WTC final 2023: ଗୋଟିଏ କିମ୍ବା ଦୁଇଟି ନୁହେଁ ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲରେ ରେକର୍ଡର ଲାଇନ ଲଗାଇବେ କି୍ଙ୍ଗ୍ କୋହଲି!

ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ୍ ୨୦୨୧-୨୩ ର ଫାଇନାଲ ମ୍ୟାଚ୍ ୭ଜୁନ ରୁ ୧୧ ଜୁନ୍ ମଧ୍ୟରେ ଓଭାଲରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବ । ଯଦି ବିରାଟ କୋହଲିଙ୍କ ବ୍ୟାଟ୍ ଏହି ରୋମାଞ୍ଚକର ମ୍ୟାଚରେ ଚାଲେ, ତେବେ ସେ ନିଜ ନାମରେ ଅନେକ ବଡ଼ ରେକର୍ଡ ସୃଷ୍ଟି କରିବେ ।

ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ଆଇସିସି ନକ୍ଆଉଟ୍ ମ୍ୟାଚ୍‌ରେ ସର୍ବାଧିକ ରନ୍ ସଂଗ୍ରହ କରିବାର ରେକର୍ଡ ରଖିଛନ୍ତି । ସେ ଏଠାରେ ୧୮ଟି ଇନିଂସରେ ୭୩୧ ରନ୍ ସ୍କୋର କରିଛନ୍ତି । ଏଥି ସହିତ ସଚିନ ତେନ୍ଦୁଲକର ୧୪ ଇନିଂସରେ ୬୫୮ ରନ୍ ସ୍କୋର କରିଛନ୍ତି ।

ବିରାଟ କୋହଲି ଯଦି ଏହି ଫାଇନାଲ ମ୍ୟାଚରେ ୧୧୨ ରନ୍ ସ୍କୋର କରନ୍ତି, ତେବେ ସେ ଆଇସିସି ନକ୍ଆଉଟ୍ ମ୍ୟାଚରେ ସର୍ବାଧିକ ରନ୍ ସ୍କୋର କରିଥିବା ପ୍ରଥମ ବ୍ୟାଟ୍ସମ୍ୟାନ୍ ହେବେ । ବର୍ତ୍ତମାନ ସେ ଏଠାରେ ୧୫ଟି ଇନିଂସରେ ୬୨୦ ରନ୍ ସ୍କୋର କରିଛନ୍ତି ।

ବିରାଟ କୋହଲି ଏପର୍ଯ୍ୟନ୍ତ ଅଷ୍ଟ୍ରେଲିଆ ବିପକ୍ଷରେ ମୋଟ ୨୪ଟି ଟେଷ୍ଟ ମ୍ୟାଚ୍ ଖେଳିଛନ୍ତି । ଏହି ସମୟ ମଧ୍ୟରେ ୧୯୭୯ ରନ ତାଙ୍କ ବ୍ୟାଟରୁ ବାହାରିଛି । ଯଦି ଫାଇନାଲ ମ୍ୟାଚରେ କୋହଲିଙ୍କ ବ୍ୟାଟରୁ ୨୧ ରନ୍ କରନ୍ତି, ତେବେ ସେ ଅଷ୍ଟ୍ରେଲିଆ ବିପକ୍ଷ ଟେଷ୍ଟ କ୍ରିକେଟରେ ୨୦୦୦ ରନ୍ ସ୍କୋର କରିଥିବା ଭାରତର ପଞ୍ଚମ ଖେଳାଳି ହେବେ ।

କେବଳ ଏତିକି ନୁହେଁ, ଯଦି ଫାଇନାଲ ମ୍ୟାଚରେ ତାଙ୍କ ବ୍ୟାଟରୁ ୫୫ ରନ୍ ସାମ୍ନାକୁ ଆସେ, ତେବେ ସେ କଙ୍ଗାରୁ ଦଳ ବିପକ୍ଷରେ ୫୦୦୦ ଅନ୍ତର୍ଜାତୀୟ ରନ୍ ସ୍କୋର କରିଥିବା ଦ୍ୱିତୀୟ ବ୍ୟାଟ୍ସମ୍ୟାନ୍ ହେବେ । ବର୍ତ୍ତମାନ ସେ ଅଷ୍ଟ୍ରେଲିଆ ବିପକ୍ଷ ୯୨ଟି ମ୍ୟାଚରେ ୪୯୪୫ ରନ୍ ସଂଗ୍ରହ କରିଛନ୍ତି । ସଚିନ (୬୭୦୭) ପ୍ରଥମ ସ୍ଥାନ ଅଧିକାର କରିଛନ୍ତି ।

ରାହୁଲ ଦ୍ରାବିଡ ଇଂଲଣ୍ଡରେ ଖେଳିବାବେଳେ ଟିମ୍ ଇଣ୍ଡିଆ ପାଇଁ ସର୍ବାଧିକ ରନ୍ ସ୍କୋର କରିବାର ରେକର୍ଡ ରଖିଛନ୍ତି । ସେ ୪୬ଟି ମ୍ୟାଚ୍ ଖେଳିବାବେଳେ ୨୬୪୬ ରନ୍ କରିଛନ୍ତି । ଯଦି ଓଭାଲରେ କୋହଲିଙ୍କ ବ୍ୟାଟରୁ ୭୨ ରନ୍ ବାହାରେ ଆସେ, ତେବେ ସେ ଦ୍ରାବିଡଙ୍କୁ ପଛରେ ପକାଇବେ । କୋହଲି ଇଂଲଣ୍ଡରେ ଏପର୍ଯ୍ୟନ୍ତ ୫୬ଟି ମ୍ୟାଚ୍ ଖେଳି  ୨୫୭୪ ରନ୍ ସ୍କୋର କରିଛନ୍ତି ।