Congres President Election: କଂଗ୍ରେସ ଅଧ୍ୟକ୍ଷ ନିର୍ବାଚନ: ଖଡ଼ଗେ ଓ ଥରୁରଙ୍କ ମଧ୍ୟରେ ତୁତୁ ମେଁମେଁ, ସର୍ବସମ୍ମୁଖରେ ଯୁକ୍ତି କରିବାକୁ ଥରୁରଙ୍କ ନିମନ୍ତ୍ରଣ, ଖଡ଼ଗେ କହିଲେ...

କଂଗ୍ରେସ ଅଧ୍ୟକ୍ଷ ନିର୍ବାଚନ ପୂର୍ବରୁ ଦୁଇ ମଜବୁତ ପ୍ରାର୍ଥୀଙ୍କ ମଧ୍ୟରେ ମତ ପାର୍ଥକ୍ୟ ଦେଖାଦେଇଛି। ଦୁଇ ବରିଷ୍ଠ ପ୍ରାର୍ଥୀ ଶଶି ଥରୁର ଓ ମଲ୍ଲିକାର୍ଜୁନ ଖଡଗେଙ୍କ ମଧ୍ୟରେ କଥା କଟାକଟି ହୋଇଥିବା ଜଣାପଡ଼ିଛି। ତେବେ ଏଥିପାଇଁ ଶଶି ଥରୁର ଖୋଲାଖୋଲି ଭାବେ ଆଲୋଚନା କରିବାକୁ ଖଡଗେଙ୍କୁ ନିମନ୍ତ୍ରଣ ଦେଇଛନ୍ତି।

Congres President Election:  ନୂଆଦିଲ୍ଲୀ: ବରିଷ୍ଠ ନେତା ମଲ୍ଲିକାର୍ଜୁନ ଖାଡ଼ଗେ (Mallikarjun Kharge) ଏବଂ ଲୋକସଭା (Lokasabha) ସାଂସଦ ଶଶି ଥରୁର (Sashi Tharoor) କଂଗ୍ରେସ (Congress) ଅଧ୍ୟକ୍ଷ (President) ପଦ ପାଇଁ ପ୍ରତିଦ୍ୱନ୍ଦ୍ୱିତା କରିବା ଏକ ପ୍ରକାର ସ୍ପଷ୍ଟ ହୋଇ ସାରିଛି। ତେବେ ନିର୍ବାଚନ ଲଢେଇ ପୂର୍ବରୁ ଉଭୟଙ୍କ ମଧ୍ୟରେ ତୁତୁ ମେଁମେଁ ଦେଖାଦେଇଛି। ରବିବାର ଦିନ ଥରୁର କହିଥିଲେ କି ସେ ଚାହୁଁଛନ୍ତି ଏବଂ ପ୍ରାର୍ଥୀଙ୍କ ମଧ୍ୟରେ ସର୍ବସାଧାରଣ ବିତର୍କ ପାଇଁ ପ୍ରସ୍ତୁତ ଅଛନ୍ତି। ବ୍ରିଟେନରେ କନଜରଭେଟିବ ପାର୍ଟିର ନେତୃତ୍ୱ ପଦବୀ ପାଇଁ ନିର୍ବାଚନରେ ​​ଯେପରି ଥିଲା, ସେହିଭଳି ଦଳ ପ୍ରତି ଜନସାଧାରଣଙ୍କ ଆଗ୍ରହ ସୃଷ୍ଟି କରିବ ବୋଲି ସେ କହିଛନ୍ତି।

ଥରୁର କହିଛନ୍ତି ସର୍ବୋଚ୍ଚ ସ୍ତରରେ ସଂଗଠନର ନେତୃତ୍ୱ ନେବାର ଅଭିଜ୍ଞତା ମୋର ରହିଛି। ମୋର ଏକ ନିର୍ଭରଯୋଗ୍ୟ ଟ୍ରାକ୍ ରେକର୍ଡ ଅଛି। ମିଳିତ ଜାତିସଂଘର ଜନ ସୂଚନା ବିଭାଗର ଦାୟିତ୍ୱରେ ଥିବା ଅଣ୍ଡର ସେକ୍ରେଟେରୀ-ଜେନେରାଲ୍ ଭାବରେ ମୁଁ ବିଶ୍ୱର ୭୭ଟି କାର୍ଯ୍ୟାଳୟରେ ୮୦୦ରୁ ଅଧିକ କର୍ମଚାରୀଙ୍କ ଜାତିସଂଘର ବୃହତ୍ତମ ବିଭାଗ ପାଇଁ ଯୋଗାଯୋଗ ପରିଚାଳନା କରିଥିଲି। ଏହାକୁ ଦୃଷ୍ଟିରେ ରଖି ମିଳିତ ଜାତିସଂଘ ସଂଗଠନର ମୁଖ୍ୟ ହେବା ପାଇଁ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଅନେକ ଲୋକ ମୋତେ ନିବେଦନ କରିଥିଲେ।

ରବିବାର ଦିନ ମଲ୍ଲିକାର୍ଜୁନ ଖାଡଗେ କହିଛନ୍ତି ଯେ ସେ ଏହି ନିର୍ବାଚନରେ ​​କାହା ବିରୋଧରେ ନୁହେଁ ବରଂ ଦଳକୁ ମଜବୁତ କରିବାକୁ ଆସିଛନ୍ତି। ତାଙ୍କ ପ୍ରତି ଥିବା ଗାନ୍ଧୀ ପରିବାରର ମଜବୁତ ସମର୍ଥନ ବଳରେ ସେ ଏହି ନିର୍ବାଚନ ଲଢୁଥିବା ନେଇ ଯେଉଁ ଧାରଣା ରହିଥିଲା ତାହାକୁ କେବେଠାରୁ ଖାରଜ କରିସାରିଛନ୍ତି। ଖାଡ଼ଗେ କହିଛନ୍ତି ଯେ ବହୁ ବରିଷ୍ଠ ତଥା ଯୁବ କଂଗ୍ରେସ ନେତାଙ୍କ ସମର୍ଥନରେ ସେ ଏହି ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଛନ୍ତି। 

ଏହି ସମୟରେ ଦଳର ମୁଖପାତ୍ର ଗୌରବ ବଲ୍ଲଭ କହିଛନ୍ତି ଯେ 'ଦୀପେନ୍ଦ୍ର ହୁଡା, ସୟଦ ନାସିର ହୁସେନ୍ ଏବଂ ମୁଁ କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ କଂଗ୍ରେସ ମୁଖପାତ୍ର ପଦରୁ ଇସ୍ତଫା ଦେଇଛୁ, ବର୍ତ୍ତମାନ ଆମେ ମଲ୍ଲିକାର୍ଜୁନ ଖାଡଗେଙ୍କ ପାଇଁ ପ୍ରଚାର କରିବୁ'। ସୂଚନାଯୋଗ୍ୟ ଯେ କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନରେ ​​ନାମାଙ୍କନ ପ୍ରତ୍ୟାହାରର ଶେଷ ତାରିଖ ଅକ୍ଟୋବର ୨ ଅର୍ଥାତ ଆଜି ରହିଥିଲା।  ଆସନ୍ତା ଅକ୍ଟୋବର ୧୭ରେ ନିର୍ବାଚନ ଅନୁଷ୍ଠିତ ହେବ। ଭୋଟ୍ ଗଣନା ଅକ୍ଟୋବର ୧୯ରେ ହେବ ଏବଂ ସେହି ଦିନ ଫଳାଫଳ ଘୋଷଣା କରାଯିବ।