Yamaha RX100: ପୁଣି ମାର୍କେଟରେ ରାଜ୍ କରିବାକୁ ଆସୁଛି ଏହି ବାଇକ୍, ଦେଖନ୍ତୁ ନୂଆ ଲୁକ୍

ଯଦି ଗାଡ଼ିର ଡିଜାଇନ କଥା କହିବା ତେବେ ଆଗାମୀ Yamaha RX100 ଏକ ରେଟ୍ରୋ ଡିଜାଇନ୍ ପାଇବ । ଏହା କମ୍ପାନୀର ଆଧୁନିକ ପ୍ଲାଟଫର୍ମରେ ନିର୍ମିତ ହେବ । ଏହି ବାଇକ୍ ମୁଖ୍ୟତଃ ପୁରୁଣା ମଡେଲ୍ ସହିତ ସମାନ ହେବ ।

ଏହି ବାଇକ୍ ରେ  ଟିୟର ଡ୍ରପ ଆକୃତିର ଇନ୍ଧନ-ଟ୍ୟାଙ୍କ, ଫ୍ଲାଟ-ଟାଇପ୍ ସିଟ୍, ବଡ଼ ହ୍ୟାଣ୍ଡେଲବାର୍, ରାଉଣ୍ଡ ହେଡଲ୍ୟାମ୍ପ ୟୁନିଟ୍, କ୍ରୋମଡ୍ ଫେଣ୍ଡର, ଉନ୍ନତ ଏକ୍ସଜଷ୍ଟ ସିଷ୍ଟମ, କ୍ଲାସିକ୍ ଲୁକ୍ ଟାଇଲମ୍ପ ଏବଂ ଏକ ଆଧୁନିକ ସେମି-ଡିଜିଟାଲ୍ ଯନ୍ତ୍ର କ୍ଲଷ୍ଟର ମଧ୍ୟ ରହିବ । 

ଏଠାରେ କହିରଖୁଛୁ ଯେ, ତେବେ ଏହା ଭାରତରେ ଉପଲବ୍ଧ FZ କିମ୍ବା R ରେଞ୍ଜର ଏକ ଆଧୁନିକ 150cc ଇଞ୍ଜିନ୍ ସହିତ ଆସିବ ବୋଲି ଆଶା କରାଯାଉଛି । ସୂଚନା ଅନୁଯାୟୀ, ଏହି ବାଇକ୍ ପ୍ରତି ଘଣ୍ଟାରେ ୧୧୦ କିଲୋମିଟର ବେଗରେ ଚାଲିପାରିବ । ଏଥି ସହିତ, ଏହା ଏକ ଲିଟର ପେଟ୍ରୋଲରେ ୪୫ କିଲୋମିଟର ଦୂରତା ଅତିକ୍ରମ କରିବ। 

ବାଇକ ଚାଳକଙ୍କ ସୁରକ୍ଷାକୁ ଧ୍ୟାନରେ ରଖି ଉନ୍ନତ ବ୍ରେକିଂ କାର୍ଯ୍ୟଦକ୍ଷତା ପାଇଁ ଅପଡେଟ୍ ହୋଇଥିବା Yamaha RX 100 ଉଭୟ ଆଗ ଏବଂ ପଛ ଚକ ଉପରେ ଡିସ୍କ ବ୍ରେକ୍ ସହିତ ମାର୍କେଟକୁ ଆସିବ । 

ଏହି ବାଇକ୍ ନାଁ ଆଧାରରେ ପ୍ରଥମେ ତେଲୁଗୁ ଫିଲ୍ମ RX 100 ନିର୍ମିତ କରାଯାଇଥିଲା । ପରେ ଏହାକୁ ହିନ୍ଦୀରେ ମଧ୍ୟ ରିମେକ କରାଯାଇଥିଲା।