• ଆଜିଠାରୁ ଭୁବନେଶ୍ୱର ବିମାନବନ୍ଦରରେ ଚେକିଂ ଆରମ୍ଭ
  • ଯାତ୍ରୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତା ମୂଳକ
  • ରେଳ ଷ୍ଟେସନରେ ମଧ୍ୟ କଡ଼ାକଡ଼ି ଚେକିଂ ହେଉଛି
  • ରିପୋର୍ଟ ଆଣି ନ ଥିଲେ ୭ ଦିନ ହୋମ୍ କ୍ୱାରେନଣ୍ଟାଇନ୍
  • କୌଣସି ଯାତ୍ରୀଙ୍କ ଲକ୍ଷଣ ଦେଖାଦେଲେ ଟେଷ୍ଟ ପାଇଁ ବ୍ୟବସ୍ଥା
  • ବିଏମସି ପକ୍ଷରୁ ମାର୍କେଟ ମାନଙ୍କରେ ଚେକିଂ ଜୋରଦାର
  • ଉତ୍କଳ ବିଶ୍ୱବିଦ୍ୟାଳୟର ୪ଜଣ କୋରୋନା ପଜିଟିଭ୍ ଚିହ୍ନଟ
  • ୪ଜଣ କୋରୋନା ସଂକ୍ରମିତଙ୍କ କଣ୍ଟାକଟ୍ରେସିଂ ଚାଲିଛି
  • ବିଏମସି ପକ୍ଷରୁ ଦେୟଯୁକ୍ତ ସଂଗରୋଧ ଆରମ୍ଭ
  • ବାତାନୁକୂଳ ଓ ସାଧାରଣ ବର୍ଗରେ ଲୋକଙ୍କୁ ସେବା ଉପଲବ୍ଧ

ଅପରିବର୍ତ୍ତିତ ରହିବ ତାପମାତ୍ରା; ବଢିବ କାଳବୈଶାଖି ପ୍ରଭାବ

ଏପ୍ରିଲ ୯-୧୦ ତାରିଖ ବେଳକୁ କାଳବୈଶାଖି ପ୍ରଭାବ ବଢିବ। 

ଅପରିବର୍ତ୍ତିତ ରହିବ ତାପମାତ୍ରା; ବଢିବ କାଳବୈଶାଖି ପ୍ରଭାବ

ଭୁବନେଶ୍ବର: ପୁଣି ଆରମ୍ଭ ହେବ କାଳବୈଶାଖି ତାଣ୍ଡବ ଆସନ୍ତାକାଲି ଠାରୁ ପଡିବ ପ୍ରଭାବ। ଝାଡଖଣ୍ଡ ଏବଂ ଏହାର ଆଖପାଖ ଉତ୍ତର ଛତିଶଗଡ ମଧ୍ୟରେ ଏକ ଘୂର୍ଣ୍ଣିବଳୟ ସକ୍ରିୟ ରହିଛି। ଏହାର ପ୍ରଭାବରେ ଆସନ୍ତାକାଲି ଠାରୁ ୧୧ ତାରିଖ ରବିବାର ସକାଳ ପର୍ଯ୍ୟନ୍ତ ବିଭିନ୍ନ ଜିଲ୍ଲା ପାଇଁ କାଳବୈଶାଖି ଜନିତ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଜ୍ଞାନ କେନ୍ଦ୍ର।

ଆସନ୍ତାକାଲି ସକାଳ ସାଢେ ୮ଟା ପର୍ଯ୍ୟନ୍ତ ପାଗ ଶୁଖିଲା ରହିବା ସହ କୌଣସି ସତର୍କ ସୂଚନା ଜାରି କରାଯାଇନାହିଁ। ଆସନ୍ତାକାଲି ସୁନ୍ଦରଗଡ, ଦେଓଗଡ, କେଉଁଝର, ମୟୂରଭଞ୍ଜ, ଅନୁଗୁଳ, ଢେଙ୍କାନାଳ, ଗଜପତି, ଗଞ୍ଜମ, କନ୍ଧମାଳ ଆଦି ୯ ଜିଲ୍ଲାରେ କାଳବୈଶାଖି (Thunderstorm) ଜନିତ ବିଜୁଳି ଘଡଘଡି ସହ ୩୦-୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଥିବା ନେଇ ୟେଲୋ ୱାର୍ଣ୍ଣିଂ (Yellow Warning) ଜାରି କରିଛି ପାଣିପାଗ କେନ୍ଦ୍ର।

Also Read: ଗ୍ରୀଷ୍ମ ଲହରୀ-କାଳବୈଶାଖି ପ୍ରଭାବରୁ ମିଳିଲା ସାମୟିକ ତ୍ରାହି

 

ଏହା ସହ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ଏହା ପରେ ୯ ଏବଂ ୧୦ ତାରିଖ ବେଳକୁ କାଳବୈଶାଖି ପ୍ରଭାବ ବଢିବା ସହ ଆହୁରି ଅଧିକ ଜିଲ୍ଲା ପାଇଁ ଚେତାବନୀ ଜାରି କରିଛି କେନ୍ଦ୍ର। ସେପଟେ ଆସନ୍ତା ୫ ଦିନ ପର୍ଯ୍ୟନ୍ତ ଦିନର ସର୍ବୋଚ୍ଚ ତାପମାତ୍ରା ଅପରିବର୍ତ୍ତିତ ରହିବ। ଏହା ସହ ଆସନ୍ତା ୨ ଦିନ ମଧ୍ୟରେ ବଲାଙ୍ଗିର, ନବରଙ୍ଗପୁର, ମାଲକାନଗିରି, କଳାହାଣ୍ଡି, ନୂଆପଡା, ବୌଦ୍ଧ, ସୋନପୁର, ବରଗଡ, ଝାରସୁଗୁଡା, ସମ୍ବଲପୁର ଜିଲ୍ଲାର କିଛି ସ୍ଥାନରେ ୪୦ କିମ୍ବା ଏହା  ଠାରୁ ଅଧିକ ତାପମାତ୍ରା ରହିବାର ସମ୍ଭାବନା ରହିଛି। କାଳବୈଶାଖି ମୁକାବିଲା ନେଇ ଜିଲ୍ଲାପାଳଙ୍କୁ ସତର୍କ ରହିବାକୁ ଚିଠି ଯୋଗେ ଅବଗତ କରିଛନ୍ତି ଏସଆରସି।