Road Accident: ରାକ୍ଷୀ ପୂର୍ଣ୍ଣିମାରେ ବଡ଼ ଅଘଟଣ, ବସ-ପିକଅପ୍ ଧକ୍କାରେ ୧୧ ମୃତ

Road Accident: ଆଲିଗଡ଼ର ଅତରୌଲି ତହସିଲ ଅନ୍ତର୍ଗତ ଅହେରିଆ ନାଗଲା ଗାଁର ଏହି ଶ୍ରମିକମାନେ ଗାଜିଆବାଦର ଏକ କାରଖାନାରେ କାମ କରୁଥିଲେ। ରବିବାର ସକାଳ ପ୍ରାୟ ୮ଟା ରେ ସମସ୍ତ ଶ୍ରମିକ ଗାଜିଆବାଦରୁ ଏକ ପିକ୍ ଅପ୍ ରେ ନିଜ ନିଜ ଗାଁକୁ ରକ୍ଷାବନ୍ଧନ ପର୍ବ ପାଳନ କରିବାକୁ ଫେରୁଥିଲେ।

Road Accident: ରାକ୍ଷୀ ପୂର୍ଣ୍ଣିମାରେ ଏକ ବଡ଼ ଅଘଟଣ ସାମ୍ନାକୁ ଆସିଛି। ରକ୍ଷାବନ୍ଧନ ପାଳନ କରିବାକୁ ଘରକୁ ଯାଉଥିବା ଶ୍ରମିକଙ୍କ ପିକ୍ଅପ୍ କୁ ବସ୍ ଧକ୍କା ଦେବା ଫଳରେ ଘଟଣାସ୍ଥଳରେ ୧୧ ଜଣଙ୍କ ମୃତ୍ୟୁ ହୋଇଛି।  ଏହି ଦୁର୍ଘଟଣାରେ ୧୧ ଜଣଙ୍କ ମୃତ୍ୟୁ ଘଟିଥିବା ବେଳେ ଅନେକ ଶିଶୁଙ୍କ ସମେତ ୨୯ ଜଣ ଆହତ ହୋଇଛନ୍ତି। ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି। ଘଟଣାଟି ଉତ୍ତର ପ୍ରଦେଶର ବୁଲନ୍ଦସହରରେ ଘଟିଛି। ସୂଚନା ଅନୁଯାୟୀ, ଗାଜିଆବାଦର ଏକ ବ୍ରେଡ୍ କମ୍ପାନୀରେ କାମ କରୁଥିବା ୩୫ରୁ ଅଧିକ ଶ୍ରମିକ ଆଲିଗଡ଼ ଜିଲ୍ଲାର ତହସିଲ ଅତରୌଲିର ରାୟପୁର ଗ୍ରାମରେ ରକ୍ଷାବନ୍ଧନର ପର୍ବ ପାଳନ କରିବାକୁ ଗାଜିଆବାଦରୁ ଏକ ପିକ୍ଅପ୍ ରେ ଯାଉଥିଲେ। 

ସେମାନେ ସଲେମପୁର ଥାନା ନିକଟରେ ପହଞ୍ଚିବା ମାତ୍ରେ ଦ୍ରୁତ ଗତିରେ ଆସୁଥିବା ଏକ ବସ୍ ଓଭରଟେକିଂ ସମୟରେ ପିକ୍ଅପ୍ କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ୧୧ ଜଣଙ୍କ ମୃତ୍ୟୁ ଘଟିଥିବା ବେଳେ ୨୯ ଜଣ ଆହତ ହୋଇଛନ୍ତି। ୮ ଜଣ ଆହତଙ୍କୁ ହାୟର ସେଣ୍ଟରକୁ ସ୍ଥାନାନ୍ତର କରାଯାଇଥିବା ବେଳେ ବାକି ୨୧ ଜଣ ଜିଲ୍ଲା ହସ୍ପିଟାଲ ଓ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି।

