close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଭାରତର କାର୍ଯ୍ୟାନୁଷ୍ଠାନରେ ପାକ୍ ଛାନିଆ, ଧ୍ୱଂସର ସତ୍ୟତା ଲୁଚାଇବାକୁ ଲାଗିପଡିଛି ସେନା

କ୍ରମାଗତ ଅସ୍ତ୍ରବିରତ ଉଲଙ୍ଘନ କରିଚାଲିଛି ପାକିସ୍ତାନ । ବିଗତ ଗୋଟିଏ ସପ୍ତାହ ଧରି ସୀମାରେ ଲଗାତର ଗୁଳି ବର୍ଷଣ କରି ଚାଲିଥିଲା ପାକ୍ ସେନା । ଯାହାର ମୁହଁତୋଡ଼ ଜବାବ ଦେଇଛି ଭାରତୀୟ ସେନା । ସେନାର ପାଲଟା ଆକ୍ରମଣରେ ପାକିସ୍ତାନ ଆତଙ୍କିତ ହୋଇ ପଡିଛି । 

ଭାରତର କାର୍ଯ୍ୟାନୁଷ୍ଠାନରେ ପାକ୍ ଛାନିଆ, ଧ୍ୱଂସର ସତ୍ୟତା ଲୁଚାଇବାକୁ ଲାଗିପଡିଛି ସେନା
PAK ARMY

ନୂଆଦିଲ୍ଲୀ: କ୍ରମାଗତ ଅସ୍ତ୍ରବିରତ ଉଲଙ୍ଘନ କରିଚାଲିଛି ପାକିସ୍ତାନ । ବିଗତ ଗୋଟିଏ ସପ୍ତାହ ଧରି ସୀମାରେ ଲଗାତର ଗୁଳି ବର୍ଷଣ କରି ଚାଲିଥିଲା ପାକ୍ ସେନା । ଯାହାର ମୁହଁତୋଡ଼ ଜବାବ ଦେଇଛି ଭାରତୀୟ ସେନା । ସେନାର ପାଲଟା ଆକ୍ରମଣରେ ପାକିସ୍ତାନ ଆତଙ୍କିତ ହୋଇ ପଡିଛି । 

ଭାରତର ପାଲଟା ଆକ୍ରମଣରେ ପାକ୍ ସେନାର ୬ ଯବାନ ନିହତ ହୋଇଛି । ୩ଟି ଆତଙ୍କୀ କ୍ୟାମ୍ପ ଧ୍ୱଂସ ହେବା ସହ ଆତଙ୍କୀ ମଧ୍ୟ ନିପାତ ହୋଇଛି । ଯାହାର ସତ୍ୟତା ଲୁଚାଇବାକୁ ପାକ୍ ଲାଗିପଡିଛି । ଭାରତୀୟ ସେନା ଦ୍ୱାରା ପିଓକେରେ କରାଯାଇଥିବା ବଡ଼ କାର୍ଯ୍ୟାନୁଷ୍ଠାନକୁ ଲୁଚାଇବାକୁ ପ୍ରୟାସ କରୁଛି ପାକିସ୍ତାନର ସେନା ଓ ମିଡିଆ । 

ଭାରତ ତରଫରୁ କରାଯାଇଥିବା ପାଲଟା ଆକ୍ରମଣରେ ପିଓକରେ ବହୁ ଆତଙ୍କୀ କ୍ୟାମ୍ପ ଧ୍ୱସ୍ତ ହୋଇଥିଲା । ଅନ୍ୟପକ୍ଷେ ପାକ୍ ସେନା ଏହାକୁ ଅସ୍ୱୀକାର କରିଛି । ସେନାର ପ୍ରବକ୍ତା ଆସିଫ ଗଫୁର ରବିବାରରୁ ହିଁ ଭାରତ ବିରୋଧରେ ଟ୍ୱିଟ କରୁଛନ୍ତି । ସେ ଦାବି କରିଛନ୍ତି ଯେ, ଭାରତ ଯେଉଁ ଆତଙ୍କୀ କ୍ୟାମ୍ପ ଧ୍ୱଂସ କରିବା କଥା କହୁଛି, ସେଥିରେ କୌଣସି ସତ୍ୟତା ନାହିଁ । ପିଓକେରେ ଏପରି କୌଣସି କ୍ୟାମ୍ପର ଅସ୍ତିତ୍ୱ ହିଁ ନାହିଁ । ଏତିକି ନୁହଁ ସେ ବିଦେଶୀ ମିଡିଆକୁ ଏହାର ନିରୀକ୍ଷଣ କରିବା ପାଇଁ ଆମନ୍ତ୍ରିତ କରିଛନ୍ତି । 

ପାକିସ୍ତାନ ସେନାର ମିଛ ସହ ସେଠାକାର ଗଣମାଧ୍ୟମ ମଧ୍ୟ ସାଥ୍ ଦେଉଛି । ସେନା ପ୍ରମୁଖ ବିପିନ ରାଓତ କହିଛନ୍ତି ଯେ, ଭାରତର ଏକଶନରେ ୫-୬ ପାକ୍ ସେନାର ଯବାନ ନିହତ ହୋଇଛନ୍ତି । କିନ୍ତୁ ସେଠାକାର ମିଡିଆ ଏହାକୁ ଲୁଚାଉଛି । ଆଉଁ କ୍ରମାଗତ ଦାବି କରୁଛି ଯେ, ପାକିସ୍ତାନର ଏକଶନରେ ଭାରତରେ ବହୁତ କ୍ଷତି ହୋଇଛି । ଏହାସହ ବହୁ ଭାରତୀୟ ଯବାନ ଶହୀଦ ହୋଇଛନ୍ତି ବୋଲି ପାକ୍ ମିଡିଆ ଦାବି କରିଛି । ଏତିକି ନୁହଁ ସେଠାକାର ମିଡିଆ ଫେକ୍ ଫଟୋକୁ ଭାଇରାଲ କରୁଛି । ୨୦୧୪ରେ ଭାରତରେ ହୋଇଥିବା ନକ୍ସଲ ଆକ୍ରମଣର ଏକ ଫଟୋକୁ ପାକ୍ ମିଡିଆ ରବିବାରର ଫଟୋ ବୋଲି କହୁଛି ।  

ଆପଣଙ୍କୁ ଏଠାରେ କହି ରଖୁଛୁ ଯେ, ରବିବାର ପାକିସ୍ତାନ ଜମ୍ମୁ କାଶ୍ମୀରର କୁପୱାଡା ସ୍ଥିତ ତଙ୍ଗାଧର ସେକ୍ଟରରେ ଅସ୍ତ୍ର ବିରତି ଉଲଙ୍ଘନ କରିଥିଲା ।  ଏଥିରେ ୨ ଭାରତୀୟ ଯବାନ ଶହୀଦ ହୋଇଥିଲେ ।  ଏହା ବ୍ୟତୀତ ୧ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା ।  ଅନ୍ୟପଟେ ସେନାର ଯବାନ ସମେତ ୮ ଜଣ ଆହତ ହୋଇଥିଲା  ।