ତୃତୀୟ ଲହରକୁ ନେଇ ଚିନ୍ତା ପ୍ରକଟକଲେ ପ୍ରଧାନମନ୍ତ୍ରୀ, ଦେଶବାସୀଙ୍କୁ ଦେଲେ ଏହି ବାର୍ତ୍ତା

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Narendra Modi) କହିଛନ୍ତି ଯେ କୋରୋନା ଭାଇରସର ତୃତୀୟ ଲହରକୁ (Coronavirus 3rd Wave) ଅଟକାଇବା ଆମର ଦାୟିତ୍ବ ଅଟେ । ପ୍ରଧାନମନ୍ତ୍ରୀ (Prime minister) କହିଛନ୍ତି ଯେ ଆମକୁ କୋରୋନା ଭୂତାଣୁର ପ୍ରତ୍ୟେକ ଭାରିଏଣ୍ଟ ଉପରେ ମଧ୍ୟ ନଜର ରଖିବାକୁ ପଡିବ । ମ୍ୟୁଟେସନ ପରେ ଏହା କେତେ ଘାତକ ହେବ ତାହାକୁ ବିଶେଷଜ୍ଞମାନେ କ୍ରମାଗତ ଭାବରେ ଗବେଷଣା କରୁଛନ୍ତି । ତେଣୁ ପ୍ରତିରୋଧ ଓ ଚିକିତ୍ସା ଗୁରୁତ୍ୱପୂର୍ଣ୍ଣ । ପ୍ରଧାନମନ୍ତ୍ରୀ ମୋଦି କହିଛନ୍ତି , 'ଏହା ସତ୍ୟ ଯେ କୋରୋନା କାରଣରୁ ପର୍ଯ୍ୟଟନ, ବ୍ୟାପାର ଓ କାରବାର ବହୁତ ପ୍ରଭାବିତ ହୋଇଛି, କିନ୍ତୁ ଆଜି ମୁଁ ବହୁତ ଜୋର ଦେଇ କହିବି ଯେ ହିଲ ଷ୍ଟେସନରେ, ବଜାରରେ ମାସ୍କ ନ ପିନ୍ଧିବା ଓ ବହୁ ସଂଖ୍ୟାରେ ଏକତ୍ରିତ ହେବା ଏକ ଚିନ୍ତାର ବିଷୟ, ଏହା ଠିକ ନୁହଁ ।' ସେ କହିଛନ୍ତି ଯେ ଉତ୍ତର ପୂର୍ବରେ କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ 'ସମସ୍ତଙ୍କୁ ଟିକା ମୁକ୍ତ ଟିକା' ଅଭିଯାନର ସମାନ ଗୁରୁତ୍ୱ ରହିଛି । ତୃତୀୟ ଲହରକୁ ମୁକାବିଲା କରିବା ପାଇଁ ଆମକୁ ଟିକାକରଣ (Vaccination) ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ପଡିବ ।

ଉତ୍ତର-ପୂର୍ବରେ କୋଭିଡର ସ୍ଥିତିକୁ ସମୀକ୍ଷା କରି ପ୍ରଧାନମନ୍ତ୍ରୀ କହିଛନ୍ତି ଯେ ଟେଷ୍ଟିଙ୍ଗ ଓ ଚିକିତ୍ସା ସହ ଜଡିତ ଭିତ୍ତିଭୂମିରେ ଉନ୍ନତି କରି ଆମକୁ ଆଗକୁ ବଢି଼ବାକୁ ପଡିବ । ଏଥିପାଇଁ ନିକଟରେ କ୍ୟାବିନେଟ୍ ମଧ୍ୟ ୨୩,୦୦୦ କୋଟି ଟଙ୍କାର ଏକ ନୂତନ ପ୍ୟାକେଜ୍ ଅନୁମୋଦନ କରିଛି । ଏହି ପ୍ୟାକେଜ୍ ଉତ୍ତର ପୂର୍ବର ପ୍ରତ୍ୟେକ ରାଜ୍ୟକୁ ଏହାର ସ୍ୱାସ୍ଥ୍ୟ ଭିତ୍ତିଭୂମି (Health infrastructure) ମଜବୁତ କରିବାରେ ସାହାଯ୍ୟ କରିବ ।

