ଜାପାନର ଲ୍ୟାବରେ ଟେଷ୍ଟିଙ୍ଗ ସମୟରେ ଇଣ୍ଟରନେଟ୍ ସ୍ପିଡ୍ ପ୍ରତି ସେକେଣ୍ଡରେ ୩୧୯ ଟେରାବାଇଟ୍ ଥିଲା । ଏହା ସମସ୍ତ ପୁରୁଣା ରେକର୍ଡକୁ ଭାଙ୍ଗି ଦେଇଛି । ଏହି ସ୍ପିଡରେ ଉପଭୋକ୍ତାମାନେ ଏକ ସେକେଣ୍ଡରେ ୫୭ ହଜାର ଫିଲ୍ମ ଡାଉନଲୋଡ୍ କରିପାରିବେ ।
Trending Photos
5
12
11
13 "ପ୍ରତୀକାତ୍ମକ ଛବି")
ନୂଆଦିଲ୍ଲୀ: ଇଣ୍ଟରନେଟ୍ (Internet) ଆମ ଜୀବନକୁ ସହଜ କରିଦେଇଛି । ଗୋଟିଏ ପଟେ ଯେଉଁଠାରେ ଭାରତରେ ୫ଜି ଆସିବାକୁ ଯାଉଛି ଅନ୍ୟପଟେ ଚୀନ (China) ଓ ଆମେରିକାରେ (America) ୬ଜି ଟେଷ୍ଟିଙ୍ଗ ଆରମ୍ଭ ହୋଇଛି । କିନ୍ତୁ ଜାପାନ (Japan) ଏପରି ଏକ କାର୍ଯ୍ୟ କରିଛି ଯାହା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ । ଜାପାନର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଇନଫରମେସନ୍ ଆଣ୍ଡ କମ୍ୟୁନିକେସନ୍ ଟେକ୍ନୋଲୋଜି (NIICT) ଲ୍ୟାବରେ ଟେଷ୍ଟିଙ୍ଗ ସମୟରେ ଇଣ୍ଟରନେଟ୍ ସ୍ପିଡ୍ (Internet speed) ପ୍ରତି ସେକେଣ୍ଡରେ ୩୧୯ ଟେରାବାଇଟକୁ ଆସିଛି । ଏହା ସମସ୍ତ ପୁରେକର୍ଡକୁ ଭାଙ୍ଗି ଦେଇଛି । ଆପଣ ଏହାର ଗତି ଅନୁମାନ କରିପାରିବେ ଯେ ଉପଭୋକ୍ତାମାନେ ଏକ ସେକେଣ୍ଡରେ ୫୭ ହଜାର ଫିଲ୍ମ ଡାଉନଲୋଡ୍ କରିପାରିବେ । ଏହି ଗତି ସହିତ ସବୁଠୁ ବଡ ଫାଇଲ୍ ମଧ୍ୟ ଏକ ଚୁଟିକିରେ ଡାଉନଲୋଡ୍ ହେବ ।
ଗତ ବର୍ଷ ପ୍ରତି ସେକେଣ୍ଡରେ ସ୍ପିଡ଼ ୧୭୮ଟିବି ଆସିଥିଲା
ଗତ ବର୍ଷ ମଧ୍ୟ ସମାନ ଟେଷ୍ଟ କରାଯାଇଥିଲା, ଯେଉଁଥିରେ ସ୍ପିଡ଼ ପ୍ରତି ସେକେଣ୍ଡରେ ୧୭୮ ଟେରାବାଇଟ୍ (TB) ଥିଲା । ଗତ ବର୍ଷ ଜାପାନ ଓ ବ୍ରିଟେନର ଇଞ୍ଜିନିୟରମାନେ ଏହି ପରୀକ୍ଷା କରିଥିଲେ । ଜାପାନ ଚଳିତ ବର୍ଷ ଟେଷ୍ଟିଙ୍ଗ କରି ଏହି ରେକର୍ଡ ଭାଙ୍ଗିଛି ।
ଅଧିକ ପଢ଼ନ୍ତୁ: ପିଲାଙ୍କ ପାଇଁ ଜାରି ରହିଛି ଭେକ୍ସିନ ଟ୍ରାୟଲ, ଆସନ୍ତା ସପ୍ତାହରୁ ଦିଆଯିବ ଦ୍ୱିତୀୟ ଡୋଜ
ଅପ୍ଟିକାଲ୍ ଫାଇବର କେବୁଲ୍ କରାଯାଇଥିଲା ବ୍ୟବହୃତ
ଜାପାନର ଲ୍ୟାବରେ ଏହି ସ୍ପିଡ଼ ଜାଣିବା ପାଇଁ ଅପ୍ଟିକାଲ୍ ଫାଇବର କେବୁଲ୍ ବ୍ୟବହାର କରାଯାଇଛି । NIICT ୩୦୦୧ କିଲୋମିଟର ଲମ୍ବ ଏକ ଟ୍ରାନ୍ସମିସନ ଡିଜାଇନ୍ କରିଛି । ଟିମ୍ ବିଶ୍ୱାସ କରେ ଯେ ବର୍ତ୍ତମାନ ଅଧିକ ଗତି ହାସଲ କରାଯାଇପାରିବ । ଆମେ ଆପଣଙ୍କୁ କହିବୁ ଯେ ଆମେରିକାର ସ୍ପେସ୍ ଏଜେନ୍ସି ନାସା ପ୍ରତି ସେକେଣ୍ଡରେ ୪୪୦ ଗିଗାବାଇଟ ବେଗରେ ଇଣ୍ଟରନେଟ୍ ବ୍ୟବହାର କରେ । ଯେତେବେଳେ କି ଭାରତର ଅଧିକାଂଶ ବ୍ରଡବ୍ୟାଣ୍ଡ ଗତି ପ୍ରାୟ ୫୧୨ କେବିପିଏସ ରୁ ଅଧିକ ନୁହେଁ ।