ଦୁର୍ଘଟଣା ଏତେ ଭୟଙ୍କର ଥିଲା ଯେ ବସ୍ ଧକ୍କା ହେବା ପରେ ପିକ୍ ଅପ୍(Bus-Pickup Van Road Accident) ରେ ଯାଉଥିବା ଲୋକମାନେ ରାସ୍ତା ଉପରେ ଛିଟିକି ପଡ଼ି ଯାଇଥିଲେ। ଦୁର୍ଘଟଣା ସମୟରେ ବସ୍ ଡ୍ରାଇଭର ମଧ୍ୟ ବସ୍ ର ଷ୍ଟିୟରିଂରେ ଫସି ଗୁରୁତର ଆହତ ହୋଇ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଆଲିଗଡ଼ର ଅତରୌଲି ତହସିଲ ଅନ୍ତର୍ଗତ ଅହେରିଆ ନାଗଲା ଗାଁର ଏହି ଶ୍ରମିକମାନେ ଗାଜିଆବାଦର ଏକ କାରଖାନାରେ କାମ କରୁଥିଲେ। ରବିବାର ସକାଳ ପ୍ରାୟ ୮ଟା ରେ ସମସ୍ତ ଶ୍ରମିକ ଗାଜିଆବାଦରୁ ଏକ ପିକ୍ ଅପ୍ ରେ ନିଜ ନିଜ ଗାଁକୁ ରକ୍ଷାବନ୍ଧନ ପର୍ବ ପାଳନ କରିବାକୁ ଫେରୁଥିଲେ।

ରାତି ପ୍ରାୟ ୧୦ଟା ୧୫ରେ ସେ ସଲେମପୁରରେ ପହଞ୍ଚିବା ପରେ ଦ୍ରୁତ ଗତିରେ ଆସୁଥିବା ଏକ ବସ୍ ତାଙ୍କୁ ପାର୍ଶ୍ୱରୁ ଧକ୍କା (Road Accident) ଦେଇଥିଲା। ଫଳରେ ପିକ୍ଅପ୍ ଟି ଭାରସାମ୍ୟ ହରାଇ ଗଛରେ ଧକ୍କା ଖାଇଥିଲା ଏବଂ ପରେ ବସ୍ ପିଛା କରୁଥିବା ପିକ୍ ଅପ୍ ସହ ଧକ୍କା ହୋଇଥିଲା। ଫଳରେ ପିକଅପ୍ ରେ ଥିବା ଲୋକମାନେ ରାସ୍ତା ଉପରେ ଛିଟିକି ପଡ଼ିଯାଇଥିଲେ। ଦୁର୍ଘଟଣା ପରେ ଘଟଣାସ୍ଥଳରେ ଉପସ୍ଥିତ ସ୍ଥାନୀୟ ଲୋକେ ରାସ୍ତାରେ ପଡ଼ିଥିବା ଆହତମାନଙ୍କୁ ଉଠାଇ ଘରୋଇ ଗାଡ଼ି ଓ ଆମ୍ବୁଲାନ୍ସ ସହାୟତାରେ ଜିଲ୍ଲା ଚିକିତ୍ସାଳୟକୁ ପଠାଇଥିଲେ। ପରେ ଲୋକେ କ୍ରେନ୍ ସାହାଯ୍ୟରେ ବସ୍ ରେ ଫସି ରହିଥିବା ଡ୍ରାଇଭରଙ୍କୁ ବାହାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ବନ୍ଦାୟୁ ଦିଲ୍ଲୀ ଅଭିମୁଖେ ଚଳାଚଳ କରୁଥିବା ବସ୍ ର ଡ୍ରାଇଭର ଦ୍ରୁତ ବେଗରେ ଅନ୍ୟ ଏକ ଗାଡ଼ିକୁ ଓଭରଟେକ୍ କରୁଥିଲା। ରାସ୍ତାରେ ଯାନବାହନ ସଂଖ୍ୟା ଅଧିକ ଥିବାରୁ ପିକଅପ୍ ଭ୍ୟାନକୁ ଧକ୍କା ଦେଇଥିଲା ଯାହା ଫଳରେ ବଡ଼ ଧରଣର ସଡ଼କ ଦୁର୍ଘଟଣା ଘଟିଲା।