ରାତିପାହିଲେ ଆରମ୍ଭ ହେବ ବିଶ୍ୱପ୍ରସିଦ୍ଧ ଧନୁଯାତ୍ରା, କଂସ ରଡ଼ିରେ କମ୍ପିବ ବରଗଡ

ରାତିପାହିଲେ ଆରମ୍ଭ ହେବ ବିଶ୍ୱପ୍ରସିଦ୍ଧ ଧନୁଯାତ୍ରା, କଂସ ରଡ଼ିରେ କମ୍ପିବ ବରଗଡ

ଆସନ୍ତାକାଲି ଠାରୁ ବରଗଡରେ ଆରମ୍ଭ ହେବ ବିଶ୍ୱପ୍ରସିଦ୍ଧ ଧନୁଯାତ୍ରା

ରାତିପାହିଲେ ଆରମ୍ଭ ହେବ ବିଶ୍ୱପ୍ରସିଦ୍ଧ ଧନୁଯାତ୍ରା, କଂସ ରଡ଼ିରେ କମ୍ପିବ ବରଗଡ

ବରଗଡ:  ଆସନ୍ତାକାଲି ଠାରୁ ବରଗଡରେ ଆରମ୍ଭ ହେବ ବିଶ୍ୱପ୍ରସିଦ୍ଧ ଧନୁଯାତ୍ରା । ଦୀର୍ଘ ୧୧ ଦିନ ଧରି ଖୋଲାରଙ୍ଗମଞ୍ଚରେ ଅଭିନୀତ ହେବ ଏହି ପୌରାଣିକ କଥାବସ୍ତୁ । ହାଟପଦାରେ ରାଜଦରବାର ଓ ନିଶାମଣୀ ସ୍କୁଲ ପଡିଆରେ ଅନୁଷ୍ଠିତ ହେବ ରଙ୍ଗମହଲ । ସେହିପରି ପ୍ରତି ବର୍ଷ ପରି ଅମ୍ବାପାଲି ହେବ ଗୋପପୁର । ପ୍ରସ୍ତୁତି କାର୍ଯ୍ୟ ଏବେ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ରାଜ୍ୟ ତଥା ରାଜ୍ୟ ବାହାରର ୧୧୩୦ ରୁ ଅଧିକ ସାଂସ୍କୃତିକ ଦଳ ଏଥିରେ ଯୋଗଦେବେ ।

ଧନୁଯାତ୍ରା ପାଇଁ  ଉତ୍ସବମୁଖର ବରଗଡ ସହର । ମଙ୍ଗଳବାରରୁ ହେବାକୁ ଥିବା ବିଶ୍ୱପ୍ରସିଦ୍ଧ ଧନୁଯାତ୍ରା ପାଇଁ ଚଳଚଞ୍ଚଳ ହୋଇଉଠିଛି ବରଗଡ । ଖୋଲାରଙ୍ଗମଞ୍ଚରେ ଦୀର୍ଘ ୧୧ ଦିନ ଧରି ଚାଳିବ ଧନୁଯାତ୍ରା । ପୁରାଣ ବର୍ଣ୍ଣିତ ଶ୍ରୀକୃଷ୍ଣଙ୍କ ବାଲ୍ୟଲୀଳା ପ୍ରତ୍ୟେକଟି ଦୃଶ୍ୟ ଅଭିନିତ ହେବ ଖୋଲା ରଙ୍ଗମଞ୍ଚରେ । ମହାରାଜା ଉଗ୍ରସେନଙ୍କ  ଗାଦିଚ୍ୟୁତ, ଯୁବରାଜରୁ ମଥୁରାପତି କଂସ, ଦେବକୀ ବାସୁଦେବଙ୍କ ରାଜକୀୟ ଉତ୍ସବ, ଦେବକୀ ବାସୁଦେବଙ୍କୁ କାରାଗାରରେ ବନ୍ଦ, ଦେବକୀଙ୍କ ଅଷ୍ଟମଗର୍ଭରୁ ଶ୍ରୀକୃଷ୍ଣଙ୍କ ଜନ୍ମ, ନନ୍ଦୋତ୍ସବ, ପୁତନା ବଦ୍ଧ ଆଦି ଦୃଶ୍ୟରେ ୧୧ ଦିନ ଧରି ଗର୍ଜିବ ଉଠିବ ବରଗଡ ସହର । ଏଥିସହ କାଳୀୟ ଦଳନ, ବତ୍ସାହରଣ, ନବକେଳି, ଆଦି ଦୃଶ୍ୟରେ ଉଛୁଳି ଉଠିବ ଅମ୍ବାପାଲି ଗାଁ ଦାଣ୍ଡ । ଆଉ ତାସାଙ୍ଗକୁ ରାଜ୍ୟ ବାହାରର ସାଂସ୍କୃତିକ ଦଳ ମାନଙ୍କ ସାଂସ୍କୃତିକ କାର୍ଯ୍ୟକ୍ରମର ମଧ୍ୟ ମଜା ନେବେ ଦର୍ଶକ ।

ତେବେ ଧନୁଯାତ୍ରାରେ ନିଖୁଣ ଅଭିନୟ ପାଇଁ କଳାକାର ମାନେ ମଧ୍ୟ ପ୍ରସ୍ତୁତ ହୋଇସାରିଲେଣି । ସେପଟେ ମହାରାଜାଙ୍କ ରାଜ ଦରବାର, ରଙ୍ଗମହଲ  ନିର୍ମାଣ କାମ ଶେଷ ପର୍ଯ୍ୟାୟରେ ପହଞ୍ଚିଛି । ଡିସେମ୍ବର ୩୧ ତାରିଖରୁ ଜାନୁୟାରୀ ୧୦ ତାରିଖ ପର୍ଯ୍ୟନ୍ତ ବରଗଡ ଠାରେ ଚାଲିବ ବିଶ୍ୱପ୍ରସିଦ୍ଧ ଧନୁଯାତ୍ରା । ଏହାକୁ ଅଧିକ ଆକର୍ଷଣୀୟ କରିବାକୁ ଉଦ୍ୟମ ଚଳାଇଛି ଧନୁଯାତ୍ରା ମହୋତ୍ସବ କମିଟି । 

Trending news