Trending Photos
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୧୧ତମ ବ୍ରିକ୍ସ ଶିଖର ସମ୍ମିଳନୀ ସାମିଲ ହେବା ପାଇଁ ମଙ୍ଗଳବାର ବ୍ରାଜିଲ ଗସ୍ତରେ ଯାଇଛନ୍ତି । ବ୍ରିକ୍ସ ଶିଖର ସମ୍ମିଳନୀ ୧୩-୧୪ ନଭେମ୍ୱର ଯାଏ ବ୍ରାଜିଲରେ ଆୟୋଜିତ ହେବାର ଅଛି । ଏଥର ଏହି ସମ୍ମିଳନୀରେ ଥିମ ହେଉଛି 'ନବୋନ୍ମେଷୀ ଭବିଷ୍ୟ ପାଇଁ ଆର୍ଥିକ ବୃଦ୍ଧି' ।
ପ୍ରଧାନମନ୍ତ୍ରୀ କାର୍ଯ୍ୟାଳୟ ତରଫରୁ ବୟାନ ଜାରି କରି କୁହାଯାଇଛି ଯେ ପିଏମ ମୋଦି ଷଷ୍ଠ ଥର ବ୍ରିକ୍ସ ଶିଖର ସମ୍ମିଳନୀରେ ସାମିଲ ହେବାକୁ ଯାଇଛନ୍ତି । ସେ ପ୍ରଥମ ଥର ୨୦୧୪ରେ ବ୍ରାଜିଲରେ ଫୋର୍ଟଲୀଜାରେ ହୋଇଥିବା ବ୍ରିକ୍ସ ଶିଖର ସମ୍ମିଳନୀରେ ସାମିଲ ହୋଇଥିଲେ । ମୋଦି ବ୍ରାଜିଲ ଗସ୍ତ ପୂର୍ବରୁ ଟ୍ୱିଟ କରି କହିଛନ୍ତି ଯେ ମୁଁ ୧୩-୧୪ ଯାଏ ବ୍ରିକ୍ସ ଶିଖର ସମ୍ମିଳନୀରେ ଭାଗ ନେବା ପାଇଁ ଯାଉଛି । ଏହି ଶିଖର ସମ୍ମିଳନର ଥିମ ହେଉଛି ନବୋନ୍ମେଷୀ ଭବିଷ୍ୟ ପାଇଁ ଆର୍ଥିକ ବୃଦ୍ଧି । ମୁଁ ବ୍ରିକ୍ସ ନେତାଙ୍କ ସହ ବିବିଧ ବିଷୟ ଉପରେ ବ୍ୟାପକ ସହଯୋଗ ସମ୍ୱନ୍ଧରେ ଚର୍ଚ୍ଚାକୁ ନେଇ ଆଶାବାନ ରହିଛି ।
I would be taking part in this year’s BRICS Summit being held in Brazil on 13th and 14th November. The Summit’s theme is ‘Economic growth for an innovative future.’ I look forward to holding discussions with BRICS leaders on greater cooperation in a wide range of areas.
— Narendra Modi (@narendramodi) November 12, 2019
ଏହି ଗସ୍ତରେ ଭାରତର ଉଦ୍ୟୋଗପତିଙ୍କ ଏକ ବଡ ପ୍ରତିନିଧି ମଣ୍ଡଳ ମଧ୍ୟ ଉପସ୍ଥିତ ରହି ପାରେ । ଏହି ପ୍ରତିନିଧି ମଣ୍ଡଳ ବ୍ରିକ୍ସ ବିଜନେସ ଫୋରମରେ ବିଶେଷ ରୂପେ ସାମିଲ ହେବ । ଯେଉଁଠି ୫ଟି ଦେଶର ବ୍ୟବସାୟୀକ ସମୁଦାୟ ଉପସ୍ଥିତ ରହିବେ । ପିଏମ ମୋଦି ଋଷିଆର ରାଷ୍ଟ୍ରପତି ଭ୍ଲାଦିମୀର ପୁଟିନ ଓ ଚୀନର ରାଷ୍ଟ୍ରପତି ଶି ଜିନପିଙ୍ଗଙ୍କ ସହ ପୃଥକ ପୃଥକ ଭାବେ ସାକ୍ଷାତ କରିବେ । ସେମାନେ ବ୍ରିକ୍ସ ଶିଖର ସମ୍ମିଳନୀର ସମାପନ ଉତ୍ସବରେ ସାମିଲ ହେବେ । ବ୍ରିକ୍ସ ହେଉଛି ୫ଟି ବିକାଶଶୀଳ ଦେଶର ସମୂହ, ଯେଉଥିରେ ବ୍ରାଦିଲ, ଋଷିଆ, ଭାରତ, ଚୀନ ଓ ଦକ୍ଷିଣ ଆଫ୍ରିକା ସାମିଲ ରହିଛି ।