close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କଂଗ୍ରେସ ମୁକ୍ତ ହେଲା ନେହେରୁ ମେମୋରିଆଲ

କଂଗ୍ରେସ ମୁକ୍ତ ହୋଇଛି ନେହେରୁ ମେମୋରିଆଲ । ଏହି ମେମୋରିଆଲର ସଦସ୍ୟ ଥିବା ୩ କଂଗ୍ରେସ ନେତାଙ୍କୁ ପୁନର୍ଗଠନ ବେଳେ ବାଦ ଦିଆଯାଇଛି ।

କଂଗ୍ରେସ ମୁକ୍ତ ହେଲା ନେହେରୁ ମେମୋରିଆଲ
ଫାଇଲ ଫଟୋ

ନୂଆଦିଲ୍ଲୀ: କଂଗ୍ରେସ ମୁକ୍ତ ହୋଇଛି ନେହେରୁ ମେମୋରିଆଲ । ଏହି ମେମୋରିଆଲର ସଦସ୍ୟ ଥିବା ୩ କଂଗ୍ରେସ ନେତାଙ୍କୁ ପୁନର୍ଗଠନ ବେଳେ ବାଦ ଦିଆଯାଇଛି । ଦେଶର ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ସ୍ମୃତିରେ ତିଆରି ହୋଇଥିବା ଏହି ମେମୋରିଆଲରେ ଏବେ ଆଉ ଜଣେ ମଧ୍ୟ କଂଗ୍ରେସ ନେତା ସଦସ୍ୟ ନାହାଁନ୍ତି । 

ନେହେରୁ ମେମୋରିଆଲ ମ୍ୟୁଜିୟମ ଏବଂ ଲାଇବ୍ରେରୀ ସୋସାଇଟିର ହେଲା ପୁନର୍ଗଠନ । ସାସ୍କୃତିକ ମନ୍ତ୍ରଣାଳୟ ଏହାର ପୁନର୍ଗଠନ କରିଛି । ଏଥିରେ ସଦସ୍ୟ ଥିବା କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ, କରଣ ସିଂହ ଏବଂ ଜୟରାମ ରମେଶଙ୍କୁ ଏଥର ସୋସାଇଟିରୁ ବାଦ ଦିଆଯାଇଛି । ବିଜେପି ନେତା ଅନିର୍ବନ ଗାଙ୍ଗୁଲି, ଗୀତିକାର ପ୍ରସୁନ ଯୋଶୀ ଏବଂ ସାମ୍ବାଦିକ ରଜତ ଶର୍ମାଙ୍କୁ ଏଥିରେ ନୂଆକରି ସ୍ଥାନ ମିଳିଛି । 

ନେହେରୁ ମେମୋରିଆଲ ମ୍ୟୁଜିୟମ ଏବଂ ଲାଇବ୍ରେରୀ ସୋସାଇଟିର ଅଧ୍ୟକ୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଛନ୍ତି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଉପଧ୍ୟକ୍ଷ ଅଛନ୍ତି । ସେହିପରି ଗୃହମନ୍ତ୍ରୀ ଅମିତ ଶାହ, ଅର୍ଥମନ୍ତ୍ରୀ ନିର୍ମଳା ସୀତାରମଣ ଏବଂ ପରିବେଶ ମନ୍ତ୍ରୀ ପ୍ରକାଶ ଜାଭେଡକର ଏହାର ସଦସ୍ୟ ରହିଛନ୍ତି । ପ୍ରଥମ ଥର ପାଇଁ କଂଗ୍ରେସ ମୁକ୍ତ ହୋଇଛି ଏହି ମେମୋରିଆଲ । ତେବେ ସରକାରଙ୍କ ଏହି ନିଷ୍ପତ୍ତିକୁ କଂଗ୍ରେସ ନେତା ବିରୋଧ କରିବା ନେଇ ଅନୁମାନ କରାଯାଉଛି ।