Manish Sisodia: ସିସୋଦିଆଙ୍କ ପାଇଁ ଅଡ଼ୁଆ ହେବେ ଏହି ମୁଖ୍ୟମନ୍ତ୍ରୀ, ରଚିଲେ ବଡ଼ ଷଡ଼ଯନ୍ତ୍ର

Manish Sisodia: ନୂଆଦିଲ୍ଲୀ: ଦିଲ୍ଲୀ ଉପମୁଖ୍ୟମନ୍ତ୍ରୀଙ୍କ ପାଇଁ ଅଡ଼ୁଆ ବଢିପାରେ। ମାନହାନୀ ମାମଲାରେ ଦିଲ୍ଲୀର ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ସମସ୍ୟା ବଢିପାରେ। ଆସାମ କୋର୍ଟ ସିସୋଦିଆଙ୍କୁ ସେପ୍ଟେମ୍ବର ୨୯ରେ ହାଜର ହେବାକୁ ସମନ ଜାରି କରିଛନ୍ତି। କାମ୍ରୁପ ଜିଲ୍ଲାର ସିଜେଏମ୍ କୋର୍ଟ ଦ୍ୱାରା ଏହି ସମନ ଜାରି କରାଯାଇଛି। କୌତୂହଳର ବିଷୟ ହେଉଛି, ସିସୋଦିଆଙ୍କ ବିରୋଧରେ ଏହି ମାନହାନୀ ଅଭିଯୋଗ ରାଜ୍ୟର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କ ବ୍ୟତୀତ ଅନ୍ୟ କେହି ଦାଖଲ କରିନାହାଁନ୍ତି।

ଏଠାରେ ଉଲ୍ଲେଖଯୋଗ୍ୟ ଯେ କିଛି ମାସ ପୂର୍ବରୁ ସିସୋଦିଆ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଥିଲେ ଯେ ଆସାମ ସରକାର ମୁଖ୍ୟମନ୍ତ୍ରୀ ହିମନ୍ତ ଶର୍ମାଙ୍କ ପତ୍ନୀ ଏବଂ ତାଙ୍କ ପୁଅର ବ୍ୟବସାୟିକ ଭାଗିଦାରୀକୁ PPE କିଟ୍ ଯୋଗାଇବା ପାଇଁ ଏକ ଚୁକ୍ତି କରିଛନ୍ତି। କରୋନା ମହାମାରୀ ସମୟରେ, ଏହି ଯୋଗାଣ ୨୦୨୦ରେ PPE କିଟର ବଜାର ହାରଠାରୁ ଅଧିକ ମୂଲ୍ୟରେ କରାଯାଇଥିଲା।

ନିଜ ବିରୋଧରେ ଏହି ଅଭିଯୋଗକୁ ଭିତ୍ତିହୀନ ବୋଲି କହି ଶର୍ମା ସିସୋଦିଆଙ୍କ ବିରୋଧରେ ଏହି ମାମଲା ଦାୟର କରିଥିଲେ। ଏହାପୂର୍ବରୁ ଏହି ମାନହାନୀ ମାମଲାରେ ଶର୍ମା ଅଗଷ୍ଟ ୫ରେ କାମ୍ରୁପ ଜିଲ୍ଲା ଏବଂ ସେସନ କୋର୍ଟରେ ହାଜର ହୋଇ ତାଙ୍କ ବିବୃତ୍ତି ରେକର୍ଡ କରିଥିଲେ। ସିସୋଦିଆ ଏହି ଅଭିଯୋଗ ଆଣିଥିବା ବେଳେ ଆସାମର ପ୍ରଥମ ବିଜେପି ସରକାରରେ ଶର୍ମା ସ୍ୱାସ୍ଥ୍ୟମନ୍ତ୍ରୀ ଥିଲେ।

ଏହାପୂର୍ବରୁ ଦିଲ୍ଲୀର ଏକ କୋର୍ଟ ଶନିବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ସିସୋଦିଆ ଏବଂ ପୂର୍ବତନ ଆପ ନେତା ନେତା ଯୋଗେନ୍ଦ୍ର ଯାଦବଙ୍କୁ ବଦନାମ ମାମଲାରେ ନିର୍ଦ୍ଦୋଷରେ ଖଲାସ କରିଛନ୍ତି। ୨୦୧୩ରେ ଜଣେ ଓକିଲ ଏହି ମାମଲା ଦାୟର କରିଥିଲେ। ଅତିରିକ୍ତ ମୁଖ୍ୟ ମହାନଗର ନିଗମ ବିଚାରପତି ବିଦ୍ୟା ଗୁପ୍ତ ଆନନ୍ଦ କହିଛନ୍ତି ଯେ ଅଭିଯୋଗକାରୀ ତଥା ଓକିଲ ସୁରେନ୍ଦ୍ର କୁମାର ଶର୍ମା (ବର୍ତ୍ତମାନ ମୃତ) ଅଭିଯୁକ୍ତ ଏହି ଅପରାଧ କରିଛନ୍ତି ବୋଲି ପ୍ରମାଣ କରିବାରେ ବିଫଳ ହୋଇଛନ୍ତି।

