Ileana d'cruz: ବ୍ଲର ଫଟୋ ସେୟାର କରି ଇଲିଆନା ଲେଖିଲେ ମୁଁ ଯେତେବେଳେ...

ନିକଟରେ ଇଲିଆନା ଗର୍ଭବତୀ ଥିବା ନେଇ ସୋସିଆଲ ମିଡ଼ିଆରେ ଫଟୋ ସେୟାର କରି ଫ୍ୟାନ୍ସଙ୍କୁ ଏହି ଖୁସି ଖବର ଦେଇଥିଲେ । ଅଭିନେତ୍ରୀ ଏକ କଳା ରଙ୍ଗର ଡ୍ରେସ ସହ ନିଜର ଫଟୋ ଓ ‘ମାମା’ ଲେଖା ଥିବା ଏକ ଲକେଟ୍ ଓ ଏକ ଛୋଟ ଛୁଆର ଟି' ସାର୍ଟ ଫଟୋ ସେୟାର କରିଥିଲେ ।

ଇଲିଆନାଙ୍କ ପିଲାର ବାପା କିଏ ସେ ନେଇ ଅଭିନେତ୍ରୀ ଏଯାଏଁ ସ୍ପଷ୍ଟ କରିନାହାନ୍ତି । ତେବେ ଏହାକୁ ନେଇ ଏବେ କଳ୍ପନା ଜଳ୍ପନା ଲାଗି ରହିଛି ।

ନିକଟରେ ଇଲିଆନା ଏକ ବ୍ଲର ଫଟୋ ସହ ଏକ ସୁନ୍ଦର କ୍ୟାପସନ୍ ସହ ସୋସିଆଲ ମିଡ଼ିଆରେ ଏକ ପୋଷ୍ଟ କରିଥିଲେ । ଯେଉଁଥିରେ ସେ ଲେଖିଥିଲେ, ‘ଗର୍ଭବତୀ ହେବା ଏକ ସୁନ୍ଦର ଆଶୀର୍ବାଦ ଅଟେ । ତୁମ ଭିତରେ ବଢୁଥିବା ଜୀବନକୁ ଅନୁଭବ କରିବା କେତେ ସୁନ୍ଦର ତାହା ମୁଁ ବର୍ଣ୍ଣନା କରିପାରିବି ନାହିଁ । ମୁଁ ଶୀଘ୍ର ତୁମକୁ ଭେଟିବାକୁ ଯାଉଛି’ ।

ସେ ଆଉ ମଧ୍ଯ ଲେଖିଛନ୍ତି ଯେ, ‘ମୁଁ ଯେତେବେଳେ ଭାଙ୍ଗିଯାଇଥିଲି ଏହି ସୁନ୍ଦର ଲୋକ ମୋତେ ସାହସ ଦେଇଥିଲେ । ମୋ ଲୁହ ପୋଛିବା ସହ ମୋତେ ହସାଇବା ଲାଗି ଜୋକ୍ସ ଶୁଣାଉଥିଲେ’ ।

 ଅଭିନେତ୍ରୀଙ୍କ ଏହି ପୋଷ୍ଟ ପରେ ସେହି ବ୍ଲର ଫଟୋରେ ଥିବା ବ୍ୟକ୍ତିଙ୍କୁ ଜଣକ କିଏ ବୋଲି ଫ୍ୟାନ୍ସ ପ୍ରଶ୍ନ କରିବା ସହ ବିଭିନ୍ନ ପ୍ରକାର କମେଣ୍ଟ କରୁଥିବା ଦେଖିବାକୁ ମିଳିଛି ।