Cash For Query ପ୍ରସ୍ତାବ ପାସ୍, ରଦ୍ଦ ହେଲା TMC ସାଂସଦ ମହୂଆ ମୈତ୍ରାଙ୍କ ଲୋକସଭା ସଦସ୍ୟତା

Lok Sabha Expels Mahua Moitra: ଟିଏମସି ସାଂସଦ ମହୂଆ ମୈତ୍ରାଙ୍କୁ 'ପ୍ରଶ୍ନ ପଚାରିବା ପାଇଁ ଟଙ୍କା ନେବା' ମାମଲାରେ ଲୋକସଭାରୁ ବହିଷ୍କାର କରାଯାଇଛି । ଏହା ସମେତ ମହୂଆ ମୈତ୍ରାଙ୍କ ସାଂସଦ ସଦସ୍ୟତା ରଦ୍ଦ କରାଯାଇଛି ।

Mahua Moitra Expelled from Lok Sabha: ସଂସଦରେ ପ୍ରଶ୍ନ ପଚାରିବା ପାଇଁ ଟଙ୍କା ନେବା ମାମଲାରେ ତୃଣମୂଳ କଂଗ୍ରେସ ସାଂସଦ ମହୂଆ ମୈତ୍ରାଙ୍କୁ ଲୋକସଭାରୁ ବହିଷ୍କାର କରାଯାଇଛି । କହି ରଖୁଛୁ ଯେ ସଦାଚାର କମିଟି (Ethics committee) ଆଜି ଗୃହରେ ଏହି ପ୍ରସଙ୍ଗରେ ରିପୋର୍ଟ ଉପସ୍ଥାପନ କରିଥିଲା । ବିରୋଧୀ ସଦସ୍ୟମାନେ ଏହି ନିଷ୍ପତ୍ତିକୁ ବିରୋଧ କରି ବାହାରକୁ ଚାଲି ଯାଇଥିଲେ ।

ଏହାପୂର୍ବରୁ ଲୋକସଭାରସଦାଚାର କମିଟିର ରିପୋର୍ଟକୁ ନେଇ ଅଧ ଘଣ୍ଟାରୁ ଅଧିକ ସମୟ ଧରି ଆଲୋଚନା କରାଯାଇଥିଲା । ଏହି ସମୟରେ ବାଚସ୍ପତି ଓମ ବିର୍ଲା ମୈତ୍ରାଙ୍କୁ କହିବାର ସୁଯୋଗ ଦେଇନଥିଲେ । ସେ କହିଛନ୍ତି ଯେ ମୈତ୍ରା କମିଟି ସମ୍ମୁଖରେ ତାଙ୍କ ମତ ଉପସ୍ଥାପନ କରିଛନ୍ତି ।

କହିରଖୁଛୁ ଯେ ସଦାଚାର କମିଟି ଏହାର ରିପୋର୍ଟରେ ମୈତ୍ରାଙ୍କ ସଦସ୍ୟତା ରଦ୍ଦ କରିବାକୁ ଓ ଭାରତ ସରକାରଙ୍କ ଦ୍ୱାରା ଯାଞ୍ଚ କରିବାକୁ ସୁପାରିଶ କରିଛି । ରିପୋର୍ଟର ଉପସ୍ଥାପନା ପରେ କେନ୍ଦ୍ର ମନ୍ତ୍ରୀ ପ୍ରହ୍ଲାଦ ଯୋଶୀ ଏହା ଉପରେ ଆଲୋଚନା ପାଇଁ ଏକ ପ୍ରସ୍ତାବ ଉପସ୍ଥାପନ କରିଥିଲେ ।

TMC MP Mahua Moitra expelled from the Lok Sabha in 'cash for query' matter.

Ethics Committee report was tabled in the House today. pic.twitter.com/73dSVYFvOb

— ANI (@ANI) December 8, 2023

କ’ଣ କହିଛନ୍ତି ମହୂଆ ମୈତ୍ରା?
ସଂସଦର ସଦସ୍ୟତା ବାତିଲ ହେବାପରେ ମୈତ୍ରା କହିଛନ୍ତି ଯେ "ମୁଁ ଆଦାନୀଙ୍କ ପ୍ରସଙ୍ଗ ଉଠାଇଥିଲି, ଯେଉଁଥିପାଇଁ ମୋତେ ସଂସଦର ସଦସ୍ୟତାରୁ ବହିଷ୍କାର କରାଯାଇଛି । ନ ସଦାଚାର କମିଟି ଆଗରେ ମୋ ବିରୁଦ୍ଧରେ କୌଣସି ପ୍ରସଙ୍ଗ ନଥିଲା, କୌଣସି ପ୍ରମାଣ ନଥିଲା । ତାଙ୍କର କେବଳ ଗୋଟିଏ ପ୍ରସଙ୍ଗ ଥିଲା, ଯାହା ମୁଁ ଆଦାନୀଙ୍କ ପ୍ରସଙ୍ଗ ଉଠାଇଥିଲି ।"

#WATCH | "The Ethics Committee has no power to expel....This is the beginning of your(BJP) end," says Mahua Moitra after her expulsion as TMC MP. pic.twitter.com/WZsnqiucoE

— ANI (@ANI) December 8, 2023

କଂଗ୍ରେସ ଶୁକ୍ରବାର ଦିନ ମହୂଆ ମୈତ୍ରାଙ୍କ ବିରୋଧରେ ସଦାଚାର କମିଟି ରିପୋର୍ଟକୁ ଲୋକସଭାରେ 'ତ୍ୱରିତ ଢ଼ଙ୍ଗରେ' ଆଲୋଚନା କରାଯାଇଥିବା ଅଭିଯୋଗ କରିଛି । ଦଳ କହିଛି ଯେ ଏହା ‘ପ୍ରାକୃତିକ ନ୍ୟାୟ’ର ନୀତିର ଉଲ୍ଲଂଘନ । ସଦସ୍ୟମାନଙ୍କୁ ରିପୋର୍ଟ ପଢ଼ିବାକୁ ତିନି-ଚାରି ଦିନ ଦିଆଯାଇଥାନ୍ତା, ‘ଆକାଶ ଖସି ନଥାନ୍ତା’ ।

କ’ଣ କହିଲା ଟିଏମସି?
ଲୋକସଭାରେ ଆଲୋଚନାରେ ଅଂଶଗ୍ରହଣ କରିଥିବା ଟିଏମସି ସାଂସଦ କଲ୍ୟାଣ ବାନାର୍ଜୀ କହିଛନ୍ତି ଯେ ଏହା ନିୟମ ଓ ସମ୍ବିଧାନ ବିରୁଦ୍ଧରେ ଘଟୁଛି । ମହୂଆ ମୈତ୍ରାଙ୍କୁ କହିବାର ସୁଯୋଗ ଦିଆଯିବା ଉଚିତ୍ । ଯେତେବେଳେ କି  ବିଜେପି ସାଂସଦମାନେ କହିଛନ୍ତି ସେ ଜାତୀୟ ସୁରକ୍ଷା ଉଲ୍ଲଂଘନ କରିଛନ୍ତି ।