close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

'୧୫ ସ୍ୱାଧୀନ ବିଧାୟକ ବିଜେପିରେ ମିଶିବା ପାଇଁ ପ୍ରସ୍ତୁତ'

ମହାରାଷ୍ଟ୍ରରେ ପୁଣି ସରକାର ଗଢିବ ବିଜେପି-ଶିବସେନା ମେଣ୍ଟ । ଭୋଟ ଗଣତି ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ, ଏକଥା ଗୋଟିଏ ପ୍ରକାର ସ୍ପଷ୍ଟ ହେଉଛି । ସମୁଦାୟ ୧୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରୁ ୧୬୦ରୁ ଉର୍ଦ୍ଧ୍ୱ ଆସନରେ ମେଣ୍ଟ ଆଗୁଆ ରହିଛି । ତେବେ ବହୁ ସ୍ୱାଧିନ ବିଧାୟକ ମଧ୍ୟ ବିଜେପିରେ ମିଶିବାକୁ ପ୍ରସ୍ତୁତ ଥିବା କହିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । 

'୧୫ ସ୍ୱାଧୀନ ବିଧାୟକ ବିଜେପିରେ ମିଶିବା ପାଇଁ ପ୍ରସ୍ତୁତ'
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ମହାରାଷ୍ଟ୍ରରେ ପୁଣି ସରକାର ଗଢିବ ବିଜେପି-ଶିବସେନା ମେଣ୍ଟ । ଭୋଟ ଗଣତି ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ, ଏକଥା ଗୋଟିଏ ପ୍ରକାର ସ୍ପଷ୍ଟ ହେଉଛି । ସମୁଦାୟ ୧୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରୁ ୧୬୦ରୁ ଉର୍ଦ୍ଧ୍ୱ ଆସନରେ ମେଣ୍ଟ ଆଗୁଆ ରହିଛି । ତେବେ ବହୁ ସ୍ୱାଧିନ ବିଧାୟକ ମଧ୍ୟ ବିଜେପିରେ ମିଶିବାକୁ ପ୍ରସ୍ତୁତ ଥିବା କହିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । 

ଆଜି ମହାରାଷ୍ଟ୍ର ମୁଖ୍ୟମନ୍ତ୍ରୀ କହିଛନ୍ତି, ସ୍ୱାଧିନ ପ୍ରାର୍ଥୀ ଭାବରେ ନିର୍ବାଚନ ଲଢି ବିଜୟ ହାସଲ କରିଥିବା ବହୁ ବିଧାୟକ ବିଜେପିରେ ମିଶିବାକୁ ପ୍ରସ୍ତୁତ ଅଛନ୍ତି । କମ୍ ସେ କମ୍ ୧୫ ଜଣ ସ୍ୱାଧିନ ବିଧାୟକ ବିଜେପିରେ ମିଶିପାରନ୍ତି । ଏମାନଙ୍କ ମଧ୍ୟରୁ ବହୁ ବିଧାୟକ ବିଜେପି ଏବଂ ଶିବସେନାର ବିଦ୍ରୋହୀ ପ୍ରାର୍ଥୀ ଥିଲେ ବୋଲି କହିଛନ୍ତି ଫଡନାଭିସ । 

ଫଡନାଭିସଙ୍କ କହିବା କଥା ହେଲା, ଏବେ ଏହି ୧୫ ସ୍ୱାଧୀନ ବିଧାୟକ ବିଜେପି ସହ ଯୋଗାଯୋଗରେ ଅଛନ୍ତି । ଖୁବଶୀଘ୍ର ଏମାନେ ଦଳରେ ସାମିଲ ହେବେ । ଅନ୍ୟ କିଛି ସ୍ୱାଧିନ ବିଧାୟକ ମଧ୍ୟ ଦଳରେ ସାମିଲ ହୋଇପାରନ୍ତି । ତେବେ ରାଜ୍ୟରେ ବିଜେପି-ଶିବସେନା ମେଣ୍ଟ ଉପରେ ଲୋକେ ଆସ୍ଥାପ୍ରକଟ କରିଥିବାରୁ ସେ କୃତଜ୍ଞତା ଜଣାଇଛନ୍ତି । 

ଗୁରୁତ୍ୱପୂର୍ଣ୍ଣ କଥା ହେଲା, ମହାରାଷ୍ଟ୍ରରେ ବିଜେପି-ଶିବସେନା ମେଣ୍ଟକୁ ବହୁମତ ମିଳିଛି ସତ । ହେଲେ ରାଜ୍ୟ ସରକାରଙ୍କ ୬ ମନ୍ତ୍ରୀ ଏହି ନିର୍ବାଚନରେ ପରାଜୟ ବରଣ କରିଛନ୍ତି । ଯାହାକୁ ନେଇ ଆସନ୍ତାକାଲିଠୁ ତର୍ଜମା କରାଯିବ ବୋଲି କହିଛନ୍ତି ଫଡନାଭିସ । ସେହିପରି ସତାରା ଲୋକସଭା ଉପନିର୍ବାଚନରେ ଦଳର ପରାଜୟ ତାଙ୍କୁ ଆଚମ୍ବିତ କରିଥିବା ସେ କହିଛନ୍ତି । ଆସନ୍ତା ୫ ବର୍ଷ ପର୍ଯ୍ୟନ୍ତ ରାଜ୍ୟରେ ଏକ ଦୃଢ ସରକାର ଗଠନ ହେବ ଦୃଢକ୍ତି ମଧ୍ୟ କରିଛନ୍ତି ।

ଗତ ୨୦୧୪ ବିଧାନସଭା ନିର୍ବାଚନରେ ୨୬୦ ଆସନରେ ପ୍ରତିଦ୍ୱନ୍ଦିତା କରିଥିଲା ବିଜେପି । ୧୨୨ ଆସନରେ ବିଜୟୀ ହୋଇଥିଲା । ହେଲେ ଏଥର ୧୫୦ ଆସନରେ ପ୍ରାର୍ଥୀ ଦେଇ ୧୦୦ରୁ ଉର୍ଦ୍ଧ୍ୱ ଆସନରେ ବିଜୟୀ ହେବା ଆଶା କରାଯାଉଛି । ଆଉ କିଛି ସମୟ ପରେ ପୁରା ଚିତ୍ର ସ୍ପଷ୍ଟ ହୋଇଯିବ ।