Ollywood Couple: ଆସନ୍ତୁ ଜାଣିବା ଏହି ଓଲିଉଡ ଦମ୍ପତ୍ତିଙ୍କ ବିଷୟରେ

ସବ୍ୟସାଚୀ ମିଶ୍ର ଓ ଅର୍ଚ୍ଚିତା ମହାପାତ୍ର 

ଓଲିଉଡ ଦମ୍ପତ୍ତିଙ୍କ ମଧ୍ୟରେ ସବ୍ୟସାଚୀ ଓ ଅର୍ଚ୍ଚିତାଙ୍କ ଯୋଡ଼ି ଅନ୍ୟତମ । ଏହି ଦମ୍ପତ୍ତି ନିଜର ଭିନ୍ନ ଜୀବନ ଶୈଳୀକୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି। ଏହାଛଡ଼ା ଦୁହେଁ ସୋସିଆଲ ମିଡ଼ିଆରେ ମଧ୍ୟ ବେଶ୍ ସକ୍ରିୟ ଥାନ୍ତି ।

ଓଲିଉଡର ଆଗଧାଡ଼ିର ନାୟକ ନାୟିକା ସବ୍ୟସାଚୀ ଓ ଅର୍ଚ୍ଚିତା ସବୁବେଳେ ଦର୍ଶକଙ୍କ ହୃଦୟରେ ଥାନ୍ତି ।  ଏହି ଅଭିନେତା ଓ ଅଭିନେତ୍ରୀ  ନିଜ ଦାମ୍ପତ୍ୟ ଜୀବନରେ ମଧ୍ୟ ବେଶ୍ ଶୃଙ୍ଖଳିତ। ଦୁହେଁ ରାଜସ୍ଥାନରେ ମାର୍ଚ୍ଚ ୨୦୨୧ ରେ ବିବାହ କରିଥିଲେ ।

ବର୍ଷା ପ୍ରିୟଦର୍ଶିନୀ ଓ ଅନୁଭବ ମହାନ୍ତି

ଅନୁଭବ ମହାନ୍ତି ଜଣେ ଅଭିନେତା,ଚଳଚ୍ଚିତ୍ର ନିର୍ମାତା,ଟେଲିଭିଜନ ବ୍ୟକ୍ତିତ୍ୱ ତଥା ରାଜନେତା । ବର୍ଷା ପ୍ରିୟଦର୍ଶିନୀ ମଧ୍ୟ ଆଗ ଧାଡ଼ିର ନାୟିକାଙ୍କ ମଧ୍ୟରେ ଜଣାଶୁଣା, ଏହା ବ୍ୟତୀତ ସେ ବର୍ତ୍ତମାନ ସମାଜସେବୀ ମଧ୍ୟ । ୨୦୧୪ ଫେବୃଆରୀ ୮ରେ ବିବାହ ବନ୍ଧନରେ ବାନ୍ଧି ହୋଇଥିଲେ ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀ। ଏହି ଦମ୍ପତ୍ତିଙ୍କ ବିବାହ ଓ ରିସେପସନ ପାର୍ଟିରେ ରାଜ୍ୟର ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇଥିଲେ । 

ତେବେ ବିବାହର କିଛି ବର୍ଷ ମଧ୍ୟରେ ଉଭୟଙ୍କର ପାରିବାରିକ ଜୀବନରେ ଝଡ଼ ଆସିଥିଲା। ଅନୁଭବ ବର୍ଷାଙ୍କ ଠାରୁ ଅଲଗା ହେବା ପାଇଁ ଦିଲ୍ଲୀ ପଟିଆଲା କୋର୍ଟରେ  ଆବେଦନ କରିଥିଲେ। ବର୍ତ୍ତମାନ ବିବାହ ବିଚ୍ଛେଦ ମାମଲା କୋର୍ଟରେ ବିଚାରାଧୀନ ଅଛି ।

ସିଦ୍ଧାନ୍ତ ମହାପାତ୍ର ଓ ମାମା ମିଶ୍ର

ସିଦ୍ଧାନ୍ତ ମହାପାତ୍ର ଓ ମାମା ମିଶ୍ର ଓଲିଉଡ଼ର ଏକ ଜଣାଶୁଣା ଯୋଡ଼ି। ଏହି ଯୋଡ଼ିକୁ ଦର୍ଶକ ମାନେ ମଧ୍ୟ ବେଶ୍ ପସନ୍ଦ କରିଥିଲେ । ଆଉ ଏହା ପରେ ଦୁହେଁ ରିଲ୍ ଲାଇଫରୁ ରିଅଲ ଲାଇଫର ଜୀବନସାଥି ପାଲଟି ଯାଇଥିଲେ।

୨୦୦୪ ମସିହାରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ। ତେବେ ବିବାହ ପରେ ମାମା ମିଶ୍ରଙ୍କୁ ଆଉ ଟିଭି ପରଦାରେ ଦେଖିବାକୁ ମିଳିନଥିଲା। ବର୍ତ୍ତମାନ ଏହି ଯୋଡ଼ି ଦାମ୍ପତ୍ୟ ଜୀବନରେ ବହୁତ ଖୁସିରେ ଅଛନ୍ତି। ଏହି ତାରକା ଦମ୍ପତ୍ତିଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି ।

କୋଏଲ ବାନାର୍ଜୀ ଓ ବବି ମିଶ୍ର

କୋଏଲ ବାନାର୍ଜୀ ଜଣେ ଓଡ଼ିଆ ଅଭିନେତ୍ରୀ ଭାବେ ଜଣାଶୁଣା ନାମ । ସେ ୨୦୧୦ ମସିହାରେ ଓଡ଼ିଆ ଚଳଚ୍ଚିତ୍ର ତୁ ଥାଆ ମୁଁ ଯାଉଚି ରୁଷିରୁ ଅଭିନୟ ଆରମ୍ଭ କରିଥିଲେ । 

ପଶ୍ଚିମ ବଙ୍ଗରେ ଜନ୍ମିତା ଏହି ଅଭିନତ୍ରୀ ଓଡ଼ିଆ ଚଳଚ୍ଚିତ୍ରରେ ଅଭିନୟ କରିବା ପରେ ଅଭିନେତା ବବି ମିଶ୍ରଙ୍କୁ ବିବାହ କରିଥିଲେ । ଏବେ ଦୁହିଁଙ୍କର ବିବାହ ବିଚ୍ଛେଦ ହୋଇସାରିଛି। ଅଭିନେତ୍ରୀ ପୁନାର୍ବିବାହ କରିବା ପରେ ପଶ୍ଚିମ ବଙ୍ଗରେ ରହୁଛନ୍ତି

ଜିନା ସାମଲ ଓ ରୁଦ୍ର ପାଣିଗ୍ରାହୀ 

ଏହି ଦମ୍ପତ୍ତି ଓଲିଉଡ଼ର ଜଣାଶୁଣା ଯୋଡି। ଫେରିଆ ମୋ ସୁନା ଭଉଣୀରୁ ଓଲିଉଡ଼ରେ ନାୟିକା ଭାବେ ପ୍ରବେଶ କରିଥିଲେ ଜିନା।

ସେହିପରି ମନେ ରହିବ ଏ ପ୍ରେମ କାହାଣୀ ଜରୀଆରେ ଡେବ୍ୟୁ କରିଥଲେ ରୁଦ୍ର ସାମଲ। ଏହା ପରେ ଦୁହେଁ ବିବାହ କରିଥିଲେ। ଏକ ରିଆଲିଟି ସୋ ରେ ନିଜର ବରକୁ ଚୟନ କରିଥଲେ ଜିନା ।