Indian Railway: ଚଳନ୍ତା ଟ୍ରେନରୁ ଭୁଲବଶତଃ ଖସି କ୍ଷତାକ୍ତ ହେଲେ କେତେ ମିଳିଥାଏ କ୍ଷତିପୂରଣ ଜାଣନ୍ତୁ!

ନିକଟରେ କର୍ଣ୍ଣାଟକ ହାଇକୋର୍ଟ ଟ୍ରେନରେ ଖସିପଡି ମୃତ୍ୟୁବରଣ କରିଥିବା ମହିଳାଙ୍କୁ ୮ଲକ୍ଷ ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି। ମହିଳା କର୍ଣ୍ଣାଟକର ଚାନ୍ନାପାଟନା ରେଳ ଷ୍ଟେସନରେ ଭୁଲ ଟ୍ରେନରେ ଚଢିଯାଇଥିଲେ। ପରେ ସେ ଭୟଭୀତ ହୋଇ ଟ୍ରେନରୁ ଡେଇଁପଡିଥିଲେ, ଯେଉଁଥିପାଇଁ ମହିଳାଙ୍କର ମୃତ୍ୟୁ ହୋଇଥିଲା।

ଟ୍ରେନରେ ଦୁର୍ଘଟଣା ହେତୁ ମୃତ୍ୟୁ ଘଟିଥିବା ବେଳେ କ୍ଷତିପୂରଣ ରାଶି ୫ ଲକ୍ଷ ଟଙ୍କା, ଗୁରୁତର ଆଘାତ ହେଲେ କ୍ଷତିପୂରଣ ରାଶି ଅଢେଇ ଲକ୍ଷ ଏବଂ ସାମାନ୍ୟ ଆଘାତ ପାଇଁ ଏହି ରାଶି ୫୦ ହଜାର ଟଙ୍କା ଅଟେ।

ଅଘଟଣ ଘଟଣାରେ ମୃତ୍ୟୁ ପାଇଁ କ୍ଷତିପୂରଣ ରାଶି ଦେଢଲକ୍ଷ ଟଙ୍କା, ଗୁରୁତର ଆଘାତ ପାଇଁ କ୍ଷତିପୂରଣ ରାଶି ପଚାଶ ହଜାର ଟଙ୍କା ଏବଂ ସାମାନ୍ୟ ଆଘାତ ପାଇଁ କ୍ଷତିପୂରଣ ରାଶି  ୫ ହଜାର ଟଙ୍କା । 

ଦୁର୍ଘଟଣା ହେଲେ ରେଳବାଇ ଦ୍ୱାରା ବୀମା ରାଶି ମଧ୍ୟ ଦିଆଯାଏ । ଅନଲାଇନରେ ଟିକେଟ୍ ବୁକ୍ କରିବା ସମୟରେ ଯାତ୍ରୀମାନେ ଏହି ବିକଳ୍ପ ବାଛିପାରିବେ । ମୃତ୍ୟୁ ହେଲେ ଉତ୍ତରାଧିକାରୀଙ୍କୁ ଦଶ ଲକ୍ଷ ଟଙ୍କା ମିଳିଥାଏ। 

ସ୍ଥାୟୀ ଅକ୍ଷମତା ଆଧାରରେ ରେଲୱେ ଦ୍ୱାରା ଯାତ୍ରୀଙ୍କୁ ଦଶ ଲକ୍ଷ ଟଙ୍କା ବୀମା ରାଶି ଦିଆଯାଏ । ଯଦି ଦୁର୍ଘଟଣା ହେତୁ ଯାତ୍ରୀ ସ୍ଥାୟୀ ଭାବରେ ଆଂଶିକ ଅକ୍ଷମ ହୋଇଯାଏ, ତେବେ ତାଙ୍କୁ ସାଢେ ସାତ ଲକ୍ଷ ଟଙ୍କା ବୀମା ରାଶି ମିଳିଥାଏ । ଆଘାତ ଏବଂ ଡାକ୍ତରଖାନାରେ ଭର୍ତ୍ତି ହେବାର ମୂଲ୍ୟ ୨ଲକ୍ଷ ଟଙ୍କା। 

(Disclaimer: ଏହି ଖବର କେବଳ ସୂଚନା ପ୍ରଦାନ ପାଇଁ। ଅଧିକ ବିବରଣୀ ପାଇଁ ଅଫିସିଆଲ୍ ୱେବସାଇଟ୍ ରେ ଭିଜିଟ୍ କରିପାରିବେ)।