ଦିଲ୍ଲୀ-ଏନସିଆରରେ ପ୍ରବଳ ବର୍ଷା; ଭାଙ୍ଗିଲା ଶହ ଶହ ଗଛ, ବହିଲା ୧୦୦ କିଲୋମିଟର ବେଗରେ ପବନ

ଏଥିସହିତ ଦିଲ୍ଲୀର ଅନେକ ସ୍ଥାନରେ ଗଛ ମଧ୍ୟ ଉପୁଡ଼ି ଯାଇଛି । ବର୍ଷା ପରେ ରାସ୍ତାଗୁଡ଼ିକ ଜଳମଗ୍ନ ହୋଇଯାଇଥିଲା । କେତେକ ସ୍ଥାନରେ କୁଆପଥର ମାଡ଼ ହେବାର ଖବର ମଧ୍ୟ ରହିଛି । ଏଥିସହିତ ସଫଦରଜଙ୍ଗରେ ଘଣ୍ଟା ପ୍ରତି ୧୦୦ କିଲୋମିଟର ବେଗରେ ପବନର ବେଗ ରେକର୍ଡ କରାଯାଇଛି ।

ଏହାପୂର୍ବରୁ ପାଣିପାଗ ବିଭାଗ ପକ୍ଷରୁ କୁହାଯାଇଥିଲା ଯେ, ସୋମବାର ସକାଳେ ଜାତୀୟ ରାଜଧାନୀରେ ସର୍ବନିମ୍ନ ତାପମାତ୍ରା ୨୭.୮ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି । ଦିନରେ ମେଘୁଆ ପାଗର ପୂର୍ବାନୁମାନ କରିଥିଲା ପାଣିପାଗ ବିଭାଗ । ବର୍ଷା ପରେ ଦିଲ୍ଲୀର ଭାଇ ବୀର ସିଂ ମାର୍ଗରେ ଅନେକ ଗଛ ମଧ୍ୟ ଉପୁଡ଼ି ଯାଇଛି ।

ଏଥିସହିତ ହଠାତ୍ କୁଆପଥର ମାଡ଼ ସହ ବର୍ଷା ହେବା ପରେ ପରେ ଦିଲ୍ଲୀର ଅନ୍ୟାନ୍ୟ ସ୍ଥାନରେ ଗଛ ଉପୁଡ଼ିଛି । କନ୍ନଟ୍ ପ୍ଲେସରେ ଗଛ ତଳେ ଏକ କାର୍ ଫସି ଯାଇଛି । ସୌଭାଗ୍ୟବଶତଃ କାର ଭିତରେ କେହି ନଥିଲେ ଓ କାରଟି ପାର୍କିଂ ସ୍ଥାନରେ ଛିଡ଼ା ଥିଲା ​​।

ଏଥି ସହ ଦିଲ୍ଲୀ ଟ୍ରାଫିକ ପୋଲିସ ପକ୍ଷରୁ ଟ୍ରାଫିକ ଆଲର୍ଟ ଜାରି କରାଯାଇଛି । ରେଲୱେ ଅଣ୍ଡରପାସ୍ ବ୍ରିଜ୍ ପ୍ରହ୍ଲାଦପୁରରେ ଜଳସ୍ତର ଯୋଗୁଁ ଏମବି ରୋଡ୍ (ଉଭୟ ଗାଡ଼ି ଚଳାଚଳ) ଉପରେ ଟ୍ରାଫିକ୍ ପ୍ରଭାବିତ ହୋଇଛି ବୋଲି ଦିଲ୍ଲୀ ଟ୍ରାଫିକ୍ ପୋଲିସ ଟ୍ୱିଟ୍ କରିଛି । ଦୟାକରି ସେହି ପଥକୁ ଏଡ଼ାନ୍ତୁ ।

ଏହା ବି ପଢ଼ନ୍ତୁ:-ଚୀନକୁ ଲାଗିଲା ବଡ଼ ଝଟକା!

ଏହା ବି ପଢ଼ନ୍ତୁ:-ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ କଂଗ୍ରେସକୁ ଦେଲେ ଝଟକା! ନେଲେ ଏହି ବଡ଼ ପଦକ୍ଷେପ

ଏହା ବି ପଢ଼ନ୍ତୁ:-ରାଜ୍ୟସଭା ନିର୍ବାଚନ ପାଇଁ ବିଜେପି-କଂଗ୍ରେସ ଜାରି କଲେ ପ୍ରାର୍ଥୀଙ୍କ ତାଲିକା, ଜାଣନ୍ତୁ କ'ଣ କହୁଛି ସମୀକରଣ

ଏଥି ସହିତ ପ୍ରବଳ ବର୍ଷା ଓ ଝଡ଼ ଯୋଗୁଁ ଦିଲ୍ଲୀର ବିଜେପି ମୁଖ୍ୟାଳୟରେ ଅନେକ ଗାମଲା ଭାଙ୍ଗିବା ସହ ଝଣ୍ଡା ମଧ୍ୟ ଉଡ଼ି ଯାଇଛି ।

#WATCH | Delhi: Heavy rain and thunderstorm lashed the national capital this afternoon. Visuals from BJP headquarters. pic.twitter.com/k8TDvjAtQy

ଖରାପ ପାଗ ମଧ୍ୟ ବିମାନ ଉପରେ ପ୍ରଭାବ ପକାଇଛି । ଦିଲ୍ଲୀର ବିମାନବନ୍ଦର ସୂତ୍ରରୁ ପ୍ରକାଶ ଯେ ଦିଲ୍ଲୀର ଖରାପ ପାଗ ଯୋଗୁଁ ଜୟପୁର, ଲକ୍ଷ୍ନୌ, ଚଣ୍ଡିଗଡ଼, ଅହମ୍ମଦାବାଦ, ଦେହରାଡୁନ ପାଇଁ ଆଠଟି ବିମାନ ଚଳାଚଳ ଡାଇଭର୍ଟ କରାଯାଇଛି ।