ଅଧିକ ପଢ଼ନ୍ତୁ: Viral Video: ଚର୍ଚ୍ଚାରେ ଦୁନିଆର ସବୁଠୁ ଛୋଟ ଗାଈ ରାଣୀ, ଦେଖିବାକୁ ଜମୁଛି ଅସମ୍ଭାଳ ଭିଡ଼

ଶିଶୁ ଚିକିତ୍ସା ସମ୍ବନ୍ଧୀୟ ଭିତ୍ତିଭୂମି ପାଇଁ ଶୀଘ୍ର କାର୍ଯ୍ୟ କରିବାକୁ ହେବ - PM
ପ୍ରଧାନମନ୍ତ୍ରୀ କହିଛନ୍ତି ଯେ କୋରୋନା ସଂକ୍ରମଣକୁ ରୋକିବା ପାଇଁ ଆମକୁ ମାଇକ୍ରୋ ସ୍ତରରେ ଅଧିକ କଠୋର ପଦକ୍ଷେପ ନେବାକୁ ପଡ଼ିବ । ଏହା ଦାୟିତ୍ୱ ସ୍ଥିର କରିପାରେ । ଆମକୁ ମାଇକ୍ରୋ କଣ୍ଟେନମେଣ୍ଟ ସେକ୍ଟର ଉପରେ ସମ୍ପୂର୍ଣ୍ଣ ଗୁରୁତ୍ୱ ଦେବାକୁ ପଡିବ । ଗତ ଦେଢ଼ ବର୍ଷରେ ଆମେ ପାଇଥିବା ଅନୁଭୂତିକୁ ମଧ୍ୟ ସମ୍ପୂର୍ଣ୍ଣ ବ୍ୟବହାର କରିବାକୁ ପଡିବ । ସେ କହିଛନ୍ତି ଯେ ସମଗ୍ର ଦେଶ ଓ ବିଶେଷ କରି ଆମର ସ୍ୱାସ୍ଥ୍ୟ କର୍ମୀମାନେ ନିଜର ଦାୟିତ୍ବ ପୂରଣ କରିବା ପାଇଁ ଗତ ଦେଢ଼ ବର୍ଷ ଧରି ଅକ୍ଲାନ୍ତ ପରିଶ୍ରମ କରିଛନ୍ତି । ଉତ୍ତର-ପୂର୍ବର ଭୌଗଳିକ ଆହ୍ୱାନ ସତ୍ତ୍ୱେ ଟେଷ୍ଟିଙ୍ଗ ଓ ଚିକିତ୍ସା ଠାରୁ ଟିକାକରଣ ପର୍ଯ୍ୟନ୍ତ ସମସ୍ତ ଭିତ୍ତିଭୂମି ପ୍ରସ୍ତୁତ କରାଯାଇଛି । 

ଅଧିକ ପଢ଼ନ୍ତୁ: ଦେଶରେ ପହଞ୍ଚି ସାରିଛି କୋରୋନାର ତୃତୀୟ ଲହର! ନିୟମ ଭାଙ୍ଗିଲେ ହେବ ଭୟାବହ

ପ୍ରଧାନମନ୍ତ୍ରୀ କହିଛନ୍ତି ବିଶେଷ କରି ଅକ୍ସିଜେନ ଉପରେ ଶିଶୁ ଚିକିତ୍ସା ସମ୍ବନ୍ଧୀୟ ଭିତ୍ତିଭୂମି ନିର୍ମାଣ ପାଇଁ ଆମକୁ ଶୀଘ୍ର କାର୍ଯ୍ୟ କରିବାକୁ ପଡିବ । ପିଏମ କେୟାର ମାଧ୍ୟମରେ ଦେଶରେ ଶହ ଶହ ନୂତନ ଅକ୍ସିଜେନ କାରଖାନା ସ୍ଥାପନ କରାଯାଉଛି ।