏଥର ବି ଅବମାନନା ?")
ନୂଆଦିଲ୍ଲୀ: ଭାରତର ପ୍ରଧାନ ବିଚାରପତି (CJI) ଜଷ୍ଟିସ ଶରଦ ଅରବିନ୍ଦ ବୋବଡେ (SA Bobde) ଙ୍କ ଉପରେ ଟ୍ୱିଟ୍ କରି କୋର୍ଟର ଅବମାନନାର କାର୍ଯ୍ୟାନୁଷ୍ଠାନର ସାମ୍ନା କରିସାରିଥିବା ବରିଷ୍ଠ ଓକିଲ ପ୍ରଶାନ୍ତ ଭୂଷଣ (Prashant Bhushan) ଅନ୍ୟ ଏକ ଟ୍ୱିଟ୍ କରିଛନ୍ତି । ଭୂଷଣଙ୍କ ଏହି ଟ୍ୱିଟ୍ ମଧ୍ୟ CJI ଉପରେ ରହିଛି । ଯେଉଁଥିରେ ସେ କାହ୍ନା ପାର୍କ ଭ୍ରମଣ ବେଳେ ମଧ୍ୟପ୍ରଦେଶ ସରକାରଙ୍କ ଦ୍ୱାରା ପ୍ରଧାନ ବିଚାରପତିଙ୍କୁ ବିଶେଷ ଚପର ପ୍ରଦାନ ଉପରେ ପ୍ରଶ୍ନ ଉଠାଇଛନ୍ତି ।
ବୁଧବାର ଏକ ଟ୍ୱିଟ୍ରେ ଭୂଷଣ କହିଛନ୍ତି ଯେ, "ମଧ୍ୟପ୍ରଦେଶ ସରକାର ଯୋଗାଇ ଦେଇଥିବା ଏକ ଚପରରେ ସିଜେଆଇ ବୋବଡେ କାହ୍ନା ଜାତୀୟ ଉଦ୍ୟାନ ଏବଂ ନିଜ ସହର ନାଗପୁର ଯାଇଥିଲେ । ଏପରି ସମୟରେ ସିଜେଆଇ ଚାପର ସେବା ନେଇଛନ୍ତି ଯେତେବେଳେ ମଧ୍ୟପ୍ରଦେଶରେ ଅଯୋଗ୍ୟ କରାଯାଇଥିବା ବିଧାୟକଙ୍କ ମାମଲା ତାଙ୍କ ସମ୍ମୁଖରେ ବିଚାରାଧୀନ ରହିଛି ଓ ମଧ୍ୟପ୍ରଦେଶ ସରକାର କ୍ଷମତାରେ ରହିବା ଏହି ମାମଲାର ରାୟ ଉପରେ ନିର୍ଭର କରୁଛି ।"
The CJI avails a special chopper provided by the MP Govt (authorised by the CM) for a visit to Kanha National Park& then to his home town in Nagpur, while an important case of disqualification of defecting MLAs of MP is pending before him. Survival of MP govt depends on this case pic.twitter.com/XWkYVjHkvH
— Prashant Bhushan (@pbhushan1) October 21, 2020
ସୂଚନାଯୋଗ୍ୟ, ଜଷ୍ଟିସ ବୋବଡେ ରବିବାର ମଧ୍ୟପ୍ରଦେଶର ବାଲାଘାଟ ଜିଲ୍ଲାର କାହ୍ନା ଜାତୀୟ ଉଦ୍ୟାନରେ ପହଞ୍ଚି ମଙ୍ଗଳବାର ସେଠାରୁ ଫେରିଥିଲେ । କଂଗ୍ରେସ ବିଧାୟକଙ୍କ ବିଦ୍ରୋହ ଯୋଗୁଁ ଚଳିତ ବର୍ଷ ମାର୍ଚ୍ଚରେ କମଲ ନାଥଙ୍କ ନେତୃତ୍ୱାଧୀନ କଂଗ୍ରେସ ସରକାର ମଧ୍ୟପ୍ରଦେଶରେ ଭାଙ୍ଗି ଯାଇଥିଲା । ଏହି ମାମଲାରେ କଂଗ୍ରେସ ପକ୍ଷରୁ ସୁପ୍ରିମକୋର୍ଟରେ ଏକ ଯାଚିକା ଦାଖଲ କରାଯାଇଛି ।
ଜଣେ ସାମାଜିକ କର୍ମୀ ଭାବରେ ପରିଚିତ ପ୍ରଶାନ୍ତ ଭୂଷଣଙ୍କ ଏହି ଟ୍ୱିଟ ପରେ କୋର୍ଟ ମଧ୍ୟ ଏହି ମାମଲାରେ ଅବମାନନା ନୋଟିସ ଜାରି କରିବେ କି ନାହିଁ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପ୍ରଶ୍ନ ଏହା ମଧ୍ୟ ଯେ CJI କୌଣସି ରାଜ୍ୟ ସରକାରଙ୍କ ଠାରୁ ଏହି ସୁବିଧା ନେବାକୁ ଅଧିକୃତ କି ନାହିଁ ।
ଅଧିକ ପଢ଼ନ୍ତୁ:-'ଯଦି ମୋ ପଛରେ ଇଡି ଲଗାଇବେ, ତେବେ ତୁମର ସିଡି ଚାଲାଇଦେବି'
ତେବେ ଏହି ମାମଲାରେ ଟାଇମ୍ସ ଅଫ୍ ଇଣ୍ଡିଆ ସୂତ୍ରରୁ ପ୍ରକାଶ ଯେ, ସୁପ୍ରିମକୋର୍ଟର ସମସ୍ତ ବିଚାରପତିଙ୍କୁ ରାଜ୍ୟରେ ଅତିଥି ଭାବରେ ସ୍ୱାଗତ କରାଯାଏ ଏବଂ ସେମାନଙ୍କୁ ରହିବା, ଯିବା-ଆସିବା ଏବଂ ନିରାପତ୍ତା ସୁବିଧା ଦିଆଯାଇଥାଏ । କିଛି ମାସ ପୂର୍ବେ ବୋବଡେ ଶନି ସିଙ୍ଗାପୁରକୁ ଯାଇ ନାଗପୁରକୁ ଫେରିଥିଲେ, ସେତେବେଳେ ତାଙ୍କୁ ମହାରାଷ୍ଟ୍ର ସରକାର ଚପର ଯୋଗାଇ ଦେଇଥିଲେ । ତେଣୁ ଏହି ପ୍ରସଙ୍ଗରେ ପ୍ରଶ୍ନ ଉଠାଇବାର କୌଣସି ଅର୍ଥ ନାହିଁ ।
ପ୍ରଶାନ୍ତ ଭୂଷଣ ଜୁନ୍ ମାସରେ ସୁପ୍ରିମକୋର୍ଟ ଏବଂ ପ୍ରଧାନ ବିଚାରପତିଙ୍କୁ ନେଇ ଦୁଇଟି ଟ୍ୱିଟ୍ କରିଥିଲେ । ଯାହା ଉପରେ ସୁପ୍ରିମକୋର୍ଟ ସ୍ୱତଃ ସଂଜ୍ଞାନ ନେଇ ଶୁଣାଣି କରିଥିଲେ । ଶୁଣାଣି ପରେ ସୁପ୍ରିମକୋର୍ଟ ପ୍ରଶାନ୍ତ ଭୂଷଣଙ୍କୁ କୋର୍ଟର ଅବମାନନା ମାମଲାରେ ଦୋଷୀ ସାବ୍ୟସ୍ତ କରିଥିଲେ ।
)