ସେପଟେ ମନୀଷ ସିସୋଦିଆ ଶରାବ ନୀତି କାରଣରୁ ଦିଲ୍ଲୀ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ ନିଜ ଜାଲରେ ନିଜେ ଛନ୍ଦି ହୋଇଛନ୍ତି। ଯେଉଁ ମାମଲାରେ ସିବିଆଇ ତଦନ୍ତ ଦାବି କରିଥିଲେ, ସେହି ମାମଲାରେ ସେ ହିଁ ମୁଖ୍ୟ ଅଭିଯୁକ୍ତ ହୋଇଛନ୍ତି। ମଦ ନୀତିରେ ଦୁର୍ନୀତି ଅଭିଯୋଗରେ ଶୁକ୍ରବାର ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବାସଭବନରେ ସିବିଆଇ ଚଢ଼ାଉ କରିଥିଲା। ସିବିଆଇ କଥିତ ଅବକାରୀ ଦୁର୍ନୀତି ମାମଲାରେ ଦିଲ୍ଲୀ ଉପମୁଖ୍ୟମନ୍ତ୍ରୀଙ୍କ ସମେତ ୧୫ ଜଣଙ୍କୁ ଅଭିଯୁକ୍ତ କରି FIR ପଞ୍ଜିକୃତ କରିଛି।

ଦିଲ୍ଲୀ ମଦ ନୀତି ଦୁର୍ନୀତି ଅଭିଯୋଗର ସିବିଆଇ ତଦନ୍ତ ପାଇଁ ଖୋଦ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଦାବି କରିଥିଲେ। ଶୁକ୍ରବାର ସିସୋଦିଆଙ୍କ ଘରେ ସିବିଆଇ ପ୍ରାୟ ୧୦ ଘଣ୍ଟା ରେଡ୍ କରିଛି। ଏହା ପରେ ଏହି ଦୁର୍ନୀତି ମାମଲାରେ ଇଡିର ଏଣ୍ଟ୍ରୀ ହୋଇପାରେ ବୋଲି ଅନୁମାନ କରାଯାଉଛି। ୧୭ ଅଗଷ୍ଟରେ ମାମଲା ଦାୟର ହୋଇଥିବା ବେଳେ ୧୯ ତାରିଖରେ ସିବିଆଇ ଦିଲ୍ଲୀ ଉପମୁଖ୍ୟମନ୍ତ୍ରୀଙ୍କୁ ମୁଖ୍ୟ ଅଭିଯୁକ୍ତ କରିଛି। ସିସୋଦିଆଙ୍କ ସମେତ ମୋଟ ୧୫ ଜଣଙ୍କ ନାମ ସିବିଆଇର ଏତଲାରେ ଲେଖା ହୋଇଥିବା ସୂଚନା ମିଳିଛି। 

ଗତ ବର୍ଷ ନଭେମ୍ବରରେ ଆଣିଥିବା ଦିଲ୍ଲୀ ଏକ୍ସାଇଜ୍ ପଲିସି ନୀତି ଏବଂ କାର୍ଯ୍ୟାନ୍ୱୟନରେ ଅନିୟମିତତା ଅଭିଯୋଗରେ ସିବିଆଇ ଏକ ଏଫ୍ଆଇଆର୍ ପଞ୍ଜିକରଣ କରିଥିଲା। ଦିଲ୍ଲୀର ଲେଫ୍ଟନାଣ୍ଟ ଗଭର୍ଣ୍ଣର ଭି.କେ ସକ୍ସେନା ଏକ୍ସାଇଜ୍ ପଲିସି ୨୦୨୧-୨୨ର କାର୍ଯ୍ୟାନ୍ୱୟନରେ ଅନିୟମିତତା ଅଭିଯୋଗ ପାଇବା ପରେ ସିବିଆଇ ଯାଞ୍ଚ ପାଇଁ ସୁପାରିଶ କରିଥିଲେ। ସେ କହିଛନ୍ତି ଯେ, ଜୁଲାଇରେ ଦିଲ୍ଲୀର ମୁଖ୍ୟ ଶାସନ ସଚିବ ଦେଇଥିବା ରିପୋର୍ଟ ଆଧାରରେ ସିବିଆଇ ତଦନ୍ତ ପାଇଁ ସୁପାରିଶ କରାଯାଇଥିଲା। ଏହା GNCTD ଆକ୍ଟ ୧୯୯୧, TOBR-୧୯୯୩ ଏବଂ ଦିଲ୍ଲୀ ଏକ୍ସାଇଜ୍ ଅଧନିୟମ ୨୦୧୦କୁ ଉଲ୍ଲଂଘନ କରୁଥିବା କୁହାଯାଉଛି।

ଏହା ବ୍ୟତୀତ ଦିଲ୍ଲୀରେ ଟେଣ୍ଡର ପରେ ମଦ ବ୍ୟବସାୟ ଲାଇସେନ୍ସ ବିତରଣରେ ଅନିୟମିତତା ହୋଇଛି ବୋଲି ଅଧିକାରୀମାନେ କହିଛନ୍ତି। ଅବକାରୀ ବିଭାଗ ସମ୍ଭାଳୁଥିବା ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ମଧ୍ୟ ସିବିଆଇ ଯାଞ୍ଚକୁ ସ୍ୱାଗତ କରିଥିଲେ। ମନୀଷ ସିସୋଦିଆ କହିଛନ୍ତି ଯେ, ସରକାରୀ ମଦ ଦୋକାନରେ ଦୁର୍ନୀତିର ମୁକାବିଲା ପାଇଁ ଏହି ନୀତି ଥିଲା। ସେ ତଦନ୍ତକାରୀ ସଂସ୍ଥା ସହିତ ସମ୍ପୂର୍ଣ୍ଣ ସହଯୋଗ କରିବେ। ଅନ୍ୟପଟେ ଆମ୍ ଆଦମୀ ପାର୍ଟି ଏହି ସିବିଆଇ ଚଢ଼ାଉକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରି ଏହାକୁ ଏକ ରାଜନୈତିକ ଷଡଯନ୍ତ୍ର ବୋଲି କହିଛି।