ପଶ୍ଚିମବଙ୍ଗ ଲକଡାଉନ ଅବଧି ବଢାଇଲେ ଦିଦି

ନୂଆଦିଲ୍ଲୀ: ଦେଶରେ କୋରୋନା ପାଇଁ ଦ୍ୱିତୀୟ ପର୍ଯ୍ୟାୟ ଲକଡାଉନ ସ୍ଥିତି ଜାରି ରହିଛି। ଏହି ଲକଡାଉନର ଅବଧି ଆସନ୍ତା ୩ ତାରିଖରେ ଶେଷ ହେବାକୁ ଯାଉଛି। ତେବେ ଏହି ଅବଧି ଶେଷ ହେବା ପୂର୍ବରୁ ପଶ୍ଚିମ ବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଲକଡାଉନ ଅବଧିକୁ ବୃଦ୍ଧି କରିଛନ୍ତି। ଆସନ୍ତା ୩ ତାରିଖରେ ଶେଷ ହେବାକୁ ଥିବା ଏହି ଅବଧି ଆସନ୍ତା ୨୧ ତାରିଖ ପର୍ଯ୍ୟନ୍ତ ଘୁଞ୍ଚାଇ ଦେଇଛନ୍ତି ମମତା। 

ମମତା କହିଛନ୍ତି କି, ଆଜି ପ୍ରଧାନମନ୍ତ୍ରୀଙ୍କ ସହିତ ଆଲୋଚନା କରିବା ପରେ ଲକଡାଉନ ବୃଦ୍ଧି ନେଇ ସେ ସଂକେତ ଦେଇଥିଲେ। ସ୍ଥିତିକୁ ଅନୁଧ୍ୟାନ କରାଯିବା ପରେ ଦେଶରେ କେଉଁ ସ୍ଥାନରେ ଲକଡାଉନକୁ ବଜାୟ ରଖାଯିବ, ସେନେଇ ପ୍ରଧାନମନ୍ତ୍ରୀ ସୂଚନା ଦେଇଛନ୍ତି। ତେବେ ବର୍ତ୍ତମାନ ସ୍ଥିତିରେ କିଛି ଲକଡାଉନ ନିୟମରେ କିଛିଟା କୋହଳ କରାଯିବ। ବର୍ତ୍ତମାନ ପଶ୍ଚିମବଙ୍ଗରେ ସ୍ଥିତି ଗମ୍ଭୀର ରହିଛି। ଫଳରେ ସ୍ଥିତିକୁ ସ୍ୱାଭାବିକ ହେବା ପର୍ଯ୍ୟନ୍ତ ରାଜ୍ୟରେ ଲକଡାଉନ ଜାରି ରହିବ ବୋଲି ମମତା ଘୋଷଣା କରିଛନ୍ତି। 

ସେ ଆହୁରି ମଧ୍ୟ କହିଛନ୍ତି କି, ରାଜ୍ୟ ସରକାର କାର୍ଯ୍ୟକାରୀ କର୍ତ୍ତୃପକ୍ଷ। ଯେତେବେଳେ ଆମେ ଭଲ କାମ କରୁ, କେହି ଶ୍ରେୟ ଦିଅନ୍ତି ନାହିଁ, କିନ୍ତୁ ଯେତେବେଳେ କିଛି ଭୁଲ ହୁଏ ସେତେବେଳେ ସେମାନେ ବଡ଼ କଥା କହିବେ।" ସେ କହିଛନ୍ତି, "କିଟ୍ ସହିତ ଆମର ଯେଉଁ ସମସ୍ୟା ରହିଛି, ତାହା ଆପଣ ଦେଖିଥିବେ। ଯେଉଁମାନଙ୍କର ଘର ଅଛି ସେମାନଙ୍କୁ ପୃଥକ କରିବା ପାଇଁ ଆମେ ନିଷ୍ପତ୍ତି ନେଇଛୁ ଆମେ ସେମାନଙ୍କୁ ନିଜ ଘରେ ଅଲଗା କରିବାକୁ ଅନୁମତି ଦେବୁ। ଏହାର ଅର୍ଥ ଆମକୁ ଅଧିକାରୀ ବ୍ୟବହାର କରିବାକୁ ପଡିବ ନାହିଁ। ସେମାନଙ୍କୁ କ୍ୱାରେଣ୍ଟାଇନକୁ ଆଣିବା ପାଇଁ ସେ କହିଥିଲେ।