• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଲତିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଲ୍ୟାଣ୍ଡଫଲ କଲା ସିଭିୟର ସାଇକ୍ଲୋନିକ ଷ୍ଟର୍ମ 'ବୁଲବୁଲ୍'

ସ୍ଥଳଭାଗ ଛୁଇଁଲା ବଙ୍ଗୋପସାଗରରେ ସୃଷ୍ଟ ଭେରି ସିଭିୟରି ସାଇକ୍ଲୋନିକ ଷ୍ଟର୍ମ ବୁଲବୁଲ୍

ଲ୍ୟାଣ୍ଡଫଲ କଲା ସିଭିୟର ସାଇକ୍ଲୋନିକ ଷ୍ଟର୍ମ 'ବୁଲବୁଲ୍'
file photo

ବିଭୂତି ଭୂଷଣ ଦାସ, ଭୁବନେଶ୍ୱର: ସ୍ଥଳଭାଗ ଛୁଇଁଲା ବଙ୍ଗୋପସାଗରରେ ସୃଷ୍ଟ ଭେରି ସିଭିୟର ସାଇକ୍ଲୋନିକ ଷ୍ଟର୍ମ ବୁଲବୁଲ୍ । ପଶ୍ଚିମବଙ୍ଗ ଓ ବାଙ୍ଗଲାଦେଶ ମଝିରେ ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ କରିଛି ବାତ୍ୟା । ଲ୍ୟାଣ୍ଡଫଲ ସମୟରେ ପବନର ବେଗ ରହିଛି ୧୨୦ କିମି, ମଝିରେ ମଝିରେ ପବନର ବେଗ ବଢି ୧୪୦ କିମି ହେଉଛି । ତିନି ଘଣ୍ଟା ଧରି ଚାଲିବ ଏହି ଲ୍ୟାଣ୍ଡଫଲ ପ୍ରକ୍ରିୟା । ସ୍ୱତନ୍ତ୍ର ରିଲିଫ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।  ଏହାର ପ୍ରଭାବରେ ବାଲେଶ୍ୱର ଜିଲ୍ଲାରେ ତିନି ଘଣ୍ଟା ଧରି ପ୍ରବଳ ବର୍ଷା ଜାରି ରହିବ । ତିନି ଘଣ୍ଟା ଧରି ପ୍ରଳୟ ରଚିବା ପରେ ଦୁର୍ବଳ ହେବ ବାତ୍ୟା । 

ସେପେଟେ ଗତ ୨୪ ଘଣ୍ଟାରେ ସର୍ବାଧିକ ରାଜନଗରରେ ୧୮୦ ମିଲିମିଟର ଓ ଚାନ୍ଦବାଲିରେ ୧୫୦ ମିଲିମିଟର ବର୍ଷା ରେକର୍ଡ ହୋଇଛି । ଏହାସହ ସୁରକ୍ଷା ଦୃଷ୍ଟିରୁ ୨୫ଶହ ଲୋକଙ୍କୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନରେ ରନ୍ଧାଖାଦ୍ୟ ଦିଆଯାଉଥିବା ସହ ଯୋଗାଯୋଗ ବିଚ୍ଛିନ୍ନ, ବିଦ୍ୟୁତ ଖୁଣ୍ଟ ଏବଂ ଘର ଭାଙ୍ଗିଥିବା ସ୍ଥାନରେ ପୁନରୁଦ୍ଧାର କାର୍ଯ୍ୟ ଚାଲୁଥିବା ଏସଆରସି ପ୍ରଦୀପ ଜେନା କହିଛନ୍ତି । 

ଭଦ୍ରକରେ ଏକ ଡଙ୍ଗା ବୁଡିଥିବା ବେଳେ ଏଥିରେ ଥିବା ୯ ଜଣଙ୍କୁ ଉଦ୍ଧାର କରାଯାଇଛି । କୌଣସି ସ୍ଥାନରେ ଜନହାନୀ ହୋଇନଥିବା ବେଳେ କୃଷି କ୍ଷୟକ୍ଷତି ନେଇ ରିପୋର୍ଟ ମଗାଯାଇଥିବା ସେ କହିଛନ୍ତି । ଏହାସହ ଉପକୂଳ ଓଡ଼ିଶା ବାଦ ବାକି ଜିଲ୍ଲାରେ ବିଶେଷ ପ୍ରଭାବ ପଡିନଥିବା ଏସଆରସି କହିଛନ୍ତି ।
ତେବେ ରବିବାର ଠାରୁ ପାଗ ପ୍ରାୟତଃ ଶୁଖିଲା ରହିବା ସହ କାଁ ଭାଁ କିଛି ସ୍ଥାନରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି । କିନ୍ତୁ ସମୁଦ୍ର ଅଶାନ୍ତ ହେତୁ ମସ୍ତ୍ରଜୀବୀଙ୍କୁ ୧୦ ତାରିଖ ଯାଏଁ ସମୁଦ୍ର ପ୍ରବେଶ ନେଇ ବାରଣ କରାଯାଇଛି ଏବଂ ବନ୍ଦର ଗୁଡିକରେ ୩ ନମ୍ବର ବିପଦ ସଂକେତ ମଧ୍ୟ ବଳବତ୍ତର ରଖାଯାଇଛି